Ахсынньы 3 күнүгэр «Ситим» общественнай түмсүү дьиэтигэр, сыл устата нэһилиэк тэрилтэлэрин икки ардыларыгар ыытылла турар спартакиада чэрчитинэн, хабылык, хаамыска уонна бильярд күрэхтэһиитэ буолан ааста.
Хабылык, хаамыска күрэхтэһиитигэр маннык састаабынан илин-кэлин түһүстүлэр: оскуола – 1 хамаандатыттан Семенова Александра Александровна, Кычкин Павел Петрович, олох-дьаһах коммунальнай хаһаайыстыба уонна «Звездочка» оҕо уһуйаанын холбоһуктаах хамаандатыттан Стручкова Елена Ивановна, Васильев Айтал Борисович кытыннылар. Тыа хаһаайыстыбата уонна урбаанньыттар холбоһуктаах хамаандатыттан оонньоотулар Артемьева Сарана Бимбаевна, Мохначевскай Илья Егорович. Бэтэрээннэр хамаандаларыгар киирдилэр Борисова Альбина Николаевна, Молуков Иван Николаевич. Оскуола – 2 хамаандатын көмүскээтилэр Стручкова Ньургуйаана Ивановна, Осипов Иван Иванович. Олохтоох дьаһалта, почта, кулууп холбоһуктаах хамаандатыттан оонньоотулар Барабанова Надежда Серафимовна, Мохначевскай Иван Егорович.
Бэрт тыҥааһыннах өрө күүрүүлээх күрэхтэһии түмүгэ маннык буолла:
1 миэстэҕэ эрэллээхтик таҕыста олох-дьаһах коммунальнай хаһаайыстыба уонна «Звездочка» оҕо уһуйаанын холбоһуктаах хамаандата.
2 миэстэни бэтэрээннэр хамаандалара ылан үөрүүлэрэ үксээтэ.
3 миэстэҕэ олохтоох дьаһалта, почта, кулууп холбоһуктаах хамаандата тигистэ.
4 миэстэни оскуола – 1, 5 миэстэни оскуола – 2, 6 миэстэни тыа хаһаайыстыбата уонна урбаанньыттар холбоһуктаах хамаандалара ылары ситистилэр.
Ону сэргэ бу күн биир эмиэ ыһыылаах-хаһыылаах бильярд көрүҥэр күрэхтэстилэр, хамаандаларын чиэһин көмүскээтилэр: тыа хаһаайыстыба уонна урбаанньыттар холбоһуктаах хамаандатын — Цыденжапов Бимба Бимбаевич, оскуола – 1 хамаандатын – Прибылых Иван Николаевич, бэтэрээннэр хамаандаларын – Осипов Роман Павлович, олох-дьаһах коммунальный хаһаайыстыба уонна «Звездочка» оҕо уһуйаанын холбоһуктаах хамаандатын – Афанасьев Егор Васильевич, оскуола – 2 хамаандатын – Иванов Егор Николаевич, олохтоох дьаһалта, почта, кулууп холбоһуктаах хамаандатын — Дохунаев Петр Владимирович.
Бэрт тыҥааһыннаах күрэхтэһии түмүгэр 1 миэстэни ылары ситистэ оскуола – 2 хамаандата.
2 миэстэҕэ таҕыста оскуола – 1 хамаандата.
3 миэстэни ылары ситистэ олох-дьаһах комунальный хаһаайыстыба уонна «Звездочка» оҕо уһуйаанын холбоһуктаах хамаандата.
4 миэстэҕэ олохтоох дьаһалта, почта, кулууп, 5 миэстэҕэ тыа хаһаайыстыба уонна урбаанньыттар уонна 6 миэстэҕэ бэтэрээннэр хамаандалара таҕыстылар. Бу курдук тэрилтэлэр икки ардыларыгар ыытыллар спартакиадабыт түмүктэнэрэ чугаһаата, аныгыскы күрэхтэһиилэр буолалларын кэтэһэ хаалабыт. Бары кыттыбыт нэһилиэкпит тэрилтэлэрин хамаандаларыгар махталбытын тиэрдэбит, аныгыскы күрэхтэһиилэргэ ситиһиини баҕарабыт.
