Муус устар 11 күнүгэр «Дорообо, сандал Саас!» нэһилиэкпитигэр сандал сааһы көрсөр, көрү-нары көҕүлүттэн тутан, оонньууну оройуттан ылар, томороон кыһыны атаарар норуот күүлэйэ буолан ааста.
Бу күн нэһилиэк олохтоохторугар анаан араас көрдөөх конкурстар, түөлбэлэр икки ардыларыгар эрдэттэн биллэриллибит күрэхтэр, ону сэргэ нэһилиэкпит олохтоохторо сандал сааһы уруйдаан астаах-үөллээх атыы-тутуу дьаарбаҥката тэрилиннэ.
«Күһүҥҥү киһи күлбүтүнэн, сааскы киһи салбаммытынан!» түөлбэлэр икки ардыларыгар бэйэ, айылҕа уонна байанай бэлэҕиттэн хаһаас, тоҥ ас аргыстаах толору астаах сандалы күрэҕэр түөлбэ олохтоохторо ох курдук оҥостон, тэринэн, ас арааһын остуол хотойорунан туруордулар.
«Күһүҥҥү киһи күлбүтүнэн, сааскы киһи салбаммытынан!» — түөлбэлэр икки ардыларыгар бэйэ, айылҕа уонна байанай бэлэҕиттэн хаһаас, тоҥ ас аргыстаах толору астаах сандалы күрэх түмүгэ маннык буолла:
1 миэстэ – «Аартык» түөлбэ (салайааччы Стручкова Сардана Степановна)
2 миэстэ – «Нагорнай» түөлбэ (салайааччы Васильева Яна Яковлевна)
3 миэстэ – «Сайдыс» түөлбэ (салайааччы Макарова Мария Ивановна)
«Күһүҥҥү киһи күлбүтүнэн, сааскы киһи салбаммытынан!» түөлбэлэр икки ардыларыгар бэйэ, айылҕа уонна байанай бэлэҕиттэн хаһаас, тоҥ ас аргыстаах толору астаах сандалы күрэх кыайыылаахтарыгар 5000 солк. сууммалаах уу харчынан бириистэри спонсордаата бэйэбит ыччаппыт, Мэҥэ Хаҥалас улууһун «Техкоммунсервис» тэрилтэ директора Егор Иннокентьевич Трифонов.
Кыһыны атаарыы бырааһынньыгар «Көрдөөх старт» хамаанданан түөлбэлэр икки ардыларыгар сибиэһэй салгыҥҥа күрэхтэһии ыытылынна.
1 этап – Хамаанданан бириэмэҕэ хаар киһи оҥоруу.
2 этап – Хамаанданан бириэмэҕэ сүүрүү.
3 этап – Хаарынан мээчик оҥорон сыал быраҕыы.
4 этап – Хамаанданан бириэмэҕэ хайыһарынан сүүрүү.
5 этап – Хамаанданан цепочкалаан сүүрүү.
Көрдөөх этаптардаах, тыҥааһыннаах киирсиилэр кэннилэриттэн, барыларын кэннилэригэр хаалларан 1 миэстэни ылары ситистилэр «Нагорнай» түөлбэ хамаандата. 2 бочуоттаах миэстэҕэ — «Сүрэх тыа» түөлбэ уонна 3 миэстэҕэ — «Аартык» түөлбэ хамаандалара таҕыстылар.
Маны сэргэ кэрэ аҥардарга, эр бэрдэргэ аналлаах биирдиилээн көрдөөх конкурстар ыытылыннылар.
Эр дьоннорго аналлаах «Көлөһө эргитии» көрдөөх күрэххэ 1 миэстэҕэ Евгений Дьяконов, 2 миэстэҕэ Павел Ноговицын, 3 миэстэҕэ Максим Попов тахсан, сэмэй бириистэринэн, анал грамоталарынан наҕараадаланнылар.
Кэрэ аҥардарга аналлаах «Шаригы көтүтүү» көрдөөх күрэххэ 1 миэстэни – Евдокия Ноговицына, 2 миэстэни – Людмила Кирилловна Захарова, 3 миэстэни – Ирина Дьяконова ылары ситистилэр, кыайыылаахтар сэмэй бириистэринэн, анал грамотанан наҕараадалананнар үөрүүлэрэ үксээтэ.
Эр дьоннорго «Хаарынан сыалы табыы» күрэххэ 1 миэстэҕэ Руслан Ефимович Мохначевскай, 2 миэстэҕэ Никита Кочкин, 3 миэстэҕэ Павел Ноговицын тахсан, сэмэй бириистэринэн, анал грамоталарынан бэлиэтэннилэр.
Кэрэ аҥардарга «Ложканан хаары таһыы» күрэҕэ тэриллэн дьон сэҥээриитин ылла. Түмүк маннык буолла: 1 миэстэ — Людмила Кирилловна Захарова, 2 миэстэ — Нарыйа Докторова, 3 миэстэ — Ирина Дьяконова.
Кэрэ аҥардарга, эр бэрдэргэ аналлаах көрдөөх конкурстарга уопсайа 5000 солк. сууммалаах бириистэри спонсордаата биир дойдулаахпыт, билигин Верхоянскайга олорор урбаанньыт, элбэҕи эрэннэрэр ыччаппыт Анна Сергеевна Горохова.
Сааскы чаҕыл күнүнэн манна тоҕуоруспут аймах-билэ дьоммутун, эдэр чэгиэн ыччаттары, оонньуур-көрүлүүр оҕо аймаҕы, бэйэлэрин ылбаҕай ырыаларынан эҕэрдэлээн, «Дорообо, сандал Саас!» кыһыны атаарыы бырааһынньыгы Вера Фадеева, Гаврил Дьяконов, Петр Дохунаев киэргэтэн-ситэрэн биэрдилэр.
«Дорообо, сандал Саас!» кыһыны атаарыы бырааһынньыкпытыгар сэргээн-сэҥээрэн кэлэн кыттыыны ылбыт нэһилиэкпит түөлбэлэрин олохтоохторугар, көрөөччүлэригэр көхтөөх кыттыыны ылбыккытыгар, миэстэтигэр шашлык астаан амсаппыт Татьяна, Василий уонна Маргарита Ивановтар дьиэ кэргэҥҥэ, ону сэргэ бэйэлэрэ астаан аҕалан атыы тэрийбит 6 кылаас үөрэнээччилэригэр Сардаана Мохначевскаяҕа, Сияна Харитоноваҕа уонна күрэхтэргэ спонсордаабыт биир дойдулаахтарбытыгар махтал сылаас тылларын аныыбыт. Бу курдук өрүү көхтөөх, түмсүүлээх буолуоҕун, бука барыгытыгар чэгиэн — чэбдик доруобуйаны, этэҥҥэ буолууну баҕарабыт.
