Кулун тутар 13 күнүгэр Аллараа Бэстээх бөһүөлэгэр, «Парус» спортивнай комплекс уораҕайыгар 69 – с төгүлүн ыытыллыбыт Василий Константинович Степанов аатынан култуура уонна спорт эстафета уус-уран оҥоһуктарын быыстапкатын көрүү буолан ааста.
Ону сэргэ, бу күн үөрүүлээх түгэнинэн биир улахан ситиһиибит — Валентина Борисовна «За заслуги перед районом» анал бэлиэлээх улуус баһылыгын Тихонов Дмитрий Иванович грамотатынан наҕараадаланна.
Быйылгы быыстапкаҕа уопсайа 102 киһи кытынна, ол иһигэр коллективнай 10 үлэҕэ уопсайа 77 киһи кыттыыны ылла. Уус-уран оҥоһуктар быыстапкатын кыттыылаахтара барыта 287-тэн тахса үлэни туруордулар. Ирдэнэр көрүҥнэринэн уус-уран быыстапканы дьүүллүүр сүбэ көрөн, сыаналаан түмүк маннык буолла:
Лауреат үрдүк аатын ылары ситистилэр:
Березкина Валентина Борисовна- кылтан, сиэлтэн үлэлэрэ.
Мордискина Антонина Николаевна- төрүт үгэһи тутуһан тигиллибит саха таҥаһа.
Кычкина Анна Васильевна — чаппараах, 2 кычым быысапка үлэлэрэ.
Габышева Александра Николаевна — художественнай хартыыналара.
Дипломант аатынан бэлиэтэннилэр:
Прибылых Марина Семеновна, Захарова Людмила Кирилловна — кулуһун сөрүө коллективнай үлэлэрэ.
Ветеран сэбиэтин тирииттэн «Харысхал» коллективнай үлэлэрэ.
«Звездочка» детсад үлэһиттэрин «Арчыына» туойтан коллективнай үлэлэрэ.
Гоголев Ньургун Иннокентьевич — тимиртэн саха төрүт дьарыга.
Дьяконов Гаврил Гаврильевич- художественнай хартыыналара.
Орто оскуола учууталларын «Иис — күүс» түмсүү «культура, спорт эстафетата — нэһилиэк сайдар, үүнэр тускула» куукула оҥоруутугар коллективнай үлэтэ.
«Күбэйэ» түмсүү сиэлтэн гобелен, чаппараахтар (быысапка) коллективнай үлэлэрэ.
Быйылгы быыстапка тэрээһинигэр көмөлөспүт дьоммутугар Березкина Валентина Борисовнаҕа, Бродникова Нелли Николаевнаҕа, Говоров Лука Гаврильевичка, Дьяконова Сардаана Афанасьевнаҕа, Кычкин Валентин Валентиновичка, Кычкина Елена Кимовнаҕа, Мордискина Антонина Николаевнаҕа, Мохначевская Прасковья Ивановнаҕа, Мохначевский Иван Егоровичка, Мохначевский Михаил Вячеславовичка, Ноговицына Екатерина Андреевнаҕа, Ноговицына Наталья Гаврильевнаҕа, Рожина Надежда Федоровнаҕа, Стручкова Саргылана Васильевнаҕа, Трифонова Сардаана Семеновнаҕа,Чалкина Анастасия Ивановнаҕа анал грамоталар туттарылыннылар.
69 – с төгүлүн ыытыллыбыт Василий Константинович Степанов аатынан култуура уонна спорт эстафета уус-уран оҥоһуктарын быыстапкатын көрүү 13 хайысхатыгар кыттыыны ылбыт дьоммутугар уонна быыстапка лауреаттарыгар, дипломаннарыгар сылаас истиҥ махтал тылларбытын аныыбыт.
Уус-уран оҥоһуктар быыстапка 4,10 баалынан сыаналанна.
