Алтынньы 31 күнүгэр М.П.Габышев аатынан Балыктаах орто оскуолатыгар 2012-2013 с.төрүөх оҕолорго Гоголев Ариан Егорович сырдык аатын үйэтитэн Саха Дэгит көрүҥнэригэр улуустааҕы күрэхтэһии буолан ааста.
Саха Дэгит көрүҥнэригэр улуустааҕы күрэхтэһиигэ 8 нэһилиэктэн, 22 уол уонна 8 кыыс, уопсайа 30 оҕо кыттыыны ыллылар.
Уолаттарга күрэхтэһии 5 көрүҥ уопсай түмүгэ: 1 миэстэ – Степанов Антон (Павловскай), 2 миэстэ – Бочкарев Эрлан (Төҥүлү), 3 миэстэ – Ушницкий Саян (Балыктаах).
Кыргыттарга күрэхтэһии 3 көрүҥ уопсай түмүгэ: 1 миэстэ – Мординова Настасья (Аллараа-Бэстээх), 2 миэстэ – Ильина Емелияна (Матта), 3 миэстэ – Герасимова Аделина (И.Г.Тимофеев аатынан Майатааҕы лицей)
Гоголев Ариан Егорович сырдык аатынан күрэхтэһии үрдүк таһымҥа ыытылынна. Махталбытын биллэрэбит хас көрүҥ аайы олус үчүгэй анал бириистэри олохтообут дьоммутугар, Ариан Егорович дьиэ кэргэнигэр, аймахтарыгар, бииргэ үөрэммит оҕолоругар, алтыспыт доҕотторугар, урбаанньыттарбытыгар. Күрэхпит үрдүк таһымҥа ыытылларын туһугар сүүрэн-көтөн тэрийсибит дьоммутугар: Мэҥэ нэһилиэгин баһылыгар Ньургун Владимирович Габышевка, М.П. Габышев аатынан Балыктаах орто оскуолатын коллективыгар (директор Иванов Егор Николаевич), «Парус» спорт уораҕайын коллективыгар.
Махталы кытта күрэхтэһии сүрүн судьуйата, Т.А. Сыдыкбеков.
