Кулун тутар ый 4 күнүгэр «Айар» национальнай кинигэ кыһата «Мэҥэ» нэһилиэгэр ыалдьыттаата.
Бука бары билэргит курдук, быйыл Семен Андреевич Новгородов аатынан «Айар» национальнай кинигэ кыһата 100 сыллаах үбүлүөйүнэй сылын бэлиэтиир. Биһиги нэһилиэктэн айар куттаах ытык – мааны дьоммут Александр Сергеевич Артемьев – Кулан Хаан Байаҕантай Сэргэй уола, Василий Иннокентьевич Гоголев – Уйулҕан «Айар» кинигэ кыһатыгар үгүс кинигэлэрэ бэчээттэнэн тахсыбыттара. 2025 сыл түмүгүнэн «Айар» кинигэ кыһатын сыл бастыҥнарын күрэҕэр Мэҥэ Хаҥалас улууһа «Саамай ааҕар улуус», биир дойдулаахпыт, суруйааччы Василий Иннокентьевич Гоголев — Уйулҕан «Хамначчыт кыыс дьылҕата» кинигэтэ «Ааҕааччы биһирэбилэ» номинация кыайыылаахтарынан буолбуттара. «Айар» кинигэ кыһатын үбүлүөйдээх сылын чэрчитинэн, бүгүн биһиги нэһилиэкпитигэр «Айар» кинигэ кыһата уонна биһиги биир дойдулаахпыт, ытыктыыр киһибит, сөбүлүүр суруйааччыбыт Василий Иннокентьевич Гоголев – Уйулҕан кыттыылаах тэрээһин олохтоох култуура дьиэтигэр буолан ааста.
Бу тэрээһин дьоро киэһэтигэр кыттыыны ыллылар: Семен Андреевич Новгородов аатынан «Айар» национальнай кинигэ кыһатын генеральнай директора Август Васильевич Егоров, Семен Андреевич Новгородов аатынан «Айар» национальнай кинигэ кыһатын генеральнай директорын солбуйааччы Валерий Николаевич Луковцев, Семен Андреевич Новгородов аатынан «Айар» национальнай кинигэ кыһатын сүрүн редакторы солбуйааччы, анал бырайыактар уонна сакааһынан таһаарыылар салааларын сэбиэдиссэйэ Акулина Ивановна Стручкова, Саха Республикатын суруйааччыларын сойууһун чилиэнэ Василий Иннокентьевич Гоголев – Уйулҕан, Пиар-менеджер Сардана Андреевна Томская, Атыы салаатын менеджера Алена Павловна Ефимова.
Көрсүһүүгэ бэйэлэрин тус санааларын, эҕэрдэлэрин тириэртилэр:
«Мэҥэ нэһилиэгэ” тыа сирин түөлбэтин баһылыгын солбуйааччыта Иван Егорович Мохначевскай.
Семен Андреевич Новгородов аатынан «Айар» национальнай кинигэ кыһатын генеральнай директора Август Васильевич Егоров.
Семен Андреевич Новгородов аатынан «Айар» национальнай кинигэ кыһатын генеральнай директорын солбуйааччы Валерий Николаевич Луковцев.
Семен Андреевич Новгородов аатынан «Айар» национальнай кинигэ кыһатын сакааһынан таһаарыылар салааларын сэбиэдиссэйэ Акулина Ивановна Стручкова.
Саха Республикатын суруйааччыларын сойууһун чилиэнэ, биир дойдулаахпыт, суруйааччы Василий Иннокентьевич Гоголев – Уйулҕан.
Биир дойдулаахпыт Василий Гоголев – Уйулҕан тылыгар, Күннэйэ Цыпандина дьүрүлүгэр “Балыктааҕым – мин дойдум” ырыаны Михаил Прокопьевич Габышев аатынан Балыктаах орто оскуолатын ырыа куттаах учууталларын ансаамбыла (салайааччы Күннэйэ Цыпандина) толорон, көрсүһүүнү ситэрэн – хоторон киэргэтэн биэрдилэр.
Көрсүһүүгэ эрдэттэн тэриллэн ыытыллыбыт күрэхтэр түмүктэрэ тахсан, кыайыылаахтар үөрүүлэрэ үксээтэ.
«Айар»-дыын ааҕабыт» алын кылаас оҕолорун икки ардыгар уруһуй күрэҕэр 18 оҕо кыттыыны ылла.
Түмүк маннык буолла:
Үһүс миэстэ — Данил Лихонди, М.П. Габышев аатынан Балыктаах орто оскуолатын 2 кылаас үөрэнээччитэ.
Иккис миэстэ — Ярик Сотников, М.П. Габышев аатынан Балыктаах орто оскуолатын 3 кылаас үөрэнээччитэ.
Бастакы миэстэ — Маша Попова, М.П. Габышев аатынан Балыктаах орто оскуолатын 4 кылаас үөрэнээччитэ.
Салгыы 12 дьиэ кэргэн көхтөөхтүк ««Айар» («Бичик») кинигэлэрин сөбүлээн ааҕабыт» дьиэ-кэргэн библиотекатын хаартысканан күрэҕэр кыттыыны ыллылар.
Саамай элбэх «Айар» («Бичик») кинигэлэрин аахпыт бастыҥ дьиэ — кэргэн кыайыылаах аата ананна Сардана Степановна, Дмитрий Гаврильевич Стручковтар дьиэ кэргэҥҥэ.
Ону сэргэ, олохтоох библиотека аатыттан Сардаана Семеновна Трифонова саамай элбэх «Айар» кинигэлэрин уларсан аахпыт «Бастыҥ ааҕааччы» номинация кыайыылааҕын билиһиннэрдэ.
Ол курдук элбэх «Айар» кинигэлэрин уларсан аахпыт «Бастыҥ ааҕааччы» номинация кыайыылааҕынан ааттанна Татьяна Михайловна Андросова.
Бу тэриллэн ыытыллыбыт күрэхтэр кыайыылаахтарыгар «Айар» национальнай кинигэ кыһатын анал грамотата, сэмэй бэлэхтэрэ үөрүүлээх быһыыга — майгыга туттарылынна. Бары көхтөөх кыттыыны ылбыт оҕолорбутугар, бар дьоммутугар «Айар» национальнай кинигэ кыһата туоһу суруктары туттарда.
Тэрээһини иилээн-саҕалаан ыытта олохтоох библиотекарь Сардана Семеновна Трифонова.
Бу киэһэ истиҥ иһирэх кэпсэтии, санаа үллэстиитэ, атыы-эргиэн быыстапката тэриллэн ыытылынна.
Ыалдьыттарбытын көрсүүгэ күүс — көмө буолбут Татьяна Васильевна Дьяконоваҕа, Роман Иннокентьевич, Елена Васильевна, Альберт Романович Гоголевтар дьиэ кэргэҥҥэ махтал сылаас тылларын аныыбыт.
«Айар» национальнай кинигэ кыһата кыттыылаах тэрээһиммитин сэҥээрэн, сэргээн кэлэн истибиккитигэр, күрэхтэргэ көхтөөхтүк кыттыбыккытыгар, сайаҕас санааҕытын сааһылаан тиэрдибиккитигэр бука барыгытыгар итиитик-истиҥник махтанабыт! Баҕарабыт чэгиэн доруобуйаны, чөл туругу, алаһа дьиэҕитигэр, дьиэ кэргэҥҥитигэр байылыат олоҕу, сир үрдүгэр баар бары үтүөнү, кэрэни!
