Балаҕан ыйын 11 күнүгэр олохтоох култуура дьиэтин территориятыгар, бүтэһик сылаас, ылааҥы күнү баттаһа «Күһүҥҥү вайб!» атыы-тутуу дьаарбаҥката буолан ааста.
Бу күн тэрээһин саамай көхтөөх уонна күүтүүлээх түгэнинэн үгэс буолбут «Күһүҥҥү вайб!» атыы-тутуу дьаарбаҥката буолла. Дьаарбаҥкаҕа нэһилиэкпит олохтоохторо уонна оҕолор бэйэлэрин үүннэрбит астарын, күүстээх үлэлэрин түмүгүн киэҥ көрүүгэ уонна атыыга таһаардылар.
Быйылгы оҕуруот өлгөм үүнүүтүттэн үтүө үгэскэ кубулуйбут нэһилиэкпит ытык кырдьаҕастарыгар анаан «Полка добра» акция тэрилиннэ. Нэһилиэкпит Ытык кырдьаҕастарыгар, ол эбэтэр тыыл ветераннарыгар, сэрии оҕолоругар анаан нэһилиэкпит хас биирдии олохтооҕо, оҕолорбут бэлэмнээн аҕалбыт кэһиилэрин бэлэх уунан анал сандалы тардылынна.
Ону сэргэ биирдиилээн дьоҥҥо саамай улахан, саамай ыйааһыннаах оҕуруот аһын хаһаайынын быһаарар күрэххэ анаммыт оҕуруот астарыгар (хаппыыста, моркуоп, кабачок, тыква, сүбүөкүлэ, арбуз, хортуоска) күрэх бэрт сэргэхтик ыытыллан кыайыылаахтар билиннилэр.
Ол курдук:
«Саамай улахан Хаппыыста – 2026 сыл» күрэх кыайыылааҕа 5 кг 615 гр ыйааһыннаах саамай улахан хаппыыстаны үүннэрбит Анна Владимировна Попова ,
«Саамай улахан Тыква – 2026 сыл» күрэх кыайыылааҕа 12 кг 770 гр ыйааһыннаах саамай улахан тыкваны үүннэрбит Павел Васильевич Габышев,
«Саамай улахан Кабачок – 2026 сыл» күрэх кыайыылааҕа 3 кг 545 гр. ыйааһыннаах саамай улахан кабачогу үүннэрбит Ньургуйаана Ивановна Стручкова,
«Саамай улахан Арбуз – 2026 сыл» күрэх кыайыылааҕа 10 кг 1 гр ыйааһыннаах саамай улахан арбуһу үүннэрбит Евдокия Васильевна Дьяконова,
«Саамай улахан Моркуоп – 2026 сыл» күрэх кыайыылааҕа 445 гр ыйааһыннаах саамай улахан моркуобу үүннэрбит Евдокия Васильевна Дьяконова,
«Саамай улахан Сүбүөкүлэ – 2026 сыл» күрэх кыайыылаахтара 1 кг 650 гр. ыйааһыннаах саамай улахан сүбүөкүлэни үүннэрбит Римма Николаевна Захарова, 845 гр. ыйааһыннаах сүбүөкүлэни үүннэрбит Евдокия Васильевна Дьяконова,
«Саамай улахан Хортуоппуй – 2026 сыл» күрэх кыайыылааҕа 550 гр. ыйааһыннаах саамай улахан хортуоппуйу үүннэрбит Саргылаана Васильевна Стручкова,
кыайыылаахтарга, тутатына анал грамота, сэмэй бэлэх үөрүүлээх быһыыга – майгыга дохсун ытыс тыаһын ортотугар туттарылыннылар.
«Күһүҥҥү вайб!» атыы-тутуу дьаарбаҥкаҕа ыаллыы сытар Тарат бөһүөлэгиттэн Анастасия Васильевна Максимова, нэһилиэкпит олохтоохторо Александра Николаевна, Павел Васильевич Габышевтар дьиэ кэргэн, Евдокия Васильевна, Гаврил Иванович Дьяконовтар дьиэ кэргэн, оскуола оҕуруотчута Анна Владимировна Попова, биирдиилээн Маргарита Васильевна Катакинова, Наталья Ивановна Мохначевская, Светлана Антоновна Габышева, Надежда Федоровна Рожина, Мария Алексеевна Захарова, Сардаана Степановна Молукова атыы – тутуу тэрийэн, атыылааннар, дьиэ кэргэннэригэр сэмэй эбии дохуот киллэриннилэр.
Дьаарбаҥка түмүгүнэн Сардаана Степановна Молукова уопсайа 7600 сууммалаах улахан дохуоту киллэрэн, бу тэрээһин саамай көхтөөх кыттааччытынан бэлиэтэннэ уонна кыайыылаахха анал грамота, сэмэй бэлэх туттарылынна.
«Күһүҥҥү вайб!» атыы-тутуу дьаарбаҥкабытын ылбаҕай «Ардах» ырыанан кэрэчээн «Сэргэхчэй» ырыа бөлөҕүн кыргыттара (салайааччы Цыпандина Күннэйэ Николаевна), ааттыын да «Үчүгэй» диэн эҕэрдэ ырыанан «Доруобуйа» түмсүү (салайааччы Ноговицына Марфа Иннокентьевна), «Дьол», «Дьөһөгөй», «Күөрэгэй» ырыаларынан Дария Андросова, Рима Фадеева ситэрэн – хоторон киэргэттилэр.
Көмүс дуйу бүрүнэн тиийэн кэллэ көмүс күhүн, уйгу-быйаҥ эгэлгэтин бэлэхтээтэ биhиэхэ!
Бука бары кыттааччыларбытыгар, кыайыылаахтарбытыгар уонна нэһилиэкпит олохтоохторугар бүгүҥҥү дьаарбаҥкаҕа көхтөөх кыттыыны ылбыккытыгар ис сүрэхтэн махталбытын биллэрэбит! Эһиэхэ үөрэххэ, спортка, үлэҕэ үрдүк ситиһиилэри, санаабыт санааҕыт, баҕарбыт баҕаҕыт өрүүтүн туоларыгар баҕарабыт. Дьаарбаҥка уопсай өйдөбүнньүк хаартыскаҕа түһүүнэн түмүктэннэ.
