Кулун тутар 22 күнүгэр олохтоох култуура дьиэтигэр сандал сааһы уруйдуу, дьикти кэрэ айылҕалаах, сиртэн хостонор баайдаах Сунтаар улууһун Кэмпэндээйи сириттэн Анна Тотонова, Аркадий Игнатьев уонна «Бэс чагда» бөлөх кыттыылаах ырыа-үҥкүү аргыстаах «КҮНТЭН КҮҮС ЫЛАН» эҕэрдэ кэнсиэр үрдүк таһымнаахтык буолан ааста.
Бииртэн биир чаҕылхай нүөмэрдэр бу киэһээни киэргэттилэр:
Кэнсиэр Тоҕус мэҥэ хамсаныылаах алгыстан саҕаланна.
Анна Тотонова толоруутугар тойук
Анна Тотонова толоруутугар «Сахам алаадьыта»
Анна Тотонова толоруутугар «Чэйиҥ, чэйдэ иһиэҕиҥ».
“Бэс Чагда” үҥкүү бөлөҕүн толоруутугар үҥкүү «Ыһыахха ыҥырыы”
Бэрт сэргэх көрөөччүлэри кытта оонньуу тэрилиннэ, саамай саастаах көрөөччүгэ анал бириис туттарылынна.
Аркадий Игнатьев толоруутугар «Кэрэ Куо”
Анна Тотонова, Аркадий Игнатьев дуэтнай ырыалара сүргэбитин көтөхтө.
Елена Борисова толоруутугар үҥкүү «Чэмэлиинэ”
Анна Тотонова — Күн Күөрэгэйэ толоруутугар “Айылҕа тыллар кэмигэр”
Анна Тотонова — Күн Күөрэгэйэ толоруутугар «Сахам дьахтара»
Анна Тотонова — Күн Күөрэгэйэ толоруутугар “Чуопчаарыка Куо”
Женя Эверстова, Лена Борисова толоруутугар индийскай үҥкүү
Аркадий Игнатьев толоруутугар индийскай ырыа
Анна Тотонова толоруутугар ”Үөрүү кыыма”, Полет Кондора индеецтэр матыыптара.
Лена Борисова толоруутугар “танец с крыльями”
Трио толоруутугар “Саҥа дьыл”
Дуэт толоруутугар “Жок Жок”
Оонньуу сэргэхтик ыытыллан дьон сүргэтин көтөхтө, саамай чугас төрөөбүт күннээххэ — анал бириис.
«Бэс чагда» бөлөх толоруутугар казахскай үҥкүү
Аркадий Игнатьев толоруутугар «Халлаан аҕалаахпын”
Женя Эверстова, Лена Борисова толорууларыгар испанскай үҥкүү
Анна Тотонова толоруутугар «Дьоҥҥо дьолу баҕаран”
Анна Тотонова толоруутугар «Дьол» хит ырыатынан «Күнтэн күүс ылан» кэнсиэр бэрт сэргэхтик түмүктэннэ.
Биир дойдулаахпыт Шишигина Людмила Егоровна хоһоонугар, Анна Фомична Тотонова дьүрүлүгэр «Сахам дьахтара» ырыанан, Анна Тотонова 2024 сыллаахха «Үрдэл» бырайыак ырыа күрэҕэр кыттан, дьон сэргэ сэҥээриитин ылан,10 бастыҥ ырыа иһигэр киирбитэ. Бу ырыаны Анна Тотонова ханна да сырыттар, ыллыы, үйэтитэ сылдьарынан астынабыт, киэҥ туттабыт, биһириибит.
Түгэнинэн туһанан, “Мэҥэ нэһилиэгэ” тыа сирин тэриллиитин баһылыга Габышев Ньургун Владимирович, нэһилиэкпит олохтоохторун ааттарыттан махтал суругу туттарда, эҕэрдэтин тириэртэ Мохначевскай Иван Егорович.
Бэйэлэрин эҕэрдэлэрин тириэртилэр, сэмэй бэлэхтэрин туттардылар Сунтаартан төрүттээх биир дойдулаахтара:
Березкина Валентина Борисовна, СР уус — уран оҥоһуктарын маастара.
Шишигина Людмила Егоровна — Ньургуһун ТуусКуо.
«Доруобуйа» түмсүү салайааччыта Ноговицына Марфа Иннокентьевна,
М.П.Габышев аатынан Балыктаах орто оскуолатын директора Иванов Егор Николаевич.
Ыалдьыттарбыт истиҥ көрсүһүү иһин, бары үчүгэйи баҕаран туран сэмэй бэлэхтэрин утары ууннулар.
Анна Фомична уонна кэнсиэр кыттыылаахтара, „Күнтэн күүс ылан“ чаҕылхай киэһэни бэлэхтээбиккитигэр ис сүрэхпититтэн улахан махталбытын тиэрдэбит. Кырдьык даҕаны, күн уотуттан күүс-көмө ылбыт курдук сананан, дууһалыын чэпчээн, санаалыын сырдаан тарҕастыбыт. Эһиги сыралаах үлэҕит, итии сыһыаҥҥыт хас биирдиибит сүрэҕэр сылааһынан иҥнэ. Өссө да маннык үтүө кэнсиэрдэри тэрийэ тураргытыгар баҕарабыт! Аныгыскы көрсүөххэ диэри!!!
