Тохсунньу 19 күнүгэр олохтоох култуура дьиэтигэр “Айуу чэ” скетч-шоу артыыската, СР култууратын туйгуна Евдокия Семенова- Ичээнэ Быйаҥнаах, «Хатас Хаадьылара» көр-күлүү мини-театр артыыстара «Айуу чэ, доҕотторунаан» саҥа дьыллааҕы көр-нар, ырыа-тойук, үҥкүү-битии дьоро киэһэтин тэрийэн ыыттылар.



















Кэнсиэри ырыаһыт, импровизатор-хомусчут Алена Пинигина – Күн Чөмчүүнэ, биллиилээх блогер Прасковья Егорова, Христофор Максимов фондатын, үрүҥ көмүс мэтээлин хаһаайына, СР үөрэҕириитин туйгуна Николай Протасов, СР култууратын туйгуна Саргылана Григорьева, СР култууратын туйгуна Евдокия Семенова — Ичээнэ Быйаҥнаах ылбаҕай ырыаларынан, эҕэрдэ нүөмэрдэринэн, сэргэх оонньуу ыытан, ситэрэн, киэргэтэн биэрдилэр.













“Айуу чэ” скетч-шоу артыыската, СР култууратын туйгуна Евдокия Семеноваҕа- Ичээнэ Быйаҥнаах, «Хатас Хаадьылара» көр-күлүү мини-театрыгар, биирдиилээн ырыаһыттарга бу кэрэ киэһэни бэлэхтээбиккитигэр астынан, үөрэн-көтөн туран сылаас махтал тылларын аныыбыт. Баҕарабыт айар үлэҕитигэр үрдүктэн үрдүк ситиһиилэри, саҥаттан саҥа бырайыактары, эһиэхэ уонна эһиги чугас дьоҥҥутугар кытаанах доруобуйаны, дьолу-соргуну, этэҥҥэ буолууну.


