Муус устар 1 күнүгэр олохтоох култуура дьиэтигэр, көр-күлүү күнүгэр аналлаах, нэһилиэк олохтоохторугар уонна ыалдьыттарыгар «Бэтиэхэлээх Балыктаахтар» көр – күлүү бөлөҕө быар быстыар, сыҥаах ыалдьыар дылы күлэр «Бэтиэхэ киэһэтэ — 2025» көрдөөх кэнсиэрдэрин тэрийэн ыыттылар.
Бу киэһэ мустубут дьээбэни – хообону сэргээччилэр, тиэхэни – бэтиэхэни таптааччылар сандал саас тиийэн кэлбитинэн, көр — күлүү күнүнэн «Бэтиэхэлээх Балыктаахтар» көр – күлүү бөлөҕү кытта тэҥҥэ быар быстыар, сыҥаах ыалдьыар дылы күлэн, үөрэн, сэргэхсийэн, элбэх көрдөөх сыанкалары, бэһиэлэй нүөмэрдэри, быыһыгар ылбаҕай ырыалары, үҥкүүлэри дуоһуйа көрдүлэр, дохсун ытыс тыаһынан доҕуһуоллаатылар:
Сыанка «Олоххо араас буолар», оруоллары толордулар: ийэ – Лилия Долгунова, аҕа – Егор Афанасьев, уол (үөрэнээччи) – Татьяна Иванова, кыыс (уһуйаан иитиллээччитэ) – Яна Васильева, сосед – Владимир Габышев, вахтер эмээхсин – Тамара Дьяконова.
Сыанка «Мамочки», оруоллары толордулар: бэрээдэктээх ийэ – Яна Васильева, эдэр ийэ – Лилия Долгунова, элбэх оҕолоох ийэ – Саргылаана Степанова.
Сыанка «Диспансеризация», оруолларга: көрдөрөөччү – Владимир Габышев, ньиэрбэ бырааһа –Тамара Дьяконова, харах бырааһа – Яна Васильева, кулгаах бырааһа – Татьяна Иванова.
М.П.Габышев аатынан Балыктаах орто оскуолатын коллективын толоруутугар сыанка «Талааны норуокка», оруолларга: Ангелина Говорова, Илья Шишигин, Елена Кычкина, Айаал Кривошапкин, Давид Михайлов.
Сыанка «Столичка», оруолларга оонньоотулар: эбээ – Тамара Дьяконова, сиэн кыыс – Саргылаана Степанова, сиэн уол – Нарыйа Докторова, кытай атыыһыта – Татьяна Иванова, атыыһыт көмөлөһөөччүтэ – Лилия Долгунова.
Сыанка «Порошок Тайд», оруолларга: корреспондент – Яна Васильева, оператор – Татьяна Иванова, ааһан иһэр эмээхсин – Саргылаана Степанова.
«Звездочка» оҕо уһуйаанын коллективын толоруутугар сыанка «Дэриэбинэ эмээхситтэрэ», оруолларга оонньоотулар: Елена Стручкова, Мария Кычкина, Лидия Кычкина, Айталина Васильева, Алена Желобцова, Надежда Стручкова, Мотрена Монастырева, Галина Ноговицына, Ньургун Гоголев, Саргылаана Степанова, Саргылана Стручкова.
Сыанка «Үлэ көрдөөччүлэр», оруоллары толордулар: үлэһит көрдөөччү –Яна Васильева, үлэ көрдөөччү –Татьяна Иванова.
Клоунада «Опасный трюк», оруолларга: Яна Васильева, Саргылаана Степанова.
«Бэтиэхэ киэһэтэ — 2025» көр-күлүү киэһэтин ылбаҕай ырыаларынан, кэрэ, нарын үҥкүүлэринэн киэргэтэн, ситэрэн биэрдилэр:
М.П.Габышев аатынан Балыктаах орто оскуолатын эдэр коллективын толоруутугар үҥкүү «Дьиэрэҥкэй», салайааччы Мария Кычкина.
Петр Дохунаев толоруутугар «Сааскы серенада».
Мотрена Монастырева толоруутугар «Билинии».
«Ыллыкчаан» оҕо образцовай үҥкүү ансаамбылын толоруутугар үҥкүү «Орончикан», салайааччы Мария Кычкина.
Мотрена Монастырева, Алена Желобцова толорууларыгар дуэт «Хомус тыаһа».
«Бэтиэхэ киэһэтэ — 2025» көр- күлүү кэнсиэрин иилээн-саҕалаан ыыттылар Татьяна Стручкова, Вадим Шепелев.
«Бэтиэхэ киэһэтэ — 2025» кэнсиэри көҕүлүттэн тутан, үөрүүнү үрдэтэн, умнуллубат түгэни бэлэхтээтилэр «Бэтиэхэлээх Балыктаахтар» көр — күлүү бөлөҕө: Татьяна Иванова, Егор Афанасьев, Тамара Дьяконова, Владимир Габышев, Саргылаана Степанова, Яна Васильева, Лилия Долгунова.
Саха киһитэ былыр – былыргыттан көргө – күлүүгэ көхтөөҕүн, дьээбэ – хообо ис хоһоонноох норуот ырыалара, сыанкалара туоһулууллар. «Көр – күлүү – дууһа эмчитэ» диэн мээнэҕэ этиллибэт. Көр – күлүү, дьээбэ – хообо киһи сүргэтин көтөҕөрүн, күннээҕи түбүкпүтүн чэпчэтэрин, олохпутун уһатарын бары билэбит. «Бэтиэхэ киэһэтэ — 2025» көр-күлүү киэһэтигэр кыттыыны ылбыт М.П.Габышев аатынан Балыктаах орто оскуолатын уонна «Звездочка» оҕо уһуйаанын коллективтарыгар сылаас махтал тылларын аныыбыт. Күндү көрөөччүлэрбит, сэргээн-сэҥээрэн кэнсиэрбитин кэлэн көрбүккүтүгэр, биһигинниин бииргэ буолбуккутугар ис сүрэхтэн махтанабыт!
