Бэс ыйын 1 күнүгэр олохтоох култуура дьиэтигэр, Аан дойдутааҕы оҕо көмүскэлин, самаан сайын бастакы күнүнэн эҕэрдэлээн туран, «Оҕо саас – дьол кыната!» бырааһынньыктааҕы тэрээһин буолан ааста.
Бу күн оҕолорго анаан «Зверополис 2» мультфильмы улахан экраҥҥа көрдөрөн, улаханныын-кыралыын бары үөрэ-көтө көрдүбүт.
Салгыы, саала муостата хамсыар диэри уоттаах-күөстээх дискотека тэриллэн ыытылынна. Дискотекаҕа саамай үҥкүүһүт оҕоҕо бириис туттарылынна.
Ону тэҥэ оҕолорго анаан сэргэх, интэриэһинэй, бэһиэлэй оонньуулар тэрилиннилэр:
“Сыыдамнык ыыт” оонньууга кыайыылааҕынан тахсыбыт Саша Скрябинаҕа уонна оонньуу финалыгар тахсыбыт Харысхан Ноговицыҥҥа сэмэй бириистэр туттарылыннылар.
«Түргэн хаамыы» оонньуу кыайыылаахтарынан буоллулар:
1-тэн 5 сааһыгар дылы кыайыылаах таҕыста Кай Неустроев.
6-тан 10 сааһыгар дылы кыайыы өрөгөйүн биллэ Алена Мохначевская.
11-тэн 15 сааһыгар дылы кыайыылаахтарынан Сайаана Ноговицына уонна Каролина Змиевская тахсаннар, сэмэй бириистэринэн наҕараадаланнылар.
«Таабырынна таай» оонньууга саамай элбэх таабырыны таайан Милена Иванова кыайыылаах, 2-с миэстэ — Саша Скрябина, 3-с миэстэ — Аня Монастырева, Динара Свинобоева, Жора Кулаковскай буоланнар, сэмэй бириистэринэн бэлиэтэннилэр.
Бу курдук, аан дойдутааҕы оҕо көмүскэлин күнүн наһаа бэһиэлэйдик, көхтөөхтүк бэлиэтээтибит. Өссө төгүл Бырааһынньыгынан! Куруутун маннык көхтөөх, доруобай буолуҥ! Сайыҥҥы сынньалаҥҥыт үөрүүлээхтик аастын!
