Кулун тутар 21 күнүгэр олохтоох култуура дьиэтигэр көнө-налыы хонуулардаах, үтүө үлэһит дьоннордоох, ытык-мааны кырдьаҕастардаах, үтүмэн кэнэҕэски ыччаттардаах, ырыаҕа ылланар, хоһооҥҥо хоһуйуллар Балыктаахпытыгар дьоро күн буолан ааста. Бөһүөлэкпит олохтооҕо, биһиги бары убаастыыр киһибит Дохунаев Петр Владимирович, олоҕун омурҕаныгар ананар, айар үлэтин түмэн, бар дьонун иннигэр таһаарар үбүлүөйдээх кэнсиэригэр ыраахтан-чугастан дьон — сэргэ тоҕуоруһа муһунна.
Дьикти кэрэ эйгэ абыланар уйдаран, ырыа куттаах Петр Владимирович айылҕаттан айдарыылаах, истиҥ тыллаах, айар кут аартыгын арыйар, дьонун-сэргэтин сүрэҕин сылааһынан угуттаан, ыра санаа кынатыгар уйдаран, кэрэ ырыа матыыбыгар куустаран Петр Владимирович айар үлэтин дьоро киэһэтэ олус истиҥник, өрө көтөҕүллүүлээхтик ааста. Кини ырыатыгар төрөөбүт сир сыта, кини матыыбыгар саха кутун туруга иһиллэр. Олох кэрэтин, таптал күүһүн хоһуйан, үйэлээх айымньыларын бэлэх уунан дьоро күнҥэ кыттыыны ыллылар Петр Владимирович атас – доҕор дьонноро.
Долгутуулаах, үөрүүлээх тэрээһин Петр Владимирович олоҕун кэрдиис кэмнэрин сырдатар видеосюжет саҕалаата, бары бииргэ сэргээн, сэҥээрэн дуоһуйа, астына көрдүбүт
Долгутуулаах түгэнинэн буолла Петр Владимирович олоҕун аргыһынаан Вероника Христофоровналыын кыыс оҕолорунан уруйданан, уол оҕолорунан айхалланан, сиэннэринэн симэнэн үөрүү, дьол аргыстаах нэһилиэкпит биир бастыҥ, ньир-бааччы олорор мааны ыала күн күбэй ийэлэринээн Александра Петровналыын күндү көрөөччүлэрин сахалыы үҥкүүнэн уруйдуу- айхаллыы көрсүбүттэрэ.
Салгыы Петр Владимирович кэнсиэрбин олоҕум омурҕаныгар анаан “Доҕотторбунаан” диэн ааттаатым уонна миигин кытта тэҥҥэ кэрэ муусука доҕуһуолунан айар умсулҕаҥҥа куустарыаҕын, айанныаҕыҥ диэн ыҥыран туран , кэнсиэрин бэйэтэ иилээн – саҕалаан ыыппыта бэрт сэргэх, солун көстүү буолла .Бииртэн биир чаҕылхай нүөмэрдэр бу киэһээни киэргэттилэр:
Көрөөччүлэр иһийэн, долгуйа олорон иһиттилэр Петр Дохунаев толоруутугар Роман Степанов тылыгар, дьүрүлүгэр « Мин ийэм» сүрдээх истиҥ ырыаны
Петр Владимирович толоруутугар Николай Сибиряков тыла, дьүрүлэ «Сааскы серенада»
Юрий Платонов сөбүлээн ыллаабыт ырыаларыттан Иван Прибылых толоруутугар Галина Шахурдина тыла уонна дьүрүлэ “ Э5эрдэ ырыата”.Талааннаах ырыаһыттан истиҥ эҕэрдэ тыллар ырыа буолан көттүлэр.
Бэйэлэрин эҕэрдэлэрин тириэртилэр нэһилиэкпит тэрилтэлэрин салайааччылара:
«Мэҥэ нэһилиэгэ» тыа сирин тэриллиитин баһылыга Габышев Ньургун Владимирович.
Олохтоох култуура дьиэтин директора Кычкина Любовь Васильевна уонна Мэҥэ Хаҥалас улууһун баһылыга Тихонов Д.И. илии баттааһыннаах “ Мэҥэ Хаҥалас улууһугар култуура уонна искусство сайдыытыгар кылаатын иһин ” түөскэ анньыллар бэлиэни дохсун ытыс тыас ортотугар туттарда.
Михаил Прокопьевич Габышев аатынан Балыктаах орто оскуола коллективын аатыттан директор Иванов Егор Николаевич.
Олох- дьаһах коммунальнай хаһаайыстыба салайааччыта Харитонов Сергей Семенович уонна ОДьХК министерствотын, ОДьХК Мэҥэ — Хаҥаластааҕы филиалын грамоталарын туттарда.
Олох – дьаһах коммунальнай хаһаайыстыба коллективын ансаамбылын толоруутугар Анастасия Варламова тыла уонна дьүрүлэ «Аҕам алааһа»
Дьоро киэһээ өссө сырдык, өссө истиҥ буолан истэ. Кэбээйи улууһун Мукучу бөһүөлэгин “Дайан” сынньалаҥ киинин иһинэн үлэлиир «Дэриэбинэчээн» бөлөҕүн күллэрэр-талааннаах артыыстара »Мааска» сыанканы итэҕэтиилээхтик оонньоон барыбыт дууһатын сылаанньыттылар.
Саас маҥнайгы сибэккитинии кэрэ, нарын ырыа алгыс буолан көтөн, Петр Дохунаев «Ньургуһуннар». Ырыаны олус истиҥник толордо.
Нэһилиэкпит киэҥ туттуута «Ситим» – эр дьон вокальнай ансаамбыл «Ньургуһуннар» ырыанан Петр Владимировичтарын эҕэрдэлээтилэр, эҕэрдэ суруктарын, сэмэй бэлэхтэрин анаатылар. Күүстээх куоластар, эрчимнээх толоруу — бу ырыа саҥалыы тыынынан иһилиннэ.
Василий Еремеев репертуарыттан «Туоххаһыйыы» намыын ырыаны толордо Андрей Стручков
Василий Еремеев репертуарыттан доҕордоһуу истиҥ тыыннаах «Доҕорбор» ырыаны толордо Петр Дохунаев.
Истиҥ эҕэрдэлэрин тириэртилэр:
Степан Сивцев аатынан Доллу нэһилиэгин култууратын дьиэтин директора Власова Акулина Силиновна уонна уус уран салайааччыта Максимова Нюргуяна Петровна.
Араҥас нэһилиэгин култууратын дьиэтин салайааччыта Цыпандин Михаил Романович.
Олохтоох «Звездочка” оҕо уһуйаанын профсоюһун председателэ Стручкова Саргылана Васильевна.
«Эн баар буолаҥҥын» таптал ырыатын толордо Михаил Цыпандин.
«Дэриэбинэчээн» бөлөх күлүү-оонньуу аргыстаах “Болуоссакка”истиҥ сыанкатын астына көрдүбүт.
“Чыпчаал”вокальнай-инструментальнай ансамбль тыыннаах доҕуһуолунан « Байанай бэлэҕэ» бөлөх репертуарыттан «Дорообо, мин дойдум!» төрөөбүт сиргэ ананар ырыаны көрөөччүлэр астына – дуоһуйа ылыннылар.
“Чыпчаал” вокальнай — инструментальнай ансамбль тыыннаах доҕуһуолунан .Байбал Сэмэнэп тылларыгар уонна матыыбыгар «Мин а5ам» сүдү күүстээх ырыаны олус истиҥник толордо Петр Дохунаев.
“Чыпчаал”вокальнай — инструментальнай ансамбль тыыннаах доҕуолунан кыһыҥҥы айылҕа кэрэтин, ыраас тапталы хоһуйар «Маҥан хаар» ырыа.
«Чыпчаал» вокальнай – инструментальнай ансамбль тыыннаах доҕуһуолунан сэргэх, күүстээх тыастаах-уустаах нүөмэр “Сахсырҕа”
Эстрада чаҕылхай сулуһа Саарын — тапталлаах ырыаһыппыт, кини бэйэтэ туспа абылаҥнаах ураты куолаһынан көрөөччүлэри абылаата.
Эйэҕэс эҕэрдэлэрин тириэртилэр:
Эҕэрдэтин тириэртэ үөрэппит учууталларыгар, кылаастарын салайааччытыгар Петр Владимировичка, Балыктаах орто оскуолатын 37 — с выпуск аатыттан Куприянов Александр Валерьевич.
“Аартык”түөлбэ депутата Цыденжапова Татьяна Сергеевна
Оскуолаҕа 10 сыл устата мин- эн дэһэн бииргэ үөрэммит доҕотторо.
«Дэриэбинэчээн» народнай театр артыыстарын толоруутугар “Женитьба” күлүү-оонньуу аргыстаах истиҥ сыанка.
Истиҥ эҕэрдэлэрин тириэртилэр:
Республика оскуолаларын 1993 сыллаах выпуктарын лидера Максимова Варвара Николаевна.
«Бэһэр» фермаҕа бииргэ үлэлээбит доҕотторо.
Аймах — билэ, чугас дьонноро.
Көрөөччү сүрэҕин сүүйбүт эстрада чаҕылхай сулуһа Эрчим эрчимнээх куолаһынан, истиҥ ырыатынан түһүлгэни сэргэхтик төрүттээтэ.
Бу киэһээҥҥи чаҕылхай нүөмэрдэрин түмүктээтэ вокальнай – инструментальнай ансамбль “Чороон” бөлөх репертуарыттан “Ыллаан туойан ааһыаҕын” эрчимнээх эдэр саас ырыатынан.
Үтүөкэннээх киһибит Петр Владимирович! Бүгүҥҥү айар киэһэҥ — иэйии иэйиитинэн, ырыа кынатынан угуйан, көрөөччү сүрэҕэр сылаас тыын уунна. Эн айар кутуҥ аартыга өссө кэҥээн, саҥа матыыптар, истиҥ тыллар куруук аргыстастыннар! Үлэҕэр-хамнаскар ситиһии эрэ сиэттистин, саҕалаабыт дьыалаҥ барыта табыллан, саҥа үрдүк кирбиилэри дабайдын! Дьон-сэргэ истиҥ таптала эйиэхэ күүс-кыах уонна саҥа айар кынат буоллун! Ырыаҥ мэлдьи даҕаны дууһаны угуттуу турдун, олоҕуҥ өрүү үөрүүттэн эрэ тутулуктаах буоллун! Айхал! Туску!
Петр Владимирович айар кутун сырдыгын эһигини кытта үллэстибитигэр уонна бу саала иһигэр олорор көрөөччүлэр иллээх-эйэлээх эйгэни тэрийбиккитигэр ис сүрэхтэн махталбытын тиэрдэбит!
Тэрээһини киэргэппит, ырыанан-үҥкүүнэн арыаллаабыт көмө-тирэх буолбут доҕотторго, айар дьоҕурдаах атастарга барҕа махтал! Эһиги доҕордуу сыһыаҥҥыт, истиҥ көмөҕүт дьоро киэһэни өссө чаҕылхай, өссө истиҥ оҥордо.
Күндү көрөөччүлэр! Эһиги дохсун ытыскыт тыаһа, эйэҕэс мичээргит — айар киһиэхэ саамай улахан бэлэх. Өрүү маннык үөрэ-көтө, ырыа аргыстаах көрсө туруоҕуҥ. Дьоллоох, ситиһиилээх буолуҥ! Аныгыскы көрсүөххэ диэри!
Эҕэрдэ истиҥэ, Петрга, дойдум дьонугар!