Сэтинньи 28 күнүгэр олохтоох култуура дьиэтигэр 2025 сылга Мэҥэ — Хаҥалас улууһугар доруобуйа харыстабыла тэриллибитэ 125, Төҥүлү нэһилиэгэр балыыһа тэриллибитэ 105 үбүлүөйдээх сылын чэрчитинэн Төҥүлү, Тумул, Тарат доруобуйа харыстабылын үлэһиттэрэ, ветераннара, талба талааннарын утары уунан, сырдык санааларын бэлэхтээн, акция кэнсиэр үрдүк таһымнаахтык буолан ааста.
Бу киэһэ Төҥүлү балыыһатын коллектива, балыыһа урукку кэминээҕи үлэлэрин сырдатар, тэттик быыстапката туран көрөөччүлэр сэҥээриилэрин ылла.
Акция кэнсиэр, Мэҥэ-Хаҥалас улууһугар доруобуйа харыстабыла тэриллибитэ 125, Төҥүлү балыыһата тэриллибитэ 105 үбүлүөйдээх сылынан, Төҥүлү балыыһата тэриллибит историятын, үлэтин туһунан видеосюжеттан саҕаланна.
Салгыы Төҥүлү, Тумул, Тарат доруобуйа харыстабылын үлэһиттэрин, ветераннарын уус-уран кэнсиэрэ бииртэн биир чаҕылхай нүөмэрдэрдээх үрдүк таһымҥа ааста. Ол курдук, ылбаҕай ырыаларын кэрэ нарын үҥкүүлэрин, быары тарбыыр сыаҥкаларын, киһи дууһатын долгутар уус-уран ааҕыыларын, фольклорнай нүөмэрдэрин, сэргэх, өрө көтөҕүллүүлээх кэнсиэри көрөөччүлэр дохсун ытыс доҕуһуолунан үөрэ-көтө, астына-дуоһуйа көрдүлэр:
Ольга Попова, Альбина Федотова толорууларыгар ырыа «Эн эрэ».
Христофор Саввинов тыла, дьүрүлэ, «Ыллаа гитарам» ырыаны бэлэх уунна Мария Дьяконова.
Мэҥэ-Хаҥалас улууһун «Таммахтар» литературнай холбоһук, Төҥүлү «Айар кут» түмсүү чилиэнэ, доруобуйа харыстабылын ветерана, айар куттаах Мария Апросимова толоруутугар уус-уран ааҕыы.
Изабелла Степанова, Евдокия Баишева, Александр Стручков толорууларыгар сыаҥка «Кийиит».
Елизавета Говорова толоруутугар «Чабырҕах».
«Кэрэли» үҥкүү бөлөҕүн толоруутугар «Узбекскай үҥкүү», салайааччы Айталина Большакова.
Альбина Федотова толоруутугар ырыа – Анастасия Готовцева репертуарыттан «Чараҥ вальса».
Мария, Василий Спиридоновтар репертуардарыттан «Эйиигин кытары» ырыаны бэлэх ууннулар Елизавета, Герман Неустроевтар.
Мария Толстякова толоруутугар үҥкүү «Якутяночка».
Төҥүлү балыыһатын ветерана, сыана ветерана Екатерина Михайлова толоруутугар норуот ырыаларынан попурри.
«Айылгы» вокальнай ансаамбыл толоруутугар ырыа «Дьүһүйүү», салайааччы Альбина Федотова.
Александр Оконешников толоруутугар ырыа «Аптаах тыл».
Норуот ырыатын бэлэх уунна Елизавета Говорова.
Екатерина Михайлова, Изабелла Степанова, Евдокия Баишева «Почта» сыаҥканы оонньоон, кэлбит көрөөччүлэри күллэрдилэр.
Николай Ильин тылыгар, дьүрүлүгэр «Дьоро киэһэ» ылбаҕай ырыаны бэлэх уунна Вера Дьяконова.
Милена Борисова тылыгар, дьүрүлүгэр «Таптал баар буолан» ырыаны Елизавета, Герман Неустоевтар дохсун ытыс тыаһын ортотугар толордулар.
Изабелла Степанова, Евдокия Баишева толорууларыгар сыаҥка «Париж».
Хотугулуу үҥкүү.
Ылбаҕай ырыатын бэлэх уунна Мария Дьяконова.
Екатерина Михайлова, Изабелла Степанова, Елизавета Говорова, Мария Дьяконова толорууларыгар сыаҥка «Остановкаҕа».
Евдокия Баишева «Ийэбэр» хоһоону ааҕан биир дойдулаахтарын долгутта.
Бэйэтин эҕэрдэтин тириэртэ Иван Прибылых.
Павел Габышев тылыгар, Галина Шахурдина дьүрүлүгэр «Балыктаах киэһээтэ» ырыанан Төҥүлү, Тумул, Тарат доруобуйа харыстабылын үлэһиттэрин, ветераннарын холбоһуктаах акция кэнсиэрэ түмүктэннэ.
Кэнсиэри иилээн-саҕалаан ыытта Евдокия Баишева.
Төҥүлү, Тумул, Тарат доруобуйа харыстабылын үлэһиттэригэр, ветераннарыгар бу кэрэ киэһэни, дьоллоох түгэни бэлэхтээбиккитигэр сылаас махтал тылларын аныыбыт. Баҕарабыт үлэҕитигэр үрдүктэн үрдүк ситиһиилэри, эһиэхэ уонна эһиги чугас дьоҥҥутугар кытаанах доруобуйаны, дьолу, этэҥҥэ буолууну.
