МУНИЦИПАЛЬНОЕ КАЗЕННОЕ УЧРЕЖДЕНИЕ КУЛЬТУРЫ «МНОГОФУНКЦИОНАЛЬНЫЙ КУЛЬТУРНЫЙ КОМПЛЕКС» МУНИЦИПАЛЬНОГО ОБРАЗОВАНИЯ «МЕГИНСКИЙ НАСЛЕГ»
Муус устар 17 күнүгэр олохтоох култуура дьиэтигэр, М.П. Габышев аатынан Балыктаах орто оскуолатын коллективын көҕүлээһинэн, тумус туттар оҕолорун уонна Мэҥэ нэһилиэгин талааннаах дьонун икки ардыларыгар «Икки сулус» талааны көрүү күрэҕэ буолан ааста. Бу дьоро киэһэ көрөөччүлэр сылаас ытыстарын тыаһынан, сарсыҥҥы кэрэни кэрэхсээн, саҥа кэм кэлэрин айхаллаан, саргылаах олоҕу уруйдаан, сырдык мичээр сыдьаайдаах, күлүү-үөрүү аргыстаах «Икки …
Нэһилиэкпит нэдиэлэтээҕи сүрүн сонуннарын сиһилии ➡️➡️➡️ https://vkvideo.ru/video-217462716_456239132 сигэнэн киирэн көрөргүтүгэр 🙌
Муус устар 15 күнүгэр олохтоох култуура дьиэтигэр, Мэҥэ нэһилиэгин эркин курдук эрэнэр эр дьонноругар, ыччаттарыгар, үрдүкү кылаас уолаттарыгар аналлаах «НЭҺИЛИЭКПИТ — ИННИКИ КЭСКИЛЭ»төгүрүк остуол тула аһаҕас кэпсэтиибуолан ааста. Тэрээһини «Мэҥэ нэһилиэгэ» тыа сирин түөлбэтин баһылыга Габышев Ньургун Владимирович киирии тылынан арыйда. Төгүрүк остуолга түмсүбүт нэһилиэкпит аҕам саастаах эр дьоннорун, эдэр ыччаттарын, үрдүкү кылаас уолаттарын, кэлэр …
Муус устар 11 күнүгэр олохтоох култуура дьиэтигэр Аграфена Дмитриевна Макарова аатынан Дьокуускайдааҕы култуура уонна урамньы кэллиэһин устудьуоннара кыттыылаах «Күн Өркөн» айар түһүлгэтин сахалыы тыыннаах уус – уран самодеятельноһын кэнсиэрэ буолан ааста. Бу киэһэ биһиги нэһилиэкпитигэр ыалдьыттаата саха сирин араас муннуктарыттан мустубут үөрэх – сайдыы киэн дуолун тэлэйэн, норуотун алгыһын кутугар сөҥүрдэн, сайаҕас сырдык санааларын, ыраах …
Муус устар 11 күнүгэр нэһилиэкпитигэр «Дорообо, сандал саас!» кыһыны атаарар норуот күүлэйэ буолан ааста. Бу күн нэһилиэкпит олохтоохторугар, ыалдьыттарыгар, оҕолорбутугар сандал сааһы уруйдуур эҕэрдэ кэнсиэр, тэрилтэлэринэн, биирдиилээн дьон кыттыылаах атыы-тутуу, сибиэһэй салгыҥҥа атынан хатааһылааһын, нэһилиэк эр дьонун хамаандаларын икки ардыларыгар аналлаах күрэхтэһии тэриллэн ыытылынна. Кыһыны атаарыы норуот күүлэйин бырааһынньыга «Мэҥэ нэһилиэгэ» тыа сирин тэриллиитин баһылыга …
Кулун тутар 31 күнүгэр олохтоох култуура дьиэтигэр оҕуруот үүннэриитин киэҥник баһылаабыт Дьяконова Евдокия Васильевна нэһилиэк олохтоохторугар анаан арбуз үүннэриитин туһунан маастар-кылаас тэрийэн ыытта. Бу күн маастар-кылааһы интэриэһиргээн кэлбит истээччилэргэ Евдокия Васильевна арбуһу хайдах прививкалаан (атын үүнээйигэ сыһыаран) тымныыга тулуурдаах гына үүннэрэр туһунан кистэлэҥнэрин билиһиннэрдэ, баай уопутуттан үллэһиннэ. Ону сэргэ хайдах олордор, хайдах көрөр-истэр туһунан сиһилии …
Кулун тутар 28 күнүгэр олохтоох култуура дьиэтигэр, көр-күлүү күнүн көрсө нэһилиэк олохтоохторугар уонна ыалдьыттарыгар «Бэтиэхэлээх Балыктаахтар» көр – күлүү бөлөҕө, нэһилиэкпит саамай көхтөөх тэрилтэтэ, «Доруобуйа» общественнай түмсүү бииргэ түмсэн быар быстыар, сыҥаах ыалдьыар дылы күлэр «Сааскы бэтиэхэ — 2026» көрдөөх кэнсиэри тэрийэн ыыттылар. Бу киэһэ мустубут дьээбэни – хообону сэргээччилэр, тиэхэни – бэтиэхэни таптааччылар сандал …
Кулун тутар 27 күнүгэр М.К.Аммосов аатынан хотугулуу-илиҥҥи федеральнай университет иһинэн тэриллэн үлэлиир «УУС» снежнай десант этэрээтин байыастара Балыктаах бөһүөлэгэр ыалдьыттаатылар. Күн бастакы аҥарыгар М.П.Габышев аатынан Балыктаах орто оскуолатын үөрэнээччилэригэр профориентация, ону сэргэ бэһиэлэй оонньуулары ыыттылар. Уопсайа 18 устудьуон кэлэн, оҕолорго бэйэлэрин үөрэнэр институттарын, уопсай дьиэлэрин, араас общественнай хамсааһыннарын сырдатан кэпсээннэр, санааларын үллэстэннэр, оҕолор ыйытыыларыгар хоруйдааннар, …
Кулун тутар 23 күнүгэр, дьоллоох Дьокуускай куорат килбэйэр киинигэр, «Үргэл» арт-галерея кэрэ туонатыгар, Саха Республикатын үөрэҕириитин үтүөлээх үлэһитэ, III-с степэннээх үлэ албан аат орденын кавалера Александра Николаевна Габышева үлэлэринэн «Айар анал» персональнай быыстапка аһыллыытын үөрүүлээх тэрээһинэ буолан ааста. «Айар анал» персональнай быыстапка үөрүүлээх аһыллыытын алгыс сиэрин-туомун тэрийдэ Андреева Лидия Ивановна – Ил-Иитэ Күн Сыралыма. Быыстапка …
Кулун тутар 22 күнүгэр олохтоох култуура дьиэтигэр сандал сааһы уруйдуу, дьикти кэрэ айылҕалаах, сиртэн хостонор баайдаах Сунтаар улууһун Кэмпэндээйи сириттэн Анна Тотонова, Аркадий Игнатьев уонна «Бэс чагда» бөлөх кыттыылаах ырыа-үҥкүү аргыстаах «КҮНТЭН КҮҮС ЫЛАН» эҕэрдэ кэнсиэр үрдүк таһымнаахтык буолан ааста. Бииртэн биир чаҕылхай нүөмэрдэр бу киэһээни киэргэттилэр: Кэнсиэр Тоҕус мэҥэ хамсаныылаах алгыстан саҕаланна. Анна Тотонова …