МУНИЦИПАЛЬНОЕ КАЗЕННОЕ УЧРЕЖДЕНИЕ КУЛЬТУРЫ «МНОГОФУНКЦИОНАЛЬНЫЙ КУЛЬТУРНЫЙ КОМПЛЕКС» МУНИЦИПАЛЬНОГО ОБРАЗОВАНИЯ «МЕГИНСКИЙ НАСЛЕГ»
Бүгүн бэс ыйын 29 күнүгэр туойтан оҥоһук оҥорон таһаарыыга маастар-кылаас тэрилиннэ. Барыта 7 нэһилиэкпит олохтоохторо, ол иһигэр 1 оскуола үөрэнээччитэ интэриэһиргээн, кэлэн кыттыыны ылан, бэрт элбэх саҥаны биллилэр, бэйэлэрин аан маҥнайгы оҥоһуктарын чочуйан таһаардылар. Маастар кылааһы иилээн саҕалаан тэрийбит Прасковья Егоровна Лебедеваҕа истиҥ махталбытын тиэрдэбит.
Анал байыаннай дьайыыга сылдьар биир дойдулаахтарбытыгар көмө оҥорор сыаллаах бэс ыйын 27, 28, 29 күннэригэр маскировочнай сетка оҥорон ыытыыга акция тэрилиннэ. Нэһилиэкпит олохтоохторо илиилэрин сылааһынан угуттаан, этэҥҥэ сылдьалларын туһугар алгыс анаан акцияҕа көхтөөхтүк кытыннылар. Бу үтүө санаа дойдуларыттан тэйиччи сылдьар биир дойдулаахтарбытыгар, уолаттарбытыгар дурда-хахха, көмүскэл буоллун! Акцияҕа кыттыбыт бар дьоммутугар махталбытын биллэрэбит! Барыта этэҥҥэ буоллун!
Бэс ыйын 21 күнүгэр «Ураһалаах» алааһыгар Саха Өрөспүүбүлүкэтигэр физкультурнай хамсааһын тэриллибитэ 100 сылыгар, Арассыыйаҕа учуутал уонна аҕа сүбэһит, Саха Өрөспүүбүлүкэтигэр Үлэ, Мэҥэ-Хаҥалас улууһугар Тыа хаһаайыстыбатын сылларыгар аналлаах «Үлэ — үөрүү, үлэ дьол, үлэ үүнэр сайдар суол!» улууспут ыһыаҕар нэһилиэкпититтэн 54 киһилээх делегация кыттыыны ылла. Улуус салалтата, ыҥырыылаах ыалдьыттар, үөрэҕирии, үлэ, тыа хаһаайыстыбатын бастыҥ үлэһит дьоно, …
Бэс ыйын 20 күнүттэн бэс ыйын 21 күнэ үүнэр сарсыардатыгар Үрдүк Айыыларбыт сиргэ чугаһыыр кэмнэригэр саха сиэринэн күнү көрсүү сиэрин-туомун толордубут. Үрүҥ Айыыларбытыттан уйгу-быйаҥ дьылы, дьоммут-сэргэбит этэҥҥэ буолууларын көрдөстөхпүт буоллун. Уруй-туску! Айхал-Мичил!
Бэс ыйын 1 күнүгэр аан дойдутааҕы оҕо көмүскэлин күнүгэр аналлаах тэрээһин буолан ааста. Оҕо оонньуур площадкатыгар нэһилиэкпит кырачааннар, оскуола оҕолоро, төрөппүттэр бары тоҕуоруһа мустан бырааһынньыгы үөрэ-көтө көрүстүбүт. Оскуола алын сүһүөх үөрэнээччилэрэ ылбаҕай ырыаларынан, тэтимнээх үҥкүүлэринэн тэрээһин үөрүүлээх чааһын ситэрэн, киэргэтэн биэрдилэр. «Аартык» түөлбэ оҕолоругар анаан тэрийэн ыытыллыбыт уруһуй күрэҕин кыттыылаахтарын, кыайыылаахтарын Александра Николаевна Габышева, Сардана …
Ыам ыйын 31 күнүгэр Майа сэлиэнньэтин «Ураһалаах» алааһыгар Мэҥэ Хаҥалас улууһун култуураҕа уонна духуобунай сайдыы управлениетын уонна култуура үлэһиттэрин профсоюһун көҕүлээһиннэринэн үгэскэ кубулуйбут Мэҥэ Хаҥалас улууһун култууратын үлэһиттэрин спартакиадата буолан ааста. Уопсайа култуура үлэһиттэрэ 7 хамаанданан волейболга, пулевой ытыыга, 60×60 саастарынан сүүрүүгэ, көрдөөх стартарга, канат тардыһыытыгар күөн көрүстүлэр. Күрэхтэһиилэр олус көхтөөхтүк, сэргэхтик, тыҥааһыннаахтык, өрө көтөҕүллүүлээхтик …