Кулун тутар 23 күнүгэр, дьоллоох Дьокуускай куорат килбэйэр киинигэр, «Үргэл» арт-галерея кэрэ туонатыгар, Саха Республикатын үөрэҕириитин үтүөлээх үлэһитэ, III-с степэннээх үлэ албан аат орденын кавалера Александра Николаевна Габышева үлэлэринэн «Айар анал» персональнай быыстапка аһыллыытын үөрүүлээх тэрээһинэ буолан ааста.
«Айар анал» персональнай быыстапка үөрүүлээх аһыллыытын алгыс сиэрин-туомун тэрийдэ Андреева Лидия Ивановна – Ил-Иитэ Күн Сыралыма.
Быыстапка үөрүүлээх аһыллыытыгар, бу күн сааланы тоҕуоруһа толору, Александра Николаевнаны эҕэрдэлии муһуннулар ыраахтан-чугастан аймах-билэ дьонноро, бииргэ алтыспыт доҕотторо, кэрэ эйгэҕэ уһуйуллубут үөрэнээччилэрэ, биир дойдулаахтара. Ол курдук, Александра Николаевна «Айар анал» персональнай быыстапката аһыллар үөрүүлээх түгэнинэн эҕэрдэлээтилэр:
«Үргэл» арт-галерея салайааччыта, Саха Республикатын народнай худуоһунньуга, Российскай Федерация үтүөлээх худуоһунньуга, Саха Республикатын искусствотын үтүөлээх деятелэ Спиридонов Юрий Васильевич.
Дьокуускай куорат историятын түмэлин директора Ноговицын Александр Павлович.
Илья Егорович Винокуров аатынан Намнааҕы педагогическай колледж преподавателэ, Россия худуоһунньуктарын сойууһун чилиэнэ, Саха Республикатын искусствотын үтүөлээх деятелэ Колесов Сергей Николаевич.
Россия худуоһунньуктарын сойууһун чилиэнэ, история билимин кандидата, М. К. Аммосов аатынан хотугулуу-илиҥҥи федеральнай университет доцена Петрова Светлана Ивановна.
«Хорообут нэһилиэгэ» тыа сирин түөлбэтин баһылыга Бродников Гаврил Юрьевич, Хорообуттааҕы норуот айымньытын дьиэтин уус-уран салайааччыта Тролукова Татьяна Николаевна, «Мэлдьэхси нэһилиэгэ» тыа сирин түөлбэтин баһылыга Никифоров Валерий Георгиевич.
«Мэҥэ нэһилиэгэ» тыа сирин түөлбэтин баһылыгын солбуйааччы Мохначевскай Иван Егорович.
Михаил Прокопьевич Габышев аатынан Балыктаах орто оскуолатын директора Иванов Егор Николаевич.
Балыктаахтааҕы элбэх хайысхалаах култуура комплексын директора Кычкина Любовь Васильевна коллектив аатыттан уонна «Аартык» түөлбэ олохтоохторун аатыттан эҕэрдэ суруктары, сэмэй бэлэҕи, тыыннаах сибэкки дьөрбөтүн үөрүүлээх быһыыга-майгыга туттарда.
Нь.В., Я.И. Габышевтар дьиэ кэргэн аатыттан Габышева Яна Ильинична.
Нэһилиэк ветераннарын сэбиэтин аатыттан Мордискина Антонина Николаевна.
Саха Республикатын култууратын туйгуна Громова Розалия Александровна.
Уруһуй эйгэтигэр үөрэппит үөрэнээччитэ «Копиртехсервис» полиграфическай киин сүрүннүүр дизайнера Стручкова Ульяна Николаевна.
Саха Республикатын суруйааччыларын сойууһун чилиэнэ, Дьокуускайдааҕы 33-с нүөмэрдээх орто оскуолатын технология учуутала Василий Иннокентьевич Гоголев – Уйулҕан
Александра Николаевна Намнааҕы педагогическай училищеҕа бииргэ үөрэммит однокурсниктара.
Оскуолаҕа уон сыл бииргэ үөрэммит доҕотторо.
Аалай лиэнтэни, дохсун ытыс тыаһынан быһан, быыстапканы үөрүүлээхтик арыйдылар «Үргэл» арт-галерея салайааччыта, Саха Республикатын народнай худуоһунньуга, Российскай Федерация үтүөлээх худуоһунньуга, Саха Республикатын искусствотын үтүөлээх деятелэ Спиридонов Юрий Васильевич, быыстапка ааптара Габышева Александра Николаевна, Россия худуоһунньуктарын сойууһун чилиэнэ, история билимин кандидата, Максим Кирович Аммосов аатынан хотугулуу-илиҥҥи федеральнай университет доцена Петрова Светлана Ивановна.
Габышева Александра Николаевна «Айар анал» персональнай быыстапка үөрүүлээх аһыллыытын Саха Республикатын үөрэҕириитин туйгуна Раиса Степанова, Саха республикатын култууратын туйгуна Мирослав Егоров ылбаҕай ырыаларынан киэргэтэн музыкальнай эҕэрдэлэрин тириэртилэр. Ону сэргэ, Раиса Степанова «Ыйдаах түүн» ырыатыгар Александра Николаевна сиэттэрэ, эбээлэрэ илиитин сылааһынан тикпит сахалыы таҥастарын, кэлбит ыалдьыттарга анаан хааман көрдөрдүлэр.
Убаастабыллаах Александра Николаевна, Эһиги сүдү талааҥҥытыгар сүгүрүйэн, махтанан туран өссө да сүһүөххут үрдүгэр сылдьан, айан- тутан, көмүс кылааккытын киллэрэн, дьоҥҥутун — сэргэҕитин дьикти, уустук үлэлэргитинэн сөхтөрө тураргытыгар баҕарабыт. Тапталлаах оҕоҕут, сиэннэргит истиҥ тапталларыгар, бар дьоҥҥут ытыктабылларыгар бигэнэн, өссө уһун үйэлэниҥ диэн баҕа санаабытын тиэрдэбит.
Александра Николаевна «Айар анал» персональнай быыстапката «Үргэл» арт-галереяҕа муус устар 4 күнүгэр дылы турар. Биир дойдулаахтарбыт, анаан-минээн бириэмэ аттаран, оҕолоргутун, сиэттэргитин кытта дьиэ кэргэнинэн кэлэн көрүҥ, кэрэни кэрэхсээн диэн ыҥырабыт.
