Ыам ыйын 14 күнүгэр III-с Мэлдьэхси нэһилиэгин култууратын дьиэтигэр үтүө үгэскэ кубулуйбут, Марфа Березина көҕүлээһининэн 10-с үбүлүөйдээх хоту эҥэр култуура үлэһиттэрин спартакиадата буолан ааста. Бу күн Дойдуунускай, Мөҥүрүөн, Мэҥэ, Араҥас, Төҥүлү, Дьабыыл, Доллу уонна дьиэлээх хаһаайыттар, III-с Мэлдьэхси нэһилиэктэрэ мустаннар, 3 хамаандаҕа арахсан волейбол, «Көрдөөх стартар», канат күрэхтэһиилэргэ илин-кэлин түһүстүлэр.
Түмүккэ ыһыылаах-хаһыылаах, олус көхтөөх, сэргэх, тыҥааһыннаах, өрө көтөҕүллүүлээх күрэхтэһиилэр кэннилэриттэн волейбол күрэҕэр 1 миэстэни ылары ситиһэн, II-с сүүмэрдэммит хамаанда — кыайыылаах, 2 миэстэҕэ — I-гы сүүмэрдэммит хамаанда, 3 бочуоттаах миэстэҕэ — III-с сүүмэрдэммит хамаанда тахсаннар анал мэтээллэринэн, грамоталарынан наҕараадаланнылар.
Канат күрэхтэһиитигэр 1-кы миэстэ — II-с хамаанда, 2-с миэстэ — I-кы хамаанда, 3-с миэстэ — III-c хамаанда ылары ситиһэн, анал мэтээллэринэн, грамоталарынан наҕараадаланнылар.
Маны сэргэ, түмсүбүччэ биир идэлээхтэр күүстээх күрэхтэһии кэнниттэн, «Кумах күөл» турбазатыгар тиийэн, шашлык амсайан, дэлэй астаах сандалы тула олорон ирэ-хоро кэпсэтэн, үөрэн-көтөн, сынньанан, оонньоон-көрүлээн, сэргэхсийэн, эһиил Нуораҕана кулуубугар түмсүөх буолан тарҕастыбыт.
Наьаа учугэй сынньалан буолан ааспыт, Хоту КОМОлар еруу да кехтеехтер, тумсуулээхтэр, улуус культуратын улэьиттэрин суумэрдиир хамаандатыгар саамай элбэх спортсменнары бэлэмнээн а5алар биир саамай тутаах дьоммут буолаллар. Бу сайын Нам улууьугар кытта барарга хамаанда5ыт дьонун настройкалаан. Ситиьиилэри!!!