Балаҕан ыйын 26 күнүгэр нэһилиэккэ уонна оскуола үөрэнээччилэригэр ыытыллыбыт быйылгы «Көмүс күһүн — 2025» дьаарбаҥкаларга нэһилиэкпит ытык мааны дьонугар — тыыл ветераннарыгар уонна сэрии сылын оҕолоругар анаан үгэскэ кубулуйбут «Үтүө санаа долбуура» акцияҕа олохтоох оскуола 1-11 кылаастарын үөрэнээччилэрэ, төрөппүттэрэ, ону сэргэ биирдиилээн нэһилиэк олохтоохторо үтүө санаанан салайтаран кыһыҥҥы хаһаастарыттан бэлэмнээбит кэһиилэрин бэлэх уунаннар, нэһилиэкпит 4 тыыл ветераныгар, 9 сэрии сылын оҕолоругар быйылгы акция кэһиилэрин үөрэ-көтө түҥэттибит.
Нэһилиэкпит ытык-мааны кырдьаҕастарыгар, тыыл ветераннарыгар:
Заровняева Вера Григорьевнаҕа.
Черкашин Егор Николаевичка.
Габышева Парасковья Прокопьевнаҕа.
Стручков Иван Егоровичка.
Ону сэргэ «Үтүө санаа долбуура» акция кэһиилэрин нэһилиэкпит ытык-мааны кырдьаҕастарыгар, сэрии сылын оҕолоругар үөрэ-көтө түҥэттибит:
Габышева Марфа Николаевнаҕа.
Анна Христофоровна, Николай Семенович Винокуровтар дьиэ кэргэҥҥэ.
Габышева Мотрена Игнатьевнаҕа.
Протодьяконов Афанасий Никифоровичка.
Куприянова Розалия Николаевнаҕа.
Максимова Дария Архиповнаҕа.
Харитонова Марфа Петровнаҕа.
Ноговицына Елена Васильевнаҕа.
Күндү, ытык-мааны ветераннарбыт! Баҕарабыт эһиэхэ чэгиэн доруобуйаны, быстыбат күүһү-уоҕу, баҕа санааҕыт барыта барҕара туолуохтун. Алгыспыт үтүөтэ, санаабыт сырдыга эһиэхэ тиийиэхтин!