Тохсунньу 24 күнүгэр олохтоох култуура дьиэтигэр Нөөрүктээйи нэһилиэгиттэн кэлэн Желобцова Аграфена Павловна гиипсэнэн араас моһуоннаах киэргэллэри кутууга маастар — кылаас тэрийэн ыытта.
Маастар кылааһы интэриэһиргээн кэлэн сылдьыбыт нэһилиэкпит олохтоохторо бу күн саҥаны элбэҕи билэн, сөбүлүүр формаларын талан, гиипсэнэн араас кэрэ оҥоһуктары оҥорон таһааран астынан, дуоһуйан тарҕастылар.
Аграфена Желобцоваҕа ыҥырыыбытын ылынан, бириэмэ аттаран, гиипсэнэн араас моһуоннаах киэргэллэри кутууга олус интэриэһинэй маастар-кылааһы тэрийбитигэр сылаас махтал тылларын аныыбыт. Инникитин да олоххо бигэ туруктаах, сатабылын дьоҕура өссө сайдан, элбэх маастар кылаастары тэрийэн дьон-сэргэ махталын ыла тураргар, сырдык ыраас кынаттанан, дьол-үөрүү аргыстанан, үрдүк ситиһии үктэллэнэн быйаҥнаах чөл-чэгиэн туруктаах үтүө олоҕу баҕарабыт.
