Кулун тутар 7 күнүгэр олохтоох култуура дьиэтигэр сааскы маҥнайгы бырааһынньыгы көрсө нэһилиэкпит кэрэ аҥардарыгар, ыалдьыттарыгар аналлаах «Сааскы киэһэ» шоу – дискотека тэриллэн ыытылынна.
Тэрээһиҥҥэ мустубут бары күн күбэй ийэлэргэ, эйэҕэс-сайаҕас эбээлэргэ сааскы маҥнайгы бырааһынньыгынан истиҥ эҕэрдэтин тириэртэ «Мэҥэ нэһилиэгэ» тыа сирин тэриллиитин баһылыга Куприянов А.В. Өрүү бу курдук сырдыгынан сыдьаайа сылдьыҥ, эһиги баар буолаҥҥыт күммүт сыдьаайа тыгар, алаһа дьиэбит сылааһынан илгийэр, олохпут салҕанар. Бу киэһээ эһиэхэ анаммыт бырааһынньыкка үчүгэй настарыанньаны, үгүс үөрүүнү-көтүүнү баҕарабыт диэн туран нэһилиэк эр дьонун ааттарыттан минньигэс туортунан күндүлээтэ.
«Сааскы киэһэ» шоу – дискотекаҕа кэрэ аҥардарга аналлаах «Соһуччу түгэн» бырааһынньыктааҕы босхо лотерея ыытылынна. Бу киэһэ дьоллоох түгэн сүүйүүлэрин талан ыллылар:
«Балыктаах – Төҥүлү – Балыктаах» хайысханан биир сырыыга босхо айан (суоппар Дохунаев П.В.) – Мотрена Монастырева.
«Балыктаах – Төҥүлү – Балыктаах» хайысханан биир сырыыга босхо айан (суоппар Ноговицын С.А.) – Тамара Ноговицына.
«Балыктаах – Майа – Балыктаах» хайысханан биир сырыыга босхо айан (суоппар Стручков Я.К.) – Анастасия Чалкина.
«Балыктаах – Дьокуускай» хайысханан биир сырыыга босхо айан (суоппар Харитонов С.С.) – Мария Макарова.
«Балыктаах – Дьокуускай» хайысханан биир сырыыга босхо айан (суоппар Бродников С.И.) – Мария Алексеевна Захарова.
«Балыктаах – Дьокуускай» хайысханан биир сырыыга босхо айан (суоппар Осипов П.П.) – Наталья Гаврильевна Ноговицына.
«Сайыҥҥы кэмҥэ (Вода) массыына босхо 3 бочкаҕа уу кутуута» (суоппар Ноговицын А.П.) – Евдокия Ноговицына.
«Сааскы ыһыыга хортуоппуй бааһынатын суханан босхо хорутуу» (тракторист Протодьяконов А.А.) – Алена Желобцова.
«Сааскы ыһыыга хортуоппуй бааһынатыгар босхо фреза өҥөтө» (тракторист Бродников И.Н.) – Вера Михайловна Фадеева.
Бырааһынньыктааҕы «Сааскы киэһэ» шоу – дискотекаҕа кэрэ аҥардарбыт, ыалдьыттарбыт уоттаах-күөстээх, араас кэминээҕи хит ырыаларынан дискотекаҕа үҥкүүлээн, быыһыгар сэргэх оонньууларга көхтөөхтүк кыттан, бириис тутан үөрэн-көтөн, астына сынньанан тарҕастылар.
Өссө төгүл күн күбэй ийэлэри, эйэҕэс эбээлэри, сайаҕас саҥастары, килбик кийииттэри, эдьиийдэри-балыстары, нэһилиэкпит бары кэрэ аҥардарын аан дойдутааҕы дьахталлар күнүннэринэн итиитик-истиҥник эҕэрдэлиибит! Эһиги таскытыгар мэлдьи эркин курдук эрэллээх, өрүү дурда-хахха буолар кэргэттэргит, уолаттаргыт, күтүөттэргит баар буоллуннар. Сааскы ыраас күөх халлаан, дойдубут мүөттээх салгына, айгыр-силик айылҕабыт эһиэхэ таптал сылаас уотун сыдьаайа турдун, дьолу-соргуну, кэрэни, кэскили түстээтин.
