Ыам ыйын 19 күнүгэр Пионерия күнүгэр «Хаххах» потребительскай кооператив сайыҥҥы ыйдарга чааһынай дьонтон ынах-сүөһүнү тутар «Мараҕа» сайылыгар субуотунньук тэрилиннэ.
Субуотунньукка олохтоох култуура дьиэтин коллектива, олохтоох дьаһалтаттан Гоголева Елена Васильевна, Чалкина Анастасия Ивановна, тракторист Куприянов Валерий Егорович уонна сайылык биир тутаах үлэһитэ Катакинова Маргарита Васильевна буолан сайылык дьиэлэрин, арыы дьиэтин муостатын кырааскалааһын үлэтин оҥордулар.
Бэрт сотору сайылыкка көһүү буолан үлэ-хамнас күөстүү оргуйуо, үрүҥ-илгэ үрүйэлии сүүрүө!