Тохсунньу 7 күнүгэр нэһилиэкпит эдэр фермердэрэ Габышев Ньургун Владимирович, Говоров Дьулустан Геннадьевич, Мохначевский Илья Егорович, төһө да былырыын күһүҥҥэттэн олус эппиэтинэстээх үлэҕэ талыллан, ананан үлэ үөһүгэр сырытталлар, бэйэлэрин тус санааларыттан тэриммит «Үс фермер» түмсүүлэрин үтүө үгэһинэн нэһилиэкпит 54 кыра саастаах уонна оскуолаҕа үөрэнэр оҕолордоох ыалларга анаан минньигэс бырааһынньыктааҕы торт бэлэх ууннулар.
Үгүс оҕолорго, дьиэ кэргэҥҥэ соһуччу үөрүүлээх түгэни бэлэхтээбит «Үс фермер» түмсүүгэ: Ньургун Владимирович Габышевка, Дьулустан Геннадьевич Говоровка, Илья Егорович Мохначевскайга сылаас махтал тылларын аныыбыт, түбүктээх үлэҕит таһынан, бу үтүө үгэскитин сылын аайы салҕаан тэрийэн бар дьоммутун, нэһилиэкпит кырачаан оҕолорун үөрдэ тураргытынан киэҥ туттабыт, хайгыыбыт. Чэгиэн буолуҥ, ситиһии ситэн ылан, табыллыы тайаннын, күүстээх санаа, олоххо дьулуур, бигэ туруктаах буолуу олоххутун мэлдьи арыаллаатын!