Кулун тутар 20 күнүгэр «Доруобуйа» общественнай түмсүү тэриллибитэ 20 сыллаах үбүлүөйдээх күнүгэр аналлаах үөрүүлээх тэрээһин олохтоох култуура дьиэтигэр буолан ааста.
«Доруобуйа» түмсүү тэриллибитэ 20 сыллаах үбүлүөйдээх үөрүүлээх күнүн «Ыллыкчаан» оҕо үҥкүү образцовай ансаамбыла, орто бөлөх кыргыттарын толоруутугар «Эрэкэ дьэрэкэ» үҥкүүнэн арыйдылар.( салайааччы Говорова А.Г..)
Ыҥырыылаах ыалдьыттары, нэһилиэкпит олохтоохторун, убаастабыллаах биир дойдулаахтарбытын эҕэрдэ үҥкүүнэн уруйдуу- айхаллыы көрүстүлэр «Доруобуйа» түмсүү Далбар Хотуттара (салайааччы Марфа Иннокетьевна Ноговицына.)
«Доруобуйа» түмсүү 20 сыл устата үгүс ситиһиилэрдээх, көхтөөхтүк үлэлээн кэлбитин туһунан түмсүү салайааччыта, нэҺилиэкпит ытык – мааны ветерана, Саха Өрөспүүбүлүкэтин үөрэҕин туйгуна, Саха өрөспүүбүлүкэтин социальнай өҥөнү оҥорууга туйгуна, Российскай Федерация уопсай үөрэхтээһинин Бочуоттаах үлэһитэ, Саха өрөспүүбүлүкэтин физическэй култууратын бастыҥ общественнай инструктора Марфа Иннокентьевна Ноговицына билиһиннэрдэ.
Көрөөччүлэргэ анаан чөл олоҕу тутуһарга ыҥыран «Доруобуйа» түмсүү зарядкаларын үөрэ- көтө толордулар.
Үөрүүлээх күнүнэн эҕэрдэтин «Ыллыкчаан» оҕо үҥкүү образцовай ансаамбылын салайааччыта Говорова А.Г. “Дьүкээбил уота” үҥкүүнэн тириэрдэн, дьон – сэргэ махталын ылыан ылла. (Салайааччы Говорова А.Г.)
Салгыы дьоро күҥҥэ мустубут ыалдьыттарга, көрөөччүлэргэ анаан «Доруобуйа» түмсүү мааны Далбар хотуттара бэйэлэрэ илиилэрин сылааһынан ситэрэн тикпит мааны таҥастарын, сыанаҕа киирэн наскылдьыйа хааман, көрдөрдүлэр.
Убаастабыллаах ытык – мааны дьоммут, 20 сыл усталаах- туоратыгар мэлдьи инники күөҥҥэ сылдьан, нэһилиэкпит общественнай олоҕор күүс- көмө буолан кэлбиккитин, эһиги сыралаах, таһаарыылаах үлэҕитин, төрөөбүт нэһилиэкпит сайдыытыгар кылааккытын киллэрбиккитин үрдүктүк сыаналыыбыт, махтанабыт, киэн туттабыт диэн туран,эҕэрдэ тыл этэн, үтүө мааны ветераннарбыт бэлиэ күннэринэн өссө төгүл эҕэрдэлээн туран, эҕэрдэ суругу, наҕараадалары туттартаата «Мэҥэ нэһилиэгэ» тыа сирин тэриллиитин баһылыгын Габышев Ньургун Владимировиһы.
«ИЛ ТҮМЭН» ГОСУДРСТВЕННАЙ МУННЬАХ ГРАМОТАТЫНАН УОННА «МЭҤЭ НЭҺИЛИЭГЭ» ТЫА СИРИН ТЭРИЛЛИИТИН БАҺЫЛЫГА ГАБЫШЕВ НЬУРГУН ВЛАДИМИРОВИЧ ЭҔЭРДЭ СУРУГУНАН НАҔАРААДАЛАННЫЛАР:
НОГОВИЦЫНА МАРФА ИННОКЕНТЬЕВНА– педагогическай үлэ бэтэрээнэ, 20 сыл устата «Доруобуйа» түмсүү салайааччыта, Саха өрөспүүбүлүкэтин үөрэҕин туйгуна, Саха өрөспүүбүлүкэтин социальнай өҥөнү оҥорууга туйгуна, Российскай Федерация уопсай үөрэхтээһинин бочуоттаах үлэһитэ. Саха өрөспүүбүлүкэтин физическэй культураҕа бастыҥ общественнай инструктора, 2012 сыллаахха ыытыллыбыт республиканскай социальнай педагогтар конкурстарын кыайыылааҕа, 2013 сыллаахха Осетия Владикавказ куоратыгар ыытыллыбыт бүтүн Арассыыйатааҕы социальнай педагогтар куонкурустарын кыттыылааҕа, 30 сыл устата Балыктаах орто оскуолатыгар биология, химия, айылҕа үөрэҕин, этика уонна дьиэ кэргэн олоҕун психологиятын учууталынан, 8 сыл устата оскуолаҕа, 10 сыл — Балыктаах оҕо дьиэтигэр социальнай педагог быһыытынан үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
ДЬЯКОНОВА ЕВДОКИЯ ВАСИЛЬЕВНА — үлэ бэтэрээнэ, «Доруобуйа» түмсүүгэ 10 сыл устата утумнаахтык дьарыктанар, Максим Горькай, «Мэҥэ» совхозка 15 сыл устата ньирэй көрөөччүтүнэн уонна ыанньыксытынан үлэлээбитэ, бочуоттаах сынньалаҥҥа тахсыар дылы 17 сыл устата Балыктаах орто оскуолатыгар остолобуой сэбиэдиссэйдээбитэ, 2014 сылтан күн бүгүн нэһилиэк дьаһалтатын техническэй үлэһитэ, нэһилиэк социальнай – экономическай сайдыытыгар 3 төгүл дьокутаатынан талыллан, ситиһиилээхтик үлэлэспит ытык – мааны бэтэрээммит, күн күбэй ийэ, эйэҕэс эбээ.
ПОПОВА ГАЛИНА ГАВРИЛЬЕВНА – педагогическайүлэ бэтэрээнэ, «Доруобуйа» түмсүүгэ сайыҥҥы өттүгэр 15 — с сылын утумнаахтык дьарыктанар, Российскай Федерация уопсай үөрэхтээһинин бочуоттаах үлэһитэ, Саха Өрөспүүбүлүкэтин үөрэҕин туйгуна, «Саха өрөспүүбүлүкэтин учууталларын Учуутала», «Старшай учуутал», «Саха өрөспүүбүлүкэтин үөрэҕириитин систиэмэтин бочуоттаах ветерана» анал бэлиэлэр хаһаайката, 42 сыл устата нуучча тылын уонна литературатын учууталынан үлэлээбит ытык – мааны биир дойдулаахпыт, күн күбэй ийэ, эйэҕэс эбээ.
ФАДЕЕВА ВЕРА МИХАЙЛОВНА — үлэ бэтэрээнэ, 15 сыл устата «Доруобуйа» түмсүүгэ утумнаахтык дьарыктанар, Саха өрөспүүбүлүкэтин үөрэҕириитин 60 сылыгар аналлаах «Лесбумдревпром» профсоюһун министерствотын уонна кадр отделын бочуотунай грамоталаах, «ЯАССР уус уран самодеятельноһын сайдыытыгар кылаатын иһин» бэлиэ хаһаайката, «Эн сулускун» Саха НВК бырайыагынан, финалист – кыттыылааҕа, Саха АССР култууратын Министиэристибэтин, Саха АССР уматык бырамыысыланнаһын Министиэристибэтин делопроизводителинэн, «Мэҥэ» сопхуоска, «Мэҥэ» коллективнай тэрилтэҕэ, СКП «Балыктаах», «Агро-Балыктаах» сэкирэтээр-машинисткатынан үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
НОГОВИЦЫНА ЕКАТЕРИНА ИННОКЕНТЬЕВНА — үлэ бэтэрээнэ, 20 сыл устата «Доруобуйа» түмсүүгэ утумнаахтык дьарыктанар, «2 истиэпэннээх Ийэ Албан аата» мэтээл хаһаайката, 37 сыл устата Балыктаах орто оскуолаҕа техническэй үлэһитинэн үтүө суобастаахтык үлэлээбит, Мэҥэ – Хаҥалас улууһун үөрэх управлениетын бочуотунай грамоталаах нэһилиэкпит ытык – мааны бэтэрээнэ, «Семейная доблесть» Саха өрөспүүбүлүкэтин анал бэлиэтин хаһаайката, Семен Николаевичтыын ыал буолан бииргэ олорбуттара 50 сылынан оҕолорун иитиигэ уһулуччу ситиһиилэрин уонна Мэҥэ – Хаҥалас улууһун социальнай сайдыытыгар киллэрсибит тус кылааттарын иһин «Ытык ыал» Мэҥэ – Хаҥалас улууһун бочуотун кинигэтигэр киллэриллибиттэрэ, күн күбэй ийэ, эйэҕэс эбээ.
«МЭҤЭ – ХАҤАЛАС УЛУУҺА» МУНИЦИПАЛЬНАЙ ОРОЙУОН БАҺЫЛЫГА ДМИТРИЙ ИВАНОВИЧ ТИХОНОВ ГРАМОТАТА, «МЭҤЭ НЭҺИЛИЭГЭ» ТЫА СИРИН ТЭРИЛЛИИТИН БАҺЫЛЫГА ГАБЫШЕВ НЬУРГУН ВЛАДИМИРОВИЧ ЭҔЭРДЭ СУРУГА ТУТТАРЫЛЫННА:
РОЖИНА НАДЕЖДА ФЕДОРОВНАҔА — үлэ бэтэрээнэ, 20 сыл устата «Доруобуйа» түмсүүгэ утумнаахтык дьарыктанар, Саха Өрөспүүбүлүкэтин тыа хаһаайыстыбатын туйгуна, 40 сыл тыа хаһаайыстыбатыгар: зоотехнигынан, биригэдьииринэн, «Хоту» СХПК арыы собуотун маастарынан үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
ЗАХАРОВА МАРИЯ АЛЕКСЕЕВНАҔА — үлэ бэтэрээнэ, 20 сыл устата «Доруобуйа» түмсүүгэ утумнаахтык дьарыктанар, «Мэҥэ – Хаҥалас улууһун бэчээтин сайдыытыгар кылаатын иһин», 2022 сыл түмүгүнэн «бастыҥ общественнай корреспондент» анал бэлиэлэр хаҺаайката, 21 сыл устата — «Эркээйи» улуус хаһыатын общественнай корреспондена, 26 сыл устата Балыктаах орто оскуолатыгар техническэй үлэһитинэн, поварынан үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
БОРИСОВА АЛЬБИНА НИКОЛАЕВНАҔА — үлэ бэтэрээнэ, 20 сыл устата «Доруобуйа» түмсүүгэ утумнаахтык дьарыктанар, 37 сыл устата Балыктаах орто оскуолатыгар үтүө суобастаахтык техническэй үлэһитинэн үлэлээбит, эҥкилэ суох үлэтин иһин Мэҥэ — хаҥалас улууһун үөрэҕин управлениетын бочуотунай грамотатынан бэлиэтэммит нэһилиэкпит ытык – мааны бэтэрээнэ, «2 истиэпэннээх Ийэ албан аата» мэтээл хаһаайката, күн күбэй ийэ, эйэҕэс эбээ.
МЭҤЭ — ХАҤАЛАС УЛУУҺУН СПОРТКА УОННА ФИЗИЧЕСКАЙ КУЛТУУРА УПРАВЛЕНИЕТЫН ГРАМОТАТЫНАН УОННА «МЭҤЭ НЭҺИЛИЭГЭ» ТЫА СИРИН ТЭРИЛЛИИТИН БАҺЫЛЫГА ГАБЫШЕВ НЬУРГУН ВЛАДИМИРОВИЧ ЭҔЭРДЭ СУРУГУНАН НАҔАРААДАЛАННЫЛАР:
ЦЫПАНДИНА ЛЮДМИЛА НИКОЛАЕВНА — үлэ бэтэрээнэ, 9 сыл устата «Доруобуйа» түмсүүгэ утумнаахтык дьарыктанар, бочуоттаах сынньалаҥҥа тахсыар дылы Балыктаах оҕо дьиэтин иитээччитин көмөлөһөөччүтүнэн үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
ЗАХАРОВА РИММА НИКОЛАЕВНА — үлэ бэтэрээнэ, 20 сыл устата «Доруобуйа» түмсүүгэ утумнаахтык дьарыктанар, 40 сыл устата «Ленин» аатынан, «Мэҥэ» сопхуостарга зоотехнигынан үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
ЗАХАРОВА ЛЮДМИЛА КИРИЛЛОВНА — үлэ бэтэрээнэ, 2 сыл устата «Доруобуйа» түмсүүгэ утумнаахтык дьарыктанар, 2013 сылга Саха Өрөспүүбүлүкэтин тыа хаһаайыстыбатын уонна продовольственнай политикаҕа министерствотын, 2017 сыллаахха Саха өрөспүүбүлүкэтин ветеринария департаменын махтал суруктарынан бэлиэтэммит, 2018 сыл түмүгүнэн «бастыҥ ветеринарнай участок сэбиэдиссэйэ» анал аат хаһаайката, 25 сыл устата ветеринарнай бырааһынан үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
МЭҤЭ — ХАҤАЛАС УЛУУҺУН «СОЦИАЛЬНАЙ ПОЛИТИКА УПРАВЛЕНИЕТА» МУНИЦИПАЛЬНАЙ КАЗЕННАЙ ТЭРИЛТЭ НАЧАЛЬНИГЫН КУЛЕШОВА ОКТЯБРИНА НИКИТИЧНА МАХТАЛ СУРУГА УОННА «МЭҤЭ НЭҺИЛИЭГЭ» ТЫА СИРИН ТЭРИЛЛИИТИН БАҺЫЛЫГА ГАБЫШЕВ НЬУРГУН ВЛАДИМИРОВИЧ ЭҔЭРДЭ СУРУГА ТУТТАРЫЛЫННА:
МОХНАЧЕВСКАЯ ЛЮДМИЛА МИХАЙЛОВНАҔА — үлэ бэтэрээнэ, 6 сыл устата «Доруобуйа» түмсүүгэ утумнаахтык дьарыктанар, 40 сыл устата «Максим Горькай», «Мэҥэ» сопхуостарга эҥкилэ суох үлэлээбитэ, күн бүгүн Балыктаах орто оскуолаҕа үтүө суобастаахтык техническэй үлэһитинэн үлэлиир нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
ГОВОРОВА АНГЕЛИНА НИКОЛАЕВНАҔА — педагогическай үлэ бэтэрээнэ, 20 сыл устата «Доруобуйа» түмсүүгэ утумнаахтык дьарыктанар, Саха өрөспүүбүлүкэтин үөрэҕин туйгуна, Российскай Федерация үөрэҕирии эйгэтин бочуоттаах үлэһитэ, 36 сылын Михаил Прокопьевич Габышев аатынан Балыктаах орто оскуолатын нуучча тылын уонна литературатын учууталынан үлэлиир нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
ТУРАНТАЕВА ЕЛЕНА ЕГОРОВНАҔА — үлэ бэтэрээнэ, 20 сыл устата «Доруобуйа» түмсүүгэ утумнаахтык дьарыктанар, 1 сыл устата «Максим Горькай» аатынан сопхуоска ыанньыксытынан үлэлээбитэ, Мэҥэ — Хаҥалас улууһун инбэлииттэр сэбиэттэрин грамотатынан бэлиэтэммитэ.
«МЭҤЭ НЭҺИЛИЭГЭ» ТЫА СИРИН ТЭРИЛЛИИТИН БАҺЫЛЫГА ГАБЫШЕВ НЬУРГУН ВЛАДИМИРОВИЧ ЭҔЭРДЭ СУРУГА ТУТТАРЫЛЫННА:
ХАРИТОНОВА МАРФА АЛЕКСАНДРОВНАҔА — үлэ бэтэрээнэ, 6 сыл «Доруобуйа» түмсүүгэ утумнаахтык дьарыктаммыта, 25 сыл устата Балыктаах орто оскуолатыгар эбии үөрэхтээһин педагогунан, интернат иитээччитинэн үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
БАИШЕВА ЕВДОКИЯ ЕФРЕМОВНАҔА — үлэ бэтэрээнэ, 10 сыл устата «Доруобуйа» түмсүүгэ утумнаахтык дьарыктаммыт, бочуоттаах сынньалаҥҥа тахсыар дылы орто оскуолаҕа поварынан үтүө суобастаахтык үлэлээбитэ, күн күбэй ийэ, эйэҕэс эбээ.
ДЬЯКОНОВА ТАМАРА ГАВРИЛЬЕВНАҔА – үлэ бэтэрээнэ,»Доруобуйа» түмсүүгэ 5 сыл утумнаахтык дьарыктанар, бочуоттаах сынньалаҥҥа тахсыар дылы М.Горькай,»Мэҥэ» совхозтарга ыанньыксытынан,нэһилиэк дьаһалтатыгар , орто оскуола остолобуойугар техүлэһитинэн, оскуола интернатыгар иитээччи көмөлөһөөччүтүнэн үтүө суобастаахтык үлэлээбитэ, күн күбэй Ийэ, эйэҕэс эбээ.
«Доруобуйа» түмсүү тэриллибитэ 20 сыллаах үбүлүөйдээх, үөрүүлээх күнүнэн, бука бары наҕараадаламмыт ытык мааны дьоммутугар бэйэлэрин ылбаҕай ырыаларынан эҕэрдэлэрин тириэртилэр Рима Фадеева, Дария Андросова -Далаана репертуарыттан «Дьол ырыата».
“Доруобуйа” түмсүү Далбар Хотуттарын эҕэрдэлээтэ Маттатааҕы социальнай геронтологическай киин салайааччыта Александр Валерьевич Куприянов.
Бэйэтин эҕэрдэтин ылбаҕай ырыанан тириэртэ Рима Фадеева.
Майаттан кэлэн эҕэрдэтин тириэртэ Стручкова – Заровняева Людмила Ивановна — Саха Өрөспүүбүлүкэтин бочуоттаах бэтэрээнэ, Мэҥэ Хаҥалас улууһун уонна Майа сэлиэнньэтин бочуоттаах олохтооҕо, Саха Өрөспүүбүлүкэтин гражданскай көҕүлээһиннэрин туйгуна, «Норуот билиниитэ»-бэлиэ хаһаайката, Саха Өрөспүүбүлүкэтин көхтөөх уһун үйэлэнии лидера, үһүс көлүөнэ оскуолатын салайааччыта, Мэҥэ нэһилиэгин куратора.
МЭҤЭ — ХАҤАЛАС УЛУУҺУН ВЕТЕРАННАРЫН СЭБИЭТИН БЭРЭССЭДЭЭТЭЛИН ЕВДОКИЯ САВВИЧНА РЕШЕТНИКОВА ГРАМОТАТЫНАН НАҔАРААДАЛАННЫЛАР:
ЧЕРКАШИНА АВГУСТА ВЛАДИМИРОВНА — үлэ бэтэрээнэ, 15 сыл устата «Доруобуйа» түмсүүгэ утумнаахтык дьарыктанар, «Мэҥэ-хаҥалас» сопхуоска рабочайынан, «Хоту» СХПК арыы собуотун маастарын көмөлөһөөччүтүнэн үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
МОХНАЧЕВСКАЯ НАТАЛЬЯ ИВАНОВНА — үлэ бэтэрээнэ, 5 сыл устата «Доруобуйа» түмсүүгэ утумнаахтык дьарыктанар, Саха өрөспүүбүлүкэтин доруобуйа харыстабылын туйгуна, Саха өрөспүүбүлүкэтин доруобуйа харыстабылын министерствотын бочуотнай грамотанан бэлиэтэммит, 39 сыл устата оройуоннааҕы балыыһаҕа медицинскэй сиэстэрэнэн үтүө суобастаахтык үлэлээбит нэһилиэкпит ытык – мааны бэтэрээнэ.
ЧЕРКАШИНА АЛЕКСАНДРА СЕРГЕЕВНА — үлэ бэтэрээнэ, 10 сылын «Доруобуйа» түмсүүгэ утумнаахтык дьарыктанар, «Егоров» уонна «Максим Горькай» аатынан, «Мэҥэ» сопхуостарга ветеринарнай фельдшеринэн үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
МАРФА НИКОЛАЕВНА ОСИПОВА — үлэ бэтэрээнэ, 20 сыл устата «Доруобуйа» түмсүүгэ утумнаахтык дьарыктанар, 5 сыл устата Уус – Алдан Сыырдааҕар участковай балыыһаҕа, 10 сыл устата Горнай улууһун Бэрдьигэстээх тубдиспансерыгар медицинскэй сиэстэрэнэн үтүө суобастаахтык үлэлээбит нэһилиэкпит ытык – мааны бэтэрээнэ, күн күбэй ийэ, эйэҕэс эбээ.
Нэһилиэкпит түөлбэлэрин олохтоохторун ааттарыттан эҕэрдэлэрин тириэртилэр:
“Аартык” түөлбэ депутата Цыденжапова Татьяна Сергеевна, «Сүрэх тыа» түөлбэ начальнига Ноговицына Наталья Гаврильевна, «Лесной» түөлбэ начальнига Кычкина Мария Спиридоновна, «Сайдыс» түөлбэ депутата Чалкина Анастасия Ивановна, «Нагорнай» түөлбэттэн Ли Алена.
Эҕэрдэ тылын тириэртэ Ноговицына Наталья Гаврильевна.
«Эрэл» общественнай түмсүү аатыттан бэйэтин эҕэрдэтн тириэртэ Цыденжапова Татьяна Сергеевна.
Үөрүүлээх бэлиэ күнүнэн нэһилиэкпит ветераннарын сэбиэтин аатыттан эҕэрдэлээтэ бэрэссэдээтэл Кычкина Елена Кимовна.
Олохтоох култуура дьиэтин коллективын аатыттан истиҥ эҕэрдэтин, бары Далбар Хотуттарга мэлдьи өйөбүл буолалларын иһин махтал сылаас тылларын анаата уонна анал сувенирдары бэлэх уунна директор Кычкина Любовь Васильевна.
Нэһилиэкпит култуурнай олоҕор дьоһун кылааттарын киллэрсэр, чөл олоҕу пропагандалаан, араас сылларга активнайдык кыттан кэлбит, ытык – мааны дьоммут, өссө төгүл бу өрөгөйдөөх үбүлүөйдээх күнүнэн «Доруобуйа» түмсүүгэ күн бүгүн сылдьар, араас сылларга дьарыктаммыт ытык – мааны дьоммутугар ис сүрэхтэн махтанан туран эҕэрдэ тылын тириэртэ биир дойдулаахпыт Баишева Евдокия Васильевна уонна хас биирдии кыттааччыбытыгар аймах – билэ дьонноро өйдөбүнньүк бэлэхтэри анаатылар.
«Доруобуйа» түмсүү тэриллибитэ 20 сыллаах өрөгөйдөөх үбүлүөйдээх күнүнэн сибээстээн, кулууп түбүктээх үлэтигэр күүс – көмө буолар, «Доруобуйа» түмсүүбүт далбар хотуттарыгар махталбыт, тапталбыт бэлиэтин бу дьоро түгэҥҥэ тапталлаах оҕолорун ааттарыттан тыыннаах сибэкки дьөрбөтө туттарылынна.
Күндү дьоммут, тапталлаах оҕолоргут, сиэннэргит, аймахтаргыт сылаас истиҥ сыһыаннарыгар угуттанан уһун үйэни, чэгиэн доруобуйаны, дьолу-соргуну баҕарабыт.
Үтүө санаанан салайтаран, мэлдьитин күүс – көмө буолар ыччаттарбытыгар, биир дойдулаахтарбытыгар махтал сылаас тылларын аныыбыт.
«Доруобуйа» түмсүү коллективын аатыттан 20 сыл салайан, сирдээн кэлбит ытык мааны салайааччыларыгар Ноговицына Марфа Иннокентьевнаҕа уонна мэлдьи сүбэ- ама биэрэр, сахалыы мааны таҥастарын тиктиигэ көмөи буолар күндү киһилэригэр,аҕа табаарыстарыгар Кардашевская Светлана Тимофеевнаҕа махтал сылаас тылларын анаан туран, сэмэй бэлэхтэрин анаатылар.
«Доруобуйа» түмсүү коллективыгар мэлдьи биһиги үлэбитигэр күүс – көмө буоларгытыгар истиҥ махтал бэлиэтин уҕараабат дохсун ытыс тыаһын мэлдьи эһиэхэ аныыбыт,күндү доҕоттоор,диэн туранКыталы куо репертуарыттан «Эҕэрдэ ырыата» ырыанан бэйэлэрин эҕэрдэлэрин тириэртилэр «Сайдыына» вокальнай ансаамбыл (салайааччы Рима Фадеева) .
Нэһилиэкпитигэр «Доруобуйа» түмсүү тэриллибитэ үбүлүөйдээх 20 сылын көрсө, чөл олоҕу пропагандалааччы ытык – мааны бар дьоммутун чиэстиир үөрүүлээх түгэҥҥэ кэлэн кыттыыны ылбыт, бары кыттыбыт бар дьоммутугар уонна ыҥырыылаах ыалдьыттарбытыгар, күндү көрөөччүлэрбитигэр, истиҥ истээччилэрбитигэр баҕарабыт ыстаал курдук кытаанах доруобуйаны, дьолу – саргыны! Айар дьулуурдаах, алгыс аргыстаах маннык үтүө түгэннэр Балыктаахха биһиэхэ мэлдьитин буола турдуннар, бары этэҥҥэ буолуоҕуҥ!
