Бүгүн, муус устар 1 күнүгэр Балыктаахпыт бөһүөлэгэр «Дорообо, сандал саас!» кыһыны атаарар норуот күүлэйэ буолан ааста.
Бу күн түөлбэлэринэн атыыга-тутууга дьаарбаҥка күрэҕэ тэрилиннэ. Түмүккэ 11 500 солк. сууммалаах ас эгэлгэтин атыылаан 1 миэстэни ылары ситистилэр «Сүрэх тыа» түөлбэтэ, салайааччы Степанова С.Р.
2 бириистээх миэстэни ылла 6 621 солк. сууммалаах ас атыылаан «Лесной» түөлбэ, салайааччы Мордискина А.Н.
Үөрүүлээх күн истиҥ эҕэрдэлэринэн, ырыанан-тойугунан, көрдөөх нүөмэрдэринэн ситэрилиннэ:
Хаҥкыһыт кыргыттар эҕэрдэлэрэ.
Вера Фадеева ылбаҕай ырыатынан эҕэрдэ.
Көрдөөх эмээхситтэр толорууларыгар аныгы үҥкүү.
«Аартык» түөлбэ далбар хотуттарын толорууларыгар үҥкүү «Валенки».
«Сааскы киэһэ» ырыатынан Рима Фадеева.
«Сайдыс» түөлбэ көрдөөх частушкалара.
«Дьол вальса» ырыатынан Петр Никитин.
Тэрилтэлэр икки ардыларыгар көрдөөх эстафета ыытылынна. Күрэхтэһиини иилээн-саҕалаан ыытта «Мэҥэ нэһилиэгэ» тыа сирин тэриллиитин баһылыгын солбуйааччы Иван Егорович Мохначевскай. Тыҥааһыннаах киирсиилэр кэннилэриттэн барыларын кэннилэригэр хаалларан уопсайа 7 очколаах 1 миэстэни ылары ситистилэр «3 Фермер» эдэр фермердэр хамаандалара. 2 миэстэ — олохтоох ОДьКХ хамаандата, 3 миэстэ — олохтоох администрация хамаандата.
Маны сэргэ биирдиилээн киирсиигэ көрдөөх конкурстар тэрилиннилэр:
Оҕолорго анаан «Быһый атах» тоҥуу хаарынан сүүрүү күрэҕэр кыайылаахтарынан таҕыстылар сааскы каникулга сынньана кэлбит сиэттэр. 1 миэстэ — Монастырева Наташа, 2 миэстэ — Кычкина Андриана, 3 миэстэ — Винокуров Кевин кыайыылаах тахсаннар сэмэй бириистэринэн наҕараадаланнылар.
Күүстээх, тулуурдаах кэрэ аҥаардарга 5 киилэлээх рис курууппалаах кууллары үөһэ өрө анньыыга күрэххэ 1 миэстэни ылары ситистэ 32-тэ өрө көтөҕөн Дария Андросова. 2 миэстэҕэ таҕыста 25-тэ өрө көтөҕөн Рима Фадеева, 3 миэстэни ылары ситистэ 18-та өрө көтөҕөн Нарыйа Докторова.
Эр дьоннорго аналлаах көрдөөх күрэххэ 1 миэстэҕэ Айтал Васильев, 2 миэстэҕэ Илья Шишигин, 3 миэстэҕэ Иван Мохначевскай тахсан, сэмэй бириистэринэн наҕараадаланнылар.
Кэрэ аҥаардарга 1 мүнүүтэ иһигэр көлөһөнү сыҕарытыы күрэҕэ тэриллэн дьон сэҥээриитин ылла. Түмүккэ 1 миэстэ — Нарыйа Докторова, 2 миэстэ — Яна Васильева, 3 миэстэ — Наталья Ивановна Мохначевская.
Сыттыгынан киирсии күрэҕэр оҕолор ортолоругар 1 миэстэни ылла Ноговицын Арылхан, 2 миэстэҕэ таҕыста Монастырева Наташа, 3 миэстэни эрэллээхтик ылла Ноговицын Максим. Бу күрэххэ эр дьоннорго түмүк маннык буолла: 1 миэстэ — Иван Мохначевскай, 2 миэстэ — Илья Шишигин, 3 миэстэ — Вадим Шепелев. Кыайыылаахтарга сэмэй бириистэр туттарылыннылар.
Бу тэрээһиҥҥэ эдэр ыччаттарбыт көҕүлээһиннэринэн миэстэтигэр буһаран шашлык атыыта тэриллэн дьон-сэргэ сүргэтэ көтөҕүлүннэ.
Кыһыны атаарыы тэрээһиммит саамай кэтэһиилээх түгэнинэн буолла босхо лотерея тэҥнээһинэ. Бу лотерея ыытыллыытыгар бириистэри спонсордаатылар: биир дойдулаахпыт, Доллу нэһилиэгиттэн Егор Гоголев, эдэр фермердэр Илья Мохначевскай, Ньургун Габышев, Дьулус Говоров уонна олохтоох ветеринарнай учаасток коллектива.
Эс астан набору (спонсор Мохначевскай И.Е.) талаан тарбаҕынан талан ылла Мария Егоровна Сотникова.
Тыыннаах куурусса уонна бөтүүк бирииһи (спонсор Габышев Нь.В.) талаан тарбаҕынан талан ылла Дмитрий Иннокентьевич Андросов.
Оҕуруокка аналлаах парник бирииһи (спонсор олохтоох ветучасток) сүүйдэ Любовь Васильевна Кычкина.
Киилэнэн биэ этэ бирииһи (спонсор Говоров Дь.Г.) Людмила Кирилловна Захарова сүүйдэ.
Сүрүн бирииһи 1 ыйдаах сибиинньэ оҕотун (спонсор Гоголев Е.Е.) талаан тарбаҕынан талан соһуччу сүүйэн Саргылаана Романовна Степанова үөрүүтэ үксээтэ.
Дьэ бу курдук бириистэри олохтообут, дьол түгэнин, үөрүүтүн бэлэхтээбит мэлдьитин көмөлөһөр спонсордарбытыгар ис сүрэхпититтэн махтал тылларын аныыбыт. Баҕарабыт мэлдьитин бу курдук көмө, өйөбүл буола сылдьаргытыгар, үлэҕит-хамнаскыт куруутун таһаарыылаах буоллун!
«Дорообо, сандал саас!» кыһыны атаарыы тэрээһиммитигэр үгүс элбэх киһи кэлэн, бары күрэхтэргэ үөрэн-көтөн, дуоһуйа сынньанан көхтөөхтүк кыттыбыккытыгар сылаас махтал тылларын аныыбыт, өрүүтүн даҕаны бу курдук бары бииргэ буолуоҕун. Баҕарабыт эһиэхэ, бастыҥ-мааны дьоммутугар баҕарбыккыт туолуохтун, барыта үчүгэй буолуохтун.
