Кулун тутар 27 күнүгэр М.К.Аммосов аатынан хотугулуу-илиҥҥи федеральнай университет иһинэн тэриллэн үлэлиир «УУС» снежнай десант этэрээтин байыастара Балыктаах бөһүөлэгэр ыалдьыттаатылар.
Күн бастакы аҥарыгар М.П.Габышев аатынан Балыктаах орто оскуолатын үөрэнээччилэригэр профориентация, ону сэргэ бэһиэлэй оонньуулары ыыттылар. Уопсайа 18 устудьуон кэлэн, оҕолорго бэйэлэрин үөрэнэр институттарын, уопсай дьиэлэрин, араас общественнай хамсааһыннарын сырдатан кэпсээннэр, санааларын үллэстэннэр, оҕолор ыйытыыларыгар хоруйдааннар, бэрт сэргэх көрсүһүү буолан ааста.
Киэһэ 19:00 чаастан олохтоох култуура дьиэтигэр нэһилиэк олохтоохторугар уонна ыалдьыттарыгар анаан, сандал саас кэлбитинэн, эҕэрдэ кэнсиэрдэрин бэлэх ууннулар.
Хомус кэрэ дорҕоон доҕуһуолунан эҕэрдэ кэнсиэри саҕалаата Күннэй Кузьмина.
«УУС» снежнай десант этэрээт байыастарын кэрэ аҥардарын толоруутугар үҥкүү «Түһүлгэ».
Дальнай Восток күрэҕэр 1-кы степеннээх лауреат үрдүк аатын ылбыт үҥкүү «Эрэл».
«УУС» снежнай десант этэрээт байыастарын күүстээх аҥардарын толорууларыгар ырыа Лэкиэс репертуарыттан «Доҕотторум».
2023 сыллааҕы эдэр байыастар «ШМБ’23» үҥкүүлэрин билиҥҥи көлүөнэ байыастара сырдаттылар.
Садот Стручков толоруутугар уус-уран ааҕыы.
Китджа ырыатынан оһуор үҥкүүтэ.
Талыы талах курдаах Таатта кэрэ куота Күннэй Кузьмина толоруутугар ырыа Катя Чкрш репертуарыттан «Бириэмэ тохтоо, ыксаама».
2025 сыллааҕы эдэр байыастар кэрэ нарын кыргыттарын толорууларыгар эрчимнээх, тэтимнээх үҥкүү «ШМБ’25».
Анастасия Петрова толоруутугар тэтимнээх аныгы үҥкүү.
Кузьмина Күннэй, Юрий Слепцов толорууларыгар «Дапсы» репертуарыттан «Хаалыаҕым».
2026 сыллааҕы эдэр байыастар толорууларыгар үҥкүү «ШМБ’26».
«Сулус» сервиснай этэрээт толоруутугар аныгы үҥкүү.
«УУС» снежнай десант этэрээтин байыастарын кэрэ аҥардарын толоруутугар «Күн бытархайа».
Үҥкүү «Аар Саха».
Ылбаҕай ырыатын бэлэх уунна Юрий Слепцов.
Аныгылыы тыыннаах, билиҥҥи куйаар ситимигэр тарҕаммыт тэтимнээх үҥкүү «МОТ».
Хамандыырдар, хамыссаардар оскуолаларын толорууларыгар үҥкүү «ШКИШ’24».
«Молодежнай десант» байыастарын толоруутугар үҥкүү.
Эҕэрдэ кэнсиэри иилээн-саҕалаан ыытта Садот Стручков.
Кэнсиэр бириэмэтигэр көхтөөх көрөөччүлэргэ анаан сэргэх оонньуулары тэрийэн ыыттылар.
Сандал саас кэлбитинэн, сэргэх кэнсиэри бэлэхтээбит «УУС» снежнай десант этэрээтин байыастарыгар нэһилиэкпит олохтоохторун аатыттан сылаас махтал тылларын аныыбыт. Баҕарабыт эһиэхэ ыраас халлааны, үөрэххитигэр үрдүк ситиһиилэри, этэҥҥэ буолууну, чэгиэн буолуҥ, чэбдик буолун, мэлдьи инники күөҥҥэ сылдьыҥ! Салгыы «УУС» снежнай десант этэрээтэ нэһилиэкпит ветераннарыгар уонна анал байыаннай дьайыы кыттыылаахтарын дьиэ кэргэттэригэр көмөлөһөр сыаллаах, тимуровскай үлэлэри былаанныыллар.
