«Айхал эйиэхэ, үлэһит киһиэхэ».

Алтынньы 15 күнүгэр, олохтоох култуура дьиэтигэр Россияҕа тыа хаһаайыстыбатын үлэһиттэрин уонна оҥорон таһаарааччыларын күнүгэр аналлаах «Айхал эйиэхэ, үлэһит киһиэхэ!» эҕэрдэ кэнсиэр буолан ааста.

Кэнсиэр үөрүүлээх чааһыгар «Мэҥэ нэһилиэгэ» тыа сирин түөлбэтин баһылыгын солбуйааччы Мохначевский Иван Егорович тыа сирин олоҕун уйгутун уһансар, сылы эргиччи күн аайы түбүгүрэр тыа хаһаайыстыбатын ытыктабыллаах бэтэрээннэригэр, үлэһиттэригэр эҕэрдэ тылын тириэртэ. Ону сэргэ тыа хаһаайыстыбата инникилээх буоларын туһугар күннэтэ сыралаһан үлэлиир «Хаххах» өҥөнү оҥорор тыа хаһаайыстыбатын кооперативын туруу үлэһиттэригэр нэһилиэк социальнай олоҕор үтүө суобастаах үлэлэрин уонна көхтөөх кыттыыларын иһин «Мэҥэ нэһилиэгэ» тыа сирин түөлбэтин баһылыга Куприянов Александр Валерьевич анаабыт махтал суруктарынан бэлиэтэннилэр: Андросова Анастасия Гаврильевна, Ноговицына Наталья Гаврильевна, Ченянов Михаил Михайлович, Сотников Петр Петрович, Стручков Иван Иванович.

«Айхал эйиэхэ, үлэһит киһиэхэ» Россияҕа тыа хаһаайыстыбатын үлэһиттэрин уонна оҥорон таһаарааччыларын күнүнэн үлэни өрө тутар, уйгуну-быйаҥы уһансар, үөрүнньэҥ үлэһит киһини үрдэтэр туруу үлэһиттэрбитигэр аналлаах, бииртэн биир чаҕылхай нүөмэрдэрдээх эҕэрдэ кэнсиэр үрдүк таһымҥа ааста:

«Мичээр» үҥкүү коллективын толоруутугар «Эҕэрдэ үҥкүүтэ» (салайааччы Лилия Долгунова)

Дария Андросова, Саргылаана Степанова толорууларыгар дуэт, Наталья Яковлева — Далаана репертуарыттан «Кыыс ырыата».

Олохтоох олох-дьаһах коммунальнай хаһаайыстыба эр дьон ансаамбылын толоруутугар «Ыллыыбын эһиэхэ анаан».

«Ньургуйаана» ылбаҕай ырыанан кэнсиэри киэргэттэ сыана ветерана Николай Цыпандин.  

«Эрэл» түмсүү үҥкүүһүттэрин толоруутугар «Китайскай үҥкүү» (салайааччы Парасковья Бродникова)

Маргарита Скрябина, Маргарита Катакинова толорууларыгар дуэт, Аркадий Алексеев тылыгар уонна мелодиятыгар «Хайа, хаһан кэлэҕин?»

Дмитрий Стручков толоруутугар соло, Иван Аргунов тыла уонна мелодията «Ырыа ыллаары»

«Ыллыкчаан» оҕо образцовай үҥкүү ансаамбылын толоруутугар эвенкийскай народнай үҥкүү  «Мастерицы» (салайааччы Мария Кычкина)

Иван Прибылых толоруутугар соло, Александр Дмитриев тыла уонна мелодията «Эн эрэн, көрсүөҕүн аналгын»

Норуот матыыбыгар «Төрөөбүт дойдум» ылбаҕай ырыаларын бэлэх ууннулар Людмила, Николай Цыпандиннар дьиэ кэргэн

«Бэтиэхэлээх Балыктаахтар» толорууларыгар сыаҥка «Автуобуска», оруолларга: Дмитрий Стручков, Саргылаана Степанова, Татьяна Иванова, Яна Васильева, Егор Афанасьев, Лилия Долгунова (салайааччы Татьяна Иванова)

Айгылаан репертуарыттан «Этиий миэхэ сулуһум» ырыаны бэлэх уунна Петр Дохунаев

 «Талба» ветеран үҥкүүһүттэрин ансаамбылын толоруутугар «Крушина» (салайааччы Сардаана Стручкова)

Антонина, Иван Прибылыхтар толорууларыгар Татьяна Никитина-Тупсууна тылыгар, Роман Степанов мелодиятыгар «Кырдьыма дуу, эдэр саас»

Валерий Ноев  тылыгар уонна мелодиятыгар «Кыракый уолчааным» ырыанан бар дьонун эҕэрдэлээтэ Айыына Олесова.

«Үрүйэ» үҥкүү коллективын толоруутугар «Ферма кыргыттара» (салайааччы Лилия Долгунова)

Эҕэрдэ кэнсиэри «Күүлэй күнэ», «Ферма кыргыттара» ырыанан-тойугунан киэргэттилэр  «Ситим» эр дьон ансаамбыла (салайааччы Иван Прибылых)

«Сайдыына» вокальнай ансаамбыл толоруутугар  Любовь Константинова – Кыталы Куо репертуарыттан «Эҕэрдэ ырыата»

Трио толоруутугар Анастасия Варламова тылыгар уонна мелодиятыгар  «Аҕам алааһа».

Татьяна Стручкова, Мария Кычкина Валерий Ноев  төрөппүт уолун Валерий Ноев мелодиятыгар «Көрсүөххэ диэри» ырыанан тыа хаһаайыстыбатын сайдыытыгар төһүү буолан, хороҕор муостааҕы, сыспай сиэллээҕи иитэн, тыа хаһаайыстыбата уустук үлэтиттэн туора турбакка, кыһыҥҥы тымныылары, сайыҥҥы куйааһы  аахсыбакка, биир күн өрөөбөккө хорутуулаахтык үлэлиир – хамсыыр нэһилиэкпитигэр тыа хаһаайыстыбатын эйгэтин уонна бары кэтэх хаһаайыстыбалаах туруу үлэһит дьонугар аналлаах эҕэрдэ кэнсиэр түмүктэннэ.

Эҕэрдэ кэнсиэри иилээн-саҕалаан ыытта Лариса Лаврентьевна Кычкина.

Тыа сиригэр олорор, тыа сирин олоҕун, уйгутун уһансар,   тыа хаһаайыстыбатын бары салаатыгар үлэлии-хамсыы сылдьар үтүө-мааны дьоммутун өссө төгүл ис-сүрэхтэн эҕэрдэлиибит!    Кытаанах үлэҕит кыайыылаах буоллун, дьаныһар дьарыккыт таһаарыылаах буоллун, ылсыбыт дьыалаҕыт ырыа курдук ыпсан истин! «Айхал эйиэхэ, үлэһит киһиэхэ!» эҕэрдэ кэнсиэргэ кыттыыны ылбыт уус-уран самодеятельность бары кыттыылаахтарыгар, тэрээһиммитин сэҥээрэн кэлэн көрбүт, ытыс тыаһын харыстаабакка бэлэхтээбит бары көрөөччүлэрбитигэр сылаас махтал тылларын аныыбыт. Бу курдук түмсүүлээх буолуоҕуҥ, мэлдьи инники күөҥҥэ сылдьыҥ, чэгиэн-чэбдик буолуҥ!  

Добавить комментарий

Ваш адрес email не будет опубликован. Обязательные поля помечены *