Балаҕан ыйын 26 күнүгэр олохтоох култуура дьиэтигэр Саха Өрөспүүбүлүкэтин судаарыстыбаннай суверенитетын туһунан Декларация ылыныллыбыт күнүгэр аналлаах тэрилтэлэр уонна нэһилиэк ветераннарын хамаандаларын икки ардыларыгар «Өркөн өй» — ток шоу күрэх буолан ааста.
Бүгүҥҥү тэрээһин үөрүүлээх аһыллыытын музыкальнай нүөмэрдэринэн киэргэттилэр:
«Сахам сирэ» ырыанан Рима Фадеева.
«Оһуохай» үҥкүүнэн «Ыллыкчаан» оҕо образцовай үҥкүү ансаамбыла (салайааччы Мария Кычкина).
Салгыы өйү мускуйар «Өркөн өй» — ток шоу күрэххэ олохтоох дьаһалта (баһылык Куприянов А.В.), «Звездочка» оҕо уһуйаана (сэбиэдиссэй Кычкина А.С.), олох-дьаһах коммунальнай хаһаайыстыба (начальник Ноговицын И.Н.), М.П.Габышев аатынан Балыктаах орто оскуола (директор Иванов Е.Н.), кыра тэрилтэлэр, урбаанньыттар коллективтара (салайааччылар Кычкина Л.Л., Петрова П.В., Барабанова Н.С., Кириллин Н.Л., Михайлова З.С.) уонна нэһилиэк ветераннара (салайааччы Цыденжапова Т.С.) 5-тии киһилээх хамаанда тэринэн, ох курдук оҥостон, бэлэмнэнэн, кыттыыны ыллылар. «Өркөн өй» — ток шоу күрэҕи иилээн-саҕалаан ыытта Сардана Степановна Стручкова.
Дьүүллүүр сүбэҕэ үлэлээтилэр:
Кычкина Любовь Васильевна, Кычкина Лариса Лаврентьевна, Трифонова Сардана Семеновна.
1-кы түһүмэх: Суверенитет, аҕа дойду улуу сэриитэ темаларынан уонна көрдөөх боппуруостарга эппиэттээһин.
2-с түһүмэх: Экраҥҥа суруллубут аҕаларга аналлаах хоһооннору дорҕоонноохтук ааҕыыга күрэх.
3-с түһүмэх: Саха сирин гербэлэрин таайыы.
4-с түһүмэх: Хартыыналары сөптөөхтүк ааттарын таайыы.
5-с түһүмэх: Алдьаммыт тылтан өс хоһоону сааһылааһын.
6-с түһүмэх: Хомурдуос диэн тылтан саҥа тыллары таһаарыы.
Саха Өрөспүүбүлүкэтин судаарыстыбаннай суверенитетын туһунан Декларация ылыныллыбыт күнүгэр аналлаах тэрилтэлэр уонна нэһилиэк ветераннарын хамаандаларын икки ардыларыгар толкуйу эрэйэр, олус интириэһинэй боппуруостардаах «Өркөн өй» — ток шоу күрэхпит түмүгэ маннык буолла:
1 миэстэ — 71 очколаах нэһилиэк ветераннарын хамаандата (капитан Винокуров А.Н.)
2 миэстэ — 48 очколаах «Звездочка» оҕо уһуйаанын коллективын хамаандата (капитан Васильева А.Г.)
3 миэстэ — 47 очколаах М.П.Габышев аатынан Балыктаах орто оскуолатын коллективын хамаандата (капитан Винокурова Л.В.)
Көхтөөх кыттыыларын иһин туоһу суругунан наҕараадаланнылар:
46 очколаах кыра тэрилтэлэр, урбаанньыттар хамаандалара (капитан Кириллин Н.Л.), 28 очколаах олохтоох дьаһалта хамаандата (капитан Куприянов А.В.) уонна 25 очколаах ОДьКХ хамаандата (капитан Харитонов С.С.). Күрэх кыайыылаахтарыгар анал грамоталар уонна бары көхтөөхтүк кыттыбыт хамаандаларга туоһу суруктар туттарылыннылар.
Бүгүҥҥү тэрээһиммитигэр кэлэн кыттыыны ылбыт бары хамаандаларбытыгар, көрөөччүлэрбитигэр сылаас махтал тылларын тиэрдэбит. Нэһилиэкпит, улууспут, Республикабыт сайдарын туһугар бары түмсүүлээх буолан, үгүс үтүө үлэлэргитинэн дьон олоҕун таһымын үрдэтиитигэр, олорорго, үлэлииргэ табыгастаах эйгэни тэрийэргэ, үлэ бары хайысхатыгар ситиһиилээх, кыайыылаах-хотуулаах буолуоҕуҥ диэн баҕа санаа бастыҥын аныыбыт!
