Тохсунньу 14 күнүгэр олохтоох култуура дьиэтигэр, Эргэ саҥа дьылынан эҕэрдэлээн туран, «Диснеевские приключения в Балыктахе» бырааһынньыктааҕы тэрээһин буолан ааста.
Ааспыт 2025 сыл кэккэ ситиһиилэрдээх, умнуллубат түгэннэрдээх. Бары бииргэ үлэлээбиппит түмүгэр, сүрүн былааннарбыт олоххо киирдилэр. Спортка, култуураҕа общественнай хамсааһыннарга ситиһиилэрбитинэн киэн туттабыт. Оҕолорбут олимпиадаларга, научнай ааҕыыларга миэстэлэһэн кэлэллэрэ бука барыбытын үѳрдэр диэн туран бырааһынньыктааҕы тэрээһин 2025 сыл түмүктэринэн үөрүүлээх түгэн наҕараадалааһын чааһынан саҕаланна.
Үүммүт 2026 саргылаах саҥа сылынан «Мэҥэ нэһилиэгэ» тыа сирин түөлбэтин баһылыга Габышев Ньургун Владимирович бэйэтин эҕэрдэ тылын тириэртэ уонна наҕараадалары үөрүүлээх быһыыга-майгыга туттартаата.
Эҕэрдэ сурук, анал сувенирдар туттарылыннылар 75 саастарыгар үктэммит убаастабыллаах, ытык-мааны дьоммутугар:
Борисов Тарас Тарасовичка – педагогическай үлэ ветерана, Саха Республикатын учууталларын учуутала, Саха Республикатын үөрэҕириитин ситимин Бочуоттаах бэтэрээнэ анал бэлиэлэр хаһаайына, элбэх оҕо амарах аҕата, элбэх сиэн эйэҕэс эһээтэ, билигин бочуоттаах сынньалаҥҥа олорор нэһилиэкпит биир ытык – мааны бэтэрээнэ.
Скрябин Иннокентий Дмитриевичка – үлэ ветерана, «Максим Горькай», «Мэҥэ» совхозтарга уһун сылларга суоппарынан үтүө суобастаахтык үлэлээбит, билигин бочуоттаах сынньалаҥҥа олорор нэһилиэкпит биир ытык – мааны бэтэрээнэ, амарах аҕа, эйэҕэс эһээ.
75 үбүлүөйнэй сааһын туолбутунан сибээстээн, эҕэрдэ сурук, анал бэлиэ, ону сэргэ нэһилиэкпитигэр тыа хаһаайыстыба салаата сайдарыгар, уһун сылларга таһаарыылаах үлэтин иһин «Саха Өрөспүүбүлүкэтин тыатын хаһаайыстыбатын бэтэрээнэ» анал бэлиэ, удостоверение уонна Мэҥэ- Хаҥалас улууһун депутаттарын сэбиэтин бэрэссэдээтэлин Андросов Иннокентий Иннокентьевич «Бочуотунай грамотата» туттарылынна Цыпандин Николай Петровичка – үлэ ветерана, «Максим Горькай», «Мэҥэ» совхозтарга уһун сылларга механизаторынан үтүө суобастаахтык үлэлээбит, ССРС бочуоттаах шахтера Егор Цыпандин аатынан уонна норуот хаһаайыстыбатын үтүөлээх үлэһитэ Андрей Ильич Сотников аатынан бириэмийэлэр хас да төгүллээх лауреата, «Мэҥэ – Хаҥалас улууһун «Бастыҥ Механизатора», «Мэҥэ нэһилиэгин бочуоттаах олохтооҕо» анал бэлиэлэр хаһаайына, нэһилиэк уус — уран самодеятельноһын актыыбынай кыттыылааҕа, элбэх оҕо амарах аҕата, элбэх сиэн эйэҕэс эһээтэ, билигин бочуоттаах сынньалаҥҥа олорор нэһилиэкпит биир ытык – мааны бэтэрээнэ.
75 үбүлүөйнэй сааһын туолбутунан сибээстээн, нэһилиэкпит култууратын сайдыытыгар кылаатын иһин, уһун сылларга уус – уран самодеятельность көхтөөх кыттыылааҕар, Саха Өрөспүүбүлүкэтин култуураҕа уонна духуобунай сайдыыга министерствотын «Саха Өрөспүүбүлүкэтин уус – уран самодеятельность ветерана» түөскэ кэтиллэр бэлиэтэ уонна удостоверениета туттарылынна Чукрова Дария Григорьевнаҕа — үлэ ветерана, «Мэҥэ – Хаҥалас улууһугар доруобуйа харыстабылын сайдыытыгар кылаатын иһин» бэлиэ хаһаайката, нэһилиэкпит общественнай, культурнай олоҕун көхтөөх кыттыылааҕа, эдэр эрдэҕиттэн билиҥҥээҥҥэ диэри солбуллубат конферансье, билигин бочуоттаах сынньалаҥҥа олорор нэһилиэкпит биир ытык – мааны бэтэрээнэ, күн күбэй ийэ, эйэҕэс эбээ.
70 саастарын туолбут үбүлүөйдээх күннэринэн, эҕэрдэ сурук, анал бэлиэ туттарылынна:
Сотникова Марфа Васильевнаҕа – «Звездочка» оҕо уһуйаанын ветеран үлэһитэ, билигин бочуоттаах сынньалаҥҥа олорор нэһилиэкпит биир ытык – мааны бэтэрээнэ.
Мохначевская Александра Ильиничнаҕа – «Звездочка» оҕо уһуйааныгар уһун сылларга иитээччинэн үтүө суобастаахтык үлэлээбит, билигин бочуоттаах сынньалаҥҥа олорор нэһилиэкпит биир ытык – мааны бэтэрээнэ.
Богимова Мотрена Николаевнаҕа – Балыктаахтааҕы почта, АТС сибээс отделениетыгар уһун сылларга үтүө суобастаахтык үлэлээбит, билигин бочуоттаах сынньалаҥҥа олорор ытык – мааны биир дойдулаахпыт, элбэх оҕо күн күбэй ийэтэ, элбэх сиэн эйэҕэс эбээтэ.
Мохначевскай Павел Ивановичка – үлэ ветерана, «Максим Горькай», «Мэҥэ» совхозтарга тыа хаһаайыстыбатын сайдыытыгар үтүө суобастаахтык үлэлээбит, билигин бочуоттаах сынньалаҥҥа олорор нэһилиэкпит биир ытык – мааны бэтэрээнэ, амарах аҕа, эйэҕэс эһээ.
Эҕэрдэ сурук, анал сувенирдар туттарылыннылар 65 саастарыгар үктэммит убаастабыллаах, ытык-мааны дьоммутугар:
Захаров Михаил Ларионовичка – «Максим Горькай», «Мэҥэ» совхозтарга, суоппарынан үтүө суобастаахтык үлэлээбит, нэһилиэкпит биир ытык – мааны бэтэрээнэ, өр сылларга нэһилиэкпит муҥхатын солбуллубат салайааччыта, амарах аҕа, эйэҕэс эһээ.
Дьяконов Егор Ивановичка – Балыктаахтааҕы, Төҥүлүтээҕи АТС сибээс отделениетыгар уһун сылларга үтүө суобастаахтык үлэлээбит, билигин бочуоттаах сынньалаҥҥа олорор нэһилиэкпит биир ытык – мааны бэтэрээнэ, амарах аҕа, элбэх сиэн эйэҕэс эһээтэ.
Турантаева Прасковья Егоровнаҕа – нэһилиэкпит ытык — мааны ветерана.
Эҕэрдэ сурук, анал сувенирдар туттарылыннылар 60 саастарыгар үктэммит убаастабыллаах, ытык-мааны дьоммутугар:
Никитина Ирина Федоровнаҕа – М.П.Габышев аатынан Балыктаах орто оскуолатын кылаабынай бухгалтера, икки кыыс күн күбэй ийэтэ, элбэх сиэн эйэҕэс эбээтэ.
Маны сэргэ 2025 сыл түмүгүнэн нэһилиэкпит тэрилтэлэринэн бастыҥтан бастыҥ үлэһиттэринэн буоллулар:
«Мэҥэ нэһилиэгэ» тыа сирин түөлбэтин олохтоох дьаһалтатын сыл бастыҥ үлэһитинэн ааттанна – Елена Васильевна Гоголева, олохтоох дьаһалта сүрүн финансиһа, күн күбэй ийэ, эйэҕэс эбээ.
Александр Георгиевич Семенов аатынан Балыктаахтааҕы врачебнай амбулатория сыл бастыҥ үлэһитинэн ааттанна – Парасковья Витальевна Петрова, Александр Георгиевич Семенов аатынан Балыктаахтааҕы балыыһа бырааһа.
«Звездочка» оҕо уһуйаанын сыл бастыҥ үлэһитинэн ааттанна – Саргылана Прокопьевна Чиркова, старшай воспитатель, сүрүн үлэтин таһынан нэһилиэк, түөлбэ общественнай олоҕор көхтөөх кыттааччы.
М.П. Габышев аатынан Балыктаах орто оскуолатын сыл бастыҥ үлэһитинэн ааттанна – Герман Гаврильевич Дьяконов, М.П. Габышев аатынан Балыктаах орто оскуолатын тутаах үлэһитэ, нэһилиэкпит общественнай олоҕун көхтөөх кыттааччыта, «Мичээр» үҥкүү коллективын солбуллубат үҥкүүһүтэ.
Олох-дьаһах коммунальнай хаһаайыстыба сыл бастыҥ үлэһитинэн ааттанна – Вадим Семенович Шепелев, олох-дьаһах коммунальнай хаһаайыстыба оператора, олох-дьаһах коммунальнай хаһаайыстыба коллективын ырыа ансаамбылын ырыаһыта, нэһилиэккэ ыытыллар тэрээһиннэр көхтөөх кыттааччыта.
Сүөһү көрүүтүн өҥөтүн оҥорор «Хаххах» потребительскай кооператив сыл бастыҥ үлэһитинэн ааттанна – Михаил Михайлович Ченянов, нэһилиэкпитигэр сүөһү көрүүтүн өҥөтүн оҥорор «Хаххах» потребительскай коопертив тутаах үлэһитэ, амарах аҕа, эйэҕэс эһээ.
Олохтоох култуура дьиэтин сыл бастыҥ үлэһитинэн ааттанна – Лилия Васильевна Долгунова, олохтоох култуура дьиэтин маассабай тэрээһин режиссера, нэһилиэк, түөлбэ бастыҥ общественнига, «Мичээр» үҥкүү коллективын салайааччыта.
Нэһилиэкпит кыра тэрилтэлэриттэн сыл бастыҥ үлэһитинэн ааттанна – Лидия Васильевна Свинобоева, «Почта России» отделениетын солбуллубат почтальона, элбэх оҕолоох дьиэ кэргэн күн күбэй ийэтэ.
Спорт уонна физическай култуура эйгэтигэр сыл бастыҥ спортсменынан ааттанна – Ким Иванов – ааспыт 2025 сылга чаҕылхай ситиһиилэрэ: 65 киилэҕэ «Манчаары оонньуулара» республиканскай спартакиадаҕа мас тардыһыы көрүҥэр 5 – с миэстэлээх, 65 киилэҕэ Республика чемпионатыгар 2 – с миэстэни ылары ситиспит, 70 киилэ ыйааһыҥҥа, Уфа куоракка устудьуоннар ортолоругар ыытыллыбыт бүтүн Арассыыйатааҕы турнир мас тардыһыыга 2 – с миэстэлээх призера, 70 киилэ ыйааһыҥҥа Мэҥэ – Хаҥалас улууһун чемпиона, Мэҥэ – Хаҥалас улууһун мас тардыһыыга сүүмэрдэммит хамаанда чилиэнэ, үрдүк көрдөрүүлээх, үгүс ситиһиилэрдээх эдэр кэскиллээх, нэһилиэкпит, улууспут аатын ааттата сылдьар мадьыныбыт.
«Сыл бастыҥ ыччата» анал ааты ылла Вячеслав Мохначевскай — нэһилиэкпит эдэр көхтөөх ыччата.
Урбаан эйгэтигэр сыл бастыҥ үлэһитинэн ааттанна – Игорь Ильич Бродников – урбаанньыт, нэһилиэккэ ыытыллар тэрээһиннэр биир бастыҥ спонсора, көхтөөх кыттааччы.
«2025 сыл нэһилиэкпит Бастыҥ мецената» анал аат туттарылынна – Егор Иннокентьевич Трифоновка – «Техкоммунсервис» Мэҥэ – Хаҥаластааҕы муниципальнай унитарнай тэрилтэ генеральнай директора, нэһилиэккэ ыытыллар тэрээһиннэр биир бастыҥ спонсора.
«2025 сыл бастыҥ дьиэ кэргэн» анал аат туттарылынна – Сардаана Степановна, Дмитрий Гаврильевич Стручковтар дьиэ кэргэҥҥэ — нэһилиэкпитигэр чөл олоҕу тутуһар, оҕо иитиитигэр улахан болҕомтону уурар, мэлдьи инники күөҥҥэ сылдьар активнай позициялаах дьиэ кэргэн.
М.П.Габышев аатынан Балыктаах орто оскуолатын сыл бастыҥ үөрэнээччитинэн ааттанна – Надя Стручкова – М.П. Габышев аатынан Балыктаах орто оскуолатын 11 кылааһын туйгун үөрэнээччитэ, Мэҥэ-Хаҥалас улууһугар саха төрүт көрүҥнэригэр «Өбүгэ оонньуулара» отборочнай турнир муниципальнай этабын кыайыылааҕа, кыргыттар ортолоругар «Өбүгэ оонньуулара» республиканскай национальнай спорт көрүҥнэрин XXII фестивалыгар хабылык, хаамыска күрэхтэһиитин чемпиона, «Ыллыкчаан» оҕо көрдөрүүлээх үҥкүү ансаамбылын бастыҥ үҥкүүһүтэ.
«Киһи киһитэ» — анал аат туттарылынна — Александр Валерьевич Куприяновка – 2015-2025 сылларга «Мэҥэ нэһилиэгэ» тыа сирин тэриллиитин баһылыгынан үтүө суобастаахтык үлэлээбит убаастабыллаах салайааччыбыт, Маттатааҕы социальнай геронтологическай киин салайааччыта.
Саҥа дьыллааҕы дьоро түгэҥҥэ 2025 сыл түмүгүнэн 22–с «Манчаары оонньуулара» спартакиадаҕа саха төрүт көрүҥнэригэр ситиһиилээх кыттыыларын иһин, нэһилиэкпит аатын ааттатар, бастыҥ спортсменнарбытыгар олохтоох дьаһалта аатыттан анал сертификат, сэмэй бэлэх туттарылынна:
Виталий Михайлович Пестряковка – 22–с «Манчаары оонньуулара» спартакиада саха төрүт көрүҥэр чемпиона Константин Иванов тренера.
Андрей Николаевич Винокуровка – 22–с «Манчаары оонньуулара» спартакиада мас тардыһыы көрүҥэр призера Андрей Винокуров тренера.
Софрон Софроновка – 22–с «Манчаары оонньуулара» спартакиада, хапсаҕай күрэхтэһиитин кыттыылааҕа.
Ким Ивановка – 22–с «Манчаары оонньуулара» спартакиада мас тардыһыы күрэхтэһиитин кыттыылааҕа.
Андрей Винокуровка – 22–с «Манчаары оонньуулара» спартакиада мас тардыһыы күрэхтэһиитин призера.
Константин Ивановка – 22–с «Манчаары оонньуулара» спартакиада гиирэҕэ күрэхтэһиитин чемпиона.
2025 сыл нэһилиэккэ, Кыайыы сылынан, нэһилиэк тэрилтэлэрин икки ардыларыгар ыытыллыбыт спартакиада түмүгүнэн анал грамота, сертификат туттарылынна:
29 очукуолаах 3 – с бириистээх миэстэни ылары ситиспит Тыа хаһаайыстыбатынан дьарыктанар тэрилтэлэр сүүмэрдэммит хамаандаларыгар.
26 очукуолаах, 2 – с миэстэҕэ эрэллээхтик тахсыбыт «Оскуола – 2» сүүмэрдэммит хамаандатыгар.
21 очукуолаах, 1 – кы миэстэни ситиспит, кыайыы өрөгөйүн билбит олох – дьаһах коммунальнай хаһаайыстыба уонна «Звездочка» оҕо уһуйаанын тэрилтэлэрин сүүмэрдэммит хамаандаларыгар.
Алыптаах дьоро киэһэ өрөгөйдөөх чааһын ылбаҕай ырыаларынан ситэрэн, киэргэтэн биэрдилэр:
«Сайдыына» ырыа ансаамбылын толоруутугар «Саҥа дьыл».
Ылбаҕай ырыатын бэлэх уунна Рима Фадеева.
Эргэ саҥа дьылынан ылбаҕай ырыаларын бэлэх ууннулар олох – дьаһах коммунальнай хаһаайыстыба коллективын ырыа куттаах уолаттара, салайааччы Харитонов С.С.
Үүммүт саҥа сылтан хас биирдиибит туох эрэ алыптааҕы, кэрэни, сырдыгы күүтэр. Бу сыл хаһаайына Дьөһөгөй олус үлэһит, ѳйдѳѳх уонна тулуурдаах. Сылгы үөрдээх, киһи түмсүүлээх буоллаҕына сыл устата элбэҕи ситиһиэх, кыайыах – хотуох тустаахпыт диэн туран, салгыы нэһилиэкпит тэрилтэлэрин коллективтарын, «Бэтиэхэлээх Балыктаахтар» кыргыттарын, «Мичээр», «Ыллыкчаан» үҥкүү коллективтарын кыттыылаах «Диснеевские приключения в Балыктахе» саҥа дьыллааҕы представление эргэ саҥа дьыллааҕы тэрээһиммитин киэргэттэ.
Оруолларга: Золушка – Анна Гаврильева, Принц – Айаал Кривошапкин, Мачеха – Яна Васильева, Марпуша – Саргылана Степанова, Каркуша – Татьяна Иванова, Фея уонна остуоруйаһыт – Лилия Долгунова, Таксист – Семен Ноговицын.
Кэлбит саҥа дьылынан бэйэтин музыкальнай эҕэрдэтин тириэртэ Петр Дохунаев.
Эргэ саҥа дьылга күндү ыалдьыттарбыт: Тымныы кыһын оҕонньор, сиэн кыыһа Хаарчааналыын, саҥа сыл 2026 бэлиэтэ –Саҥа Дьыл уонна маскарадтар, ыраахтан айаннаан, бүгүҥҥү дьоро киэһээбитигэр тиийэн кэлэн эҕэрдэлэрин тириэртилэр, саҥа дьыллааҕы күрэхтэр түмүктэрин таһаардылар:
Саҥа сыл бэлиэтэ «Дьөһөгөй — 2026» объемнай оҥоһук күрэҕэр 5 кыттааччы көхтөөх кыттыыны ылла.
Түмүк маннык буолла:
1-кы миэстэ – Гоголев Нюргун Иннокетьевич.
2-с миэстэ – Стручкова Нюргуяна Ивановна.
3-с миэстэ – Васильева Яна Яковлевна.
Ноговицына Наталья Гаврильевна, Стручкова Саргылана Васильевна көхтөөх кыттыыларын иһин анал грамотанан, сэмэй бирииһинэн бэлиэтэннилэр.
«Саҥа дьыл — 2026» түөлбэнэн саҥа дьыллааҕы фотозона күрэҕэр «Аартык», «Сайдыс», «Сүрэх тыа», уопсайа 3 түөлбэ, көхтөөх кыттыыны ыллылар.
Түмүк маннык буолла:
1-кы миэстэ – «Аартык» түөлбэ, салайааччы Стручкова С.С.
2-с миэстэ – «Сүрэх тыа» түөлбэ, салайааччы Ноговицына Н.Г.
3-с миэстэ – «Сайдыс» түөлбэ, салайааччы Макарова М.И.
«Саҥа дьыл тэлгэһэбэр» саҥа дьыллааҕы дьиэ кэргэнинэн тэлгэһэни киэргэтии күрэҕэр 5 дьиэ кэргэн кыттыыны ылла. «Саҥа дьыл тэлгэһэбэр» саҥа дьыллааҕы дьиэ кэргэнинэн тэлгэһэни киэргэтии күрэҕин кыайыылаахтарыгар «Мэҥэ нэһилиэгэ» тыа сирин тэриллиитин дьаһалтатын анал грамотата, сэмэй бириистэрэ туттарылынна.
Түмүк маннык буолла:
1-кы миэстэ – Варвара Егоровна, Анна Егоровна Шишигиналар.
2-с миэстэ – Екатерина Николаевна, Павел Иванович Мохначевскайдар дьиэ кэргэн.
3-с миэстэ – Татьяна Артуровна, Игорь Игоревич Стручковтар дьиэ кэргэн.
Яна Яковлевна, Айтал Борисович Васильевтар дьиэ кэргэн, Наталья Ивановна Мохначевская көхтөөх кыттыыларын иһин анал грамотанан, сэмэй бириистэринэн наҕараадаланнылар.
«Бастыҥ маскарад — 2026» саҥа дьыллааҕы биирдиилээн маскарад көстүүмүн күрэҕэр кыайыылаахтарынан ааттаннылар:
Кэрэ аҥардарга:
1-кы миэстэ – Дьяконова Евдокия Васильевна.
2-с миэстэ – Чукрова Дария Григорьевна.
3-с миэстэ – Степанова Саргылана Романовна.
Эр дьоҥҥо:
1-кы миэстэ – Винокуров Андрей Николаевич.
Уонна биирдиилээн маскарадынан кыттыбыт нэһилиэкпит аҕам саастаахтарын түмсүүлэрин ветераннара, көөхтөөх кыттыыларын иһин, сэмэй бэлэхтэринэн бэлиэтэннилэр.
«Лесной» түөлбэ салайааччыта Кычкина Мария Спиридоновна сыл устата түөлбэтигэр көхтөөхтүк көмөлөспүт, өйөбүл буолбут дьонугар Кычкина Лариса Федоровнаҕа, Гоголева Елена Васильевнаҕа сэмэй бэлэхтэрин туттарда.
«Диснеевские приключения в Балыктахе» эргэ саҥа дьыллааҕы бырааһынньыктааҕы тэрээһини иилээн-саҕалаан ыыттылар Татьяна Иванова, Вадим Шепелев.
Бу курдук, эргэ саҥа дьылбытын бука бары бииргэ түмсэн үөрэ-көтө көрүстүбүт. Өссө төгүл тиийэн кэлбит 2026 сылынан ис сүрэхтэн тахсар эйэҕэс эҕэрдэбит тыллара истиҥ илдьит буолан көттүннэр! 2026 сыл Россияҕа норуоттар сомоҕолоһууларын, Саха Республикатыгар култуура, улууспутугар олохтоох бэйэ оҥорон таһаарыытын, нэһилиэкпитигэр урбаанньыт сыллара биллэриллэн, олохпутугар уҕараабат кыаҕы, үтүө үлэлэринэн сырдык санаалары аҕаллын, саҥа ситиһиилэри түстээтин! Тэрээһиммитигэр наҕараадаламмыт бука бары күндү дьоммутугар , көхтөөх кыттыыны ылбыт тэрилтэлэргэ: М.П.Габышев аатынан оскуола (директор Иванов Е.Н., профсоюз бэрэссэдээтэлэ Цыпандина К.Н.), олохтоох дьаһалта ( баһылык Габышев Нь.В., профсоюз бэрэссэдээтэлэ Мохначевскай И.Е.), олохтоох олох- дьаһах коммунальнай хаһаайыстыба ( салайааччы Харитонов С.С., профсоюз бэрэссэдээтэлэ Стручков И.И.) коллективтарыгар, нэһилиэкпит бэтэрээннэрин сэбиэтигэр ( бэрэссэдээтэл Кычкина Е.К.), «Бэтиэхэлээх Балыктаахтар» түмсүү кыргыттарбытыгар, бука бары ыччаттарбытыгар, күрэхтэргэ кыттыыны ылбыт нэһилиэкпит олохтоохторугар, истиҥ махтал тылларын аныыбыт. Бука барыгытыгар умнуллубат кэрэ түгэннэрдээх дьоллоох үтүө кэмнэри, эһиэхэ анаан эйэлээх күн сыдьаайа тыгыахтын! Алаһа дьиэҕит сылаас эркиннэннин, аал уот күөдьүйэ умайан уостубат уйгуну, быстыбат быйаҥы түстээтин, дьиэҕитигэр сылдьар ыалдьыт сонуна сойботун, кэпсээнэ дэлэйдин диэн баҕа санаа бастыҥын аныыбыт!
