Ахсынньы 30 күнүгэр нэһилиэкпит эдэр фермердара, ол курдук Ньургун Владимирович Габышев, Дьулустан Геннадьевич Говоров уонна Илья Егорович Мохначевскай үтүө үгэһинэн кэлэн иһэр саҥа дьылынан бэйэлэрин ис санааларыттан нэһилиэкпит элбэх оҕолоох, биирдиилээн оҕолорун иитиитинэн дьарыктанар дьиэ кэргэттэргэ, анал байыаннай операцияҕа сулууспалыыр биир дойдулаахтарбыт оҕолоругар уонна бииргэ алтыһан үлэлиир тэрилтэлэригэр анаан минньигэс бэлэх ууннулар.
Үгүс оҕолорго, дьоҥҥо соһуччу үөрүүлээх түгэни бэлэхтээбит элбэҕи эрэннэрэр, кэскиллээх фермер уолаттарбытыгар Ньургун Владимировичка, Илья Егоровичка, Дьулустан Геннадьевичка махтал сылаас тылларын аныыбыт, баҕарабыт хас биирдиигитигэр уонна эһиги чугас дьоҥҥутугар үлэҕэ-үөрэххэ, олоххо-дьаһахха сонун арыйыыны, саргылаах саҕахтары, үрдүк ситиһиилэри, талба табыллыыны! Эйэ-дьол эҥэрдэстин, уйгу-быйаҥ үксээтин! Чэгиэн-чэбдик сылдьыҥ, дьоллоох-соргулаах буолуҥ! Саҥа дьылынан! Саҥа дьолунан!
