Кулун тутар 28 күнүгэр олохтоох култуура дьиэтигэр, көр-күлүү күнүн көрсө нэһилиэк олохтоохторугар уонна ыалдьыттарыгар «Бэтиэхэлээх Балыктаахтар» көр – күлүү бөлөҕө, нэһилиэкпит саамай көхтөөх тэрилтэтэ, «Доруобуйа» общественнай түмсүү бииргэ түмсэн быар быстыар, сыҥаах ыалдьыар дылы күлэр «Сааскы бэтиэхэ — 2026» көрдөөх кэнсиэри тэрийэн ыыттылар.
Бу киэһэ мустубут дьээбэни – хообону сэргээччилэр, тиэхэни – бэтиэхэни таптааччылар сандал саас тиийэн кэлбитинэн, көр — күлүү күнүн көрсө, «Бэтиэхэлээх Балыктаахтар» көр – күлүү бөлөҕө, нэһилиэкпит саамай көхтөөх тэрилтэтэ — М.П.Габышев аатынан олохтоох орто оскуола активнай позициялаах эр бэртэрин, «Доруобуйа» общественнай түмсүү Далбар Хотуттарын кытта тэҥҥэ быар быстыар, сыҥаах ыалдьыар дылы күлэн, үөрэн, сэргэхсийэн, элбэх көрдөөх сыанкалары, бэһиэлэй нүөмэрдэри, быыһыгар ылбаҕай ырыалары, үҥкүүлэри дуоһуйа көрдүлэр, дохсун ытыс тыаһынан доҕуһуоллаатылар.
Бииртэн биир сэргэх нүөмэрдэр бу киэһээни киэргэттилэр:
Сыанка «Диспансеризация», оруолларга : көрдөрөөччү – Владимир Николаевич Габышев, нерва бырааһа -Тамара Гаврильевна Дьяконова, харах бырааһа — Яна Васильева, кулгаах Бырааһа – Саргылаана Степанова.
Сыанка «Дьүөгэлэр», оруолларга: Дария Андросова, Саргылаана Степанова.
«Доруобуйа» общественнай түмсүү далбар хотуттарын толоруутугар сыаҥка «Ойбоҥҥо», оруолларга: Туора муос — Вера Михайловна Фадеева, Красуля — Дьяконова Тамара Гаврильевна, Рафаэль — Марфа Иннокентьевна Ноговицына, Мааны Маҥааччыйа — Евдокия Васильевна Дьяконова, Өрүөстээх — Марфа Николаевна Осипова, Кэрэчээнэ — Надежда Федоровна Рожина.
Сыаҥка «Суорумньу» оруолларга: суорумньуһут — Татьяна Иванова, Шура Шамаева — Лилия Долгунова, Маарыйа — Саргылаана Степанова, Дуунньа — Дария Андросова, Дьаакып — Егор Афанасьев.
Сыаҥка «Куобах полицейскай», оруолларга: куобах — Саргылаана Степанова, бөрө — Егор Афанасьев, саһыл — Яна Васильева, эһэ — Владимир Габышев, хаас -Татьяна Иванова.
Сыаҥка «Германия», оруолларга: учуутал — Яна Васильева, оҕо — Дария Андросова, ийэ — Саргылаана Степанова, директор — Петр Дохунаев, эбээ — Татьяна Иванова.
Сыаҥка «Памятник», оруолларга: памятник — Егор Афанасьев, ааһан иҺэр сөтүөһүт — Владимир Габышев.
Михаил Прокопьевич Габышев аатынан орто оскуола коллективын уолаттарын толоруутугар сыаҥка «Балыыһаҕа», оруолларга: Илья Шишигин, Иван Прибылых, Давид Михайлов, Гаврил Дьяконов, Дьулус Цыпандин.
Пантомима жанрыттан «Гитаристки», оруолларга: Татьяна Иванова, Саргылаана Степанова, Дария Андросова.
Пантомима «Четыре Клавы», оруолларга: Татьяна Иванова, Саргылаана Степанова, Дария Андросова, Лилия Долгунова, Рима Фадеева, Владимир Габышев.
Сыанка «Стоматолог», оруолларга: балыыһа үлэһитэ — Яна Васильева, тииһэ ыалдьыбыт кыыс оҕо — Лилия Долгунова.
Пантомима «Дискотека», оруолларга: Татьяна Иванова, Дария Андросова, Саргылаана Степанова.
«Сааскы Бэтиэхэ — 2026» көр-күлүү киэһэтин ылбаҕай ырыаларынан киэргэтэн, ситэрэн биэрдилэр:
Петр Дохунаев толоруутугар «Дорообо дойдум сарсыардата».
Анна Гаврильева толоруутугар, Сахаайа репертуарыттан «Сулус» ырыа.
Мотрена Монастырева толоруутугар, Сахаайа, Александр Бурнашевтар репертуарыттан «Көрүүй» ырыа.
Рима Фадеева толоруутугар, Саина репертуарыттан «Сааскы киэһээ» ырыа.
Анна Гаврильева толоруутугар, Олимпия репертуарыттан «Кубалар» ырыа.
«Сааскы бэтиэхэ — 2026» көр- күлүү кэнсиэрин иилээн-саҕалаан ыыттылар Татьяна Стручкова, Петр Дохунаев.
Саха киһитэ былыр – былыргыттан көргө – күлүүгэ көхтөөҕүн, дьээбэ – хообо ис хоһоонноох норуот ырыалара, сыанкалара туоһулууллар. «Көр – күлүү – дууһа эмчитэ» диэн мээнэҕэ этиллибэт. Көр – күлүү, дьээбэ – хообо киһи сүргэтин көтөҕөрүн, күннээҕи түбүкпүтүн чэпчэтэрин, олохпутун уһатарын бары билэбит. «Сааскы Бэтиэхэ — 2026» көр-күлүү киэһэтигэр кыттыыны ылбыт «Бэтиэхэлээх Балыктаахтар» көр — күлүү бөлөх коллективыгар, (Татьяна Иванова, Егор Афанасьев, Тамара Дьяконова, Владимир Габышев, Саргылаана Степанова, Яна Васильева, Лилия Долгунова, Дария Андросова, Рима Фадеева, Петр Дохунаев), М.П.Габышев аатынан Балыктаах орто оскуолатын коллективыгар (директор Иванов Е. Н.) уонна «Доруобуйа» түмсүү Далбар Хотуттарыгар (салайааччы Ноговицына М.И. ) сылаас махтал тылларын аныыбыт. Күндү көрөөччүлэрбит, сэргээн-сэҥээрэн кэнсиэрбитин кэлэн көрбүккүтүгэр, биһигинниин бииргэ буолбуккутугар ис сүрэхтэн махтанабыт!
