Ахсынньы 30 күнүгэр олохтоох култуура дьиэтигэр нэһилиэкпит кырачаан оҕолоругар аналлаах «Остуоруйа алыптаах түгэнэ» саргылаах саҥа дьыллааҕы дьикти түгэннэрдээх бырааһынньыктааҕы утренник буолан ааста.
Дьэрэкээн саалаҕа мустубут кырачаан оҕолорбутугар саҥа дьыллааҕы бырааһынньыктааҕы утренник «Остуоруйа дойдутугар ыалдьыттыаҕын» остуоруйанан саҕаланна. Кырачаан оҕолорбут остуоруйа дьоруойдарын кытта бииргэ саҥа дьыллааҕы харыйа уотун сандаарыччы уматан, хоробуоттаан үөрүүлэрэ үксээтэ.
Саамай күүтүүлээх түгэнинэн Тымныы кыһын оҕонньор сиэн кыыһынаан Хаарчааналыын уонна саҥа сыл 2025 бэлиэтэ Саҥа Дьыл ыалдьыттааһына буолла. Бу дьоро алыптаах күҥҥэ кэлэн иһэр Саҥа дьылынан эҕэрдэлээтилэр, Тымныы кыһын оҕонньор хоһоон аахпыт, ырыа ыллаабыт кырачаан оҕолорго үөрэ-көтө минньигэс бэлэхтэрин туттартаата.
Ону таһынан маскарад күрэҕэр кыттыбыт кырачаан оҕолорбутугар Тымныы кыһын оҕонньор сиэн кыыһынаан Хаарчааналыын уонна кэлэн иһэр сыл бэлиэтэ — Саҥа дьыл анал грамоталары, сэмэй бэлэхтэри туттардылар, ол курдук:
«Бастыҥ маскарад — 2024» 1 — 3 саастарыгар дылы кыргыттарга 1 миэстэни — Федорова Анита ылан үөрүүтэ үксээтэ.
«Бастыҥ маскарад — 2024» 1 — 3 саастарыгар дылы уолаттарга 1 миэстэни — Неустроев Кай, 2 миэстэни — Мохначевскай Тим ылары ситиһэннэр грамотанан, сэмэй бэлэҕинэн наҕараадаланнылар.
«Бастыҥ маскарад — 2024» 3-5 саастарыгар дылы кыргыттарга — Иванова Камила 1 миэстэни ылыаҕын ылла.
«Бастыҥ маскарад — 2024» 6 саастарыттан үөһэ кыргыттарга 1 миэстэни — Мохначевская Нарияна Куо, 2 миэстэни — Соловьева Алиса, 3 миэстэни — Иванова Милена ылары ситиһэннэр грамотанан, сэмэй бэлэҕинэн наҕараадаланнылар.
«Бастыҥ маскарад — 2024» 6 саастарыттан үөһэ уолаттарга 1 миэстэни — Стручков Арсен, 2 миэстэни — Петров Арсен, 3 миэстэни — Прибылых Максим ааттаннылар уонна грамотанан, сэмэй бэлэҕинэн наҕараадаланнылар. Мохначевскай Ньургун көхтөөх кыттыытын иһин туоһу сурук, сэмэй бириис тутан үөрдэ-көттө.
«Остуоруйа алыптаах түгэнэ» бырааһынньыктааҕы утренник уопсай хаартыскаҕа түһүүнэн түмүктэннэ. Тымныы күнү аахсыбакка, саҥа дьыллааҕы утренникка кэлэн кыттыыны ылбыт кырачаан оҕолорбутугар сылаас махтал тылларын аныыбыт. Баҕарабыт кэлэн иһэр Саҥа дьыл эһиэхэ үгүс элбэх үөрүүнү, дьолу, алыптаах, аптаах дьикти түгэннэри бэлэхтээтин. Саҥа дьылынан! Саҥа дьолунан!
