Алтынньы 1 күнүгэр олохтоох култуура дьиэтигэр аан дойду үрдүнэн бэлиэтэнэр аҕам саастаахтар күннэригэр аналлаах «Истиҥ көрсүһүү» итии чэйдээх сандалы тула сынньалаҥ тэрээһин буолан ааста.
Тэрээһин үөрүүлээх чааһыгар «Мэҥэ нэһилиэгэ» тыа сирин тэриллиитин баһылыга Габышев Ньургун Владимирович эҕэрдэ тылын, үбүлүөйдээх саастарын туолбут ытык-мааны ветераннарга эҕэрдэ сурук, өйдөбүнньүк бэлиэ туттартаата:
Эҕэрдэ сурук, анал сувенирдар туттарылыннылар 75 үбүлүөйдээх саастарын туолбут ытык-мааны ветераннарбытыгар:
ЦЫПАНДИНА АВГУСТИНА ИННОКЕНТЬЕВНАҔА – үлэ ветерана, уһун сылларга “Максим Горькай”, “Мэҥэ” совхозтарга үтүө суобастаахтык үлэлээбит, нэһилиэкпитигэр тыа хаһаайыстыбатын эйгэтэ сайдарыгар сэмэй кылаатын киллэрсибит ытык – мааны ветераммыт, Мэҥэ- Хаҥалас улууһун култуура уонна спорт эстафетатын быыстапкатын көхтөөх кыттыылааҕа, хас да төгүллээх лауреата, дипломана, элбэх оҕо тапталлаах күн күбэй ийэтэ, элбэх сиэн эйэҕэс эбээтэ.
МОХНАЧЕВСКАЯ ЕФРОСИНЬЯ ГАВРИЛЬЕВНАҔА – үлэ ветерана, Балыктаах орто оскуолатыгар бочуоттаах сынньалаҥҥа тахсыар дылы эҥкилэ суох үтүө суобастаахтык үлэлээбит ытык – мааны ветераммыт, Мэҥэ- Хаҥалас улууһун култуура уонна спорт эстафетатын уус – уран самодеятельноһын көхтөөх кыттыылааҕа, хас да төгүллээх лауреата, дипломана, күн күбэй ийэ, элбэх сиэн эйэҕэс эбээтэ.
75 үбүлүөйдээх сааһын туолбутунан өрөспүүбүлүкэтээҕи бэтэрээннэр сэбиэтин аатыттан бочуотунай грамотата, түөскэ анньыллар анал бэлиэ туттарылынна СКРЯБИНА АНИСИЯ ДАНИЛОВНАҔА — үлэ ветерана, Мэҥэ хаҥалас улууһун уонна «Мэҥэ» нэһилиэгин бочуоттаах олохтооҕо, ССРС култууратын туйгуна, СӨ култууратын үтүөлээх үлэһитэ.
Эҕэрдэ сурук, анал сувенирдар туттарылыннылар 70 саастарыгар үктэммит ытык-мааны дьоһун дьоммутугар:
МОХНАЧЕВСКАЯ ЕКАТЕРИНА НИКОЛАЕВНАҔА – үлэ ветерана, уһун сылларга “Максим Горькай”, “Мэҥэ” совхозтар Маттатааҕы отделениетыгар үтүө суобастаахтык ыанньыксытынан, биригэдьииринэн, зоотехнигынан үлэлээбит ытык – мааны ветераммыт, күн күбэй ийэ, эйэҕэс эбээ.
ИВАНОВА АННА АНДРЕЕВНАҔА – үлэ ветерана, уһун сылларга “Максим Горькай”, “Мэҥэ”совхозтарга үтүө суобастаахтык ыанньыксытынан үлэлээбит ытык – мааны ветераммыт, нэһилиэк бастыҥ общественнига, тапталлаах күн күбэй ийэ, элбэх сиэн эйэҕэс эбээтэ.
ТУРАНТАЕВ ИВАН ЕГОРОВИЧКА – нэһилиэкпит ытык — мааны ветерана.
КЫЧКИНА МАРИЯ ЕГОРОВНАҔА — үлэ ветерана, «Звездочка» оҕо уһуйааныгар уһун сылларга үтүө суобастаахтык үлэлээбит ытык – мааны ветераммыт.
Эҕэрдэ сурук, анал сувенир туттарылынна 65 сааһыгар үктэммит убаастабыллаах ЖЕЛОБЦОВ ВЛАДИМИР ПЕТРОВИЧКА – үлэ ветерана, уһун сылларга “Максим Горькай”, “Мэҥэ”совхозтарга үтүө суобастаахтык ыанньыксытынан үлэлээбит ытык – мааны ветераммыт, элбэх оҕо тапталлаах аҕата, эйэҕэс эһээтэ.
Эҕэрдэ сурук, анал сувенирдар туттарылыннылар 60 саастарыгар үктэммит юбилярдарбытыгар:
НОГОВИЦЫНА ОКСАНА АРКАДЬЕВНАҔА – үлэ ветерана, нэһилиэкпит култуурнай олоҕун активнай кыттыылааҕа, күн күбэй ийэ, эйэҕэс эбээ.
КУПРИЯНОВ ВАЛЕРИЙ ЕГОРОВИЧКА – үлэ ветерана, уһун сылларга “Максим Горькай”, “Мэҥэ” совхозтарга үтүө суобастаахтык рабочайынан үлэлээбит ытык – мааны ветераммыт, күн бүгүн олох – дьаһах коммунальнай хаһаайыстыба тутаах үлэһитэ, элбэх оҕо тапталлаах аҕата, элбэх сиэн эйэҕэс эһээтэ.
БРОДНИКОВ ИЛЬЯ НИКОЛАЕВИЧКА – үлэ ветерана, нэһилиэкпит бастыҥ урбаанньыта, «Саха Республикатын автомобильнай транспордын бочуоттаах үлэһитэ» анал бэлиэ хаһаайына, элбэх оҕо тапталлаах аҕата, элбэх сиэн эйэҕэс эһээтэ.
Күндү үбүлүөйдээх бар дьоммутун өссө төгүл итиитик-истиҥник эҕэрдэлиибит. Баҕарабыт эһиэхэ чэгиэн чэбдик доруобуйаны, баҕа санаа бастыҥын, үтүө санаа үтүмэнин, дьоллоох соргулаах олоҕу!
Павел Васильевич Габышев устубут видеосюжеттарын нөҥүө урукку, 1995 уонна 2010 сыллардааҕы кэмнэри, ытык мааны ветеран дьоммутун ахтан — санаан аастыбыт.
Тэрээһин үөрүүлээх чааһын музыкальнай нүөмэрдэринэн киэргэттилэр:
Линда Сергучева репертуарыттан «Эбээбэр» ырыаны бэлэх уунна Мотрена Монастырева.
С. Шишигин тыла, Г. Шахурдина дьүрүлэ «Хомус тыаһа» ырыанан эҕэрдэлээтилэр «Сайдыына» вокальнай ансаамбыла (салайааччы Рима Фадеева).
«Сиибиктэ» уонна «Ардах» ырыаларын бэлэх ууннулар “Сэргэхчэй” ырыа бөлөҕө (салайааччы Цыпандина Күннэйэ Николаевна).
Бырааһынньыктааҕы минньигэс астаах сандалы тула олорон, ирэ-хоро кэпсэтэн, бэйэлэрин алгыс тылларын, эҕэрдэлэрин, музыкальнай ырыаларын тириэртилэр:
Бу дьоро күҥҥэ кэлбит ыалдьыттар тэриллэн ыытыллыбыт араас оонньууларга көхтөөхтүк кыттан сэргэхсийдилэр:
Урукку кэминээҕи музыканан, ону сэргэ аныгы ырыаларга доҕуһуоллатан үҥкүүлээн, ирэ-хоро кэпсэтэн, астына сынньаннылар:
Бу курдук «Истиҥ көрсүһүү — 2025» тэрээһиммит сэргэхтик ааста. Нэһилиэкпит аҕам саастаах, ытык — мааны дьоммут куруук биһиэхэ холобур, сүбэ-ама буоларгытынан киэн туттабыт уонна истиҥник махтанабыт! Ытык-мааны ветераннарбыт, күн-дьыл өксүөнүн билиммэккэ, эдэрдии эрчиминэн, сэргэхтик туттан-хаптан, чугас дьоҥҥут, оҕолоргут, сиэттэргит сылаас тапталларынан кынаттаныҥ, мэлдьи үөрэ-көтө сылдьыҥ!
