Муус устар 27 күнүгэр олохтоох култуура дьиэтигэр Саха Республикатын күнүнэн, Аан дойдуга үҥкүү күнүн уонна күөх маай бырааһынньыктарын көрсө «Үҥкүү кэрэ ыллыгынан» үөрүүлээх тэрээһин буолан ааста.
Тэрээһин үөрүүлээх чааһа хор толоруутунан саҕаланна. Иван Брызгалов-Айанаас тыла, Владимир Кузьмин матыыба «Сахам сирэ», салайааччы Иван Прибылых, Саха Республикатын култууратын туйгуна.
Хор толоруутугар Павел Габышев тыла, Галина Шахурдина матыыба «Балыктаах киэһэтэ».
Үөрүүлээх тэрээһини олохтоох култуура дьиэтин директора Любовь Васильевна Кычкина эҕэрдэ тылынан арыйда уонна үтүө үгэскэ кубулуйбут нэһилиэкпит үбүлүөйдээх саастарын туолбут ытык-мааны ветераннарбытыгар эҕэрдэ сурук, анал бэлиэ туттарда:
85 сааһын туолбут ытык-мааны ветераммытыгар Марфа Николаевна Габышеваҕа – үлэ ветерана, талба талааннаах иистэнньэҥ, сахалыы иискэ норуот маастара, элбэх оҕо күн күбэй ийэтэ, элбэх сиэн эйэҕэс эбээтэ.
85 сааһын туолбут ытык-мааны ветераммытыгар Дария Архиповна Максимоваҕа –үлэ ветерана, «Күөлэрики», «Социализм суола» колхозтарга уһун сылларга арыыһытынан, кэлин Балыктах орто оскуолатыгар остуораһынан үлэлээбит ытык-мааны ветераммыт, элбэх оҕо күн күбэй ийэтэ, элбэх сиэн эйэҕэс эбээтэ.
65 сааһын томточчу туолбут Антонина Петровна Прибылых – үлэ ветерана, «Чараҥ» дьахтар вокальнай ансамблын салайааччыта, нэһилиэк уус- уран самодеятельноһын актыыбынай кыттыылааҕа, элбэх оҕо күн күбэй ийэтэ, элбэх сиэн эйэҕэс эбээтэ.
65 сааһын туолбут Александр Васильевич Габышевка – үлэ ветерана, «Максим Горькай», «Мэҥэ» совхозтарга үтүө суобастаахтык үлэлээбит ытык – мааны ветераммыт, элбэх оҕо амарах аҕата, эйэҕэс эһээтэ.
60 сааһын томточчу туолбут Евдокия Васильевна Дьяконоваҕа – үлэ ветерана, 1982 сылтан «Максим Горькай» совхозка телятницанан, 1988 сылтан «Сарыал» ыччат комсомольскай ферматыгар доярканан үлэлээбит ветераммыт, ол сылларга элбэх үүтү ыан үгүс грамоталарынан, премияларынан наҕараадаламмыта, 1990 сыллаахха «Чемпион ыанньыксыт» аатын сүгэн Егор Цыпандин бириэмийэтин лауреата, үтүө суобастаах үлэтин иһин Москваҕа ВДНХ-ҕа, Мэҥэ Хаҥаластан соҕотох Югославия 6 куоратынан күүлэйдиир путевканан наҕараадаламмыта, «Мэҥэ Хаҥалас улууһа» муниципальнай тэриллии уонна нэһилиэкпит баһылыгын махтал суруктарынан бэлиэтэммитэ, элбэх оҕо күн күбэй ийэтэ, элбэх сиэн эйэҕэс эбээтэ.
60 сааһын туолбут Анна Гаврильевна Протодьяконоваҕа – Потребкооперация ветерана, уһун сылларга нэһилиэкпит маҕаһыыныгар сэбиэдиссэйинэн, продавеһынан үтүө суобастаахтык үлэлээбит ветераммыт, «Россия потребительскай кооперациятыгар килбиэннээх үлэтин иһин», «Россия потребительскай кооперациятын эйгэтигэр эҥкилэ суох үлэтин иһин» бэлиэлэр хаһаайката, элбэх оҕо күн күбэй ийэтэ, элбэх сиэн эйэҕэс эбээтэ.
Үөрүүлээх чааһы ылбаҕай ырыаларынан киэргэтэн, ситэрэн биэрдилэр:
Вера Фадеева толоруутугар Леонид Попов тыла, Трофим Семенов матыыба «Саныыбын төрөөбүт алааспын».
Трио толоруутугар Анна Барашкова тыла уонна матыыба «Мин дойдум».
М.П.Габышев аатынан Балыктаах орто оскуола коллективын ансаамбылын толоруутугар Василий Гоголев – Уйулҕан тыла, Кюннэйэ Цыпандина матыыба «Балыктааҕым — мин дойдум».
Үөрүүлээх чааһы иилээн-саҕалаан ыытта Татьяна Стручкова.
Үөрүүлээх тэрээһини «Үҥкүү кэрэ ыллыгынан» — аан дойдуга үҥкүү күнүн көрсө «Звездочка» оҕо уһуйаанын, «Ылыыкчаан» оҕо образцовай үҥкүү ансаамбылын, «Доруобуйа», «Эрэл» түмсүүлэр, «Талба» уонна «Мичээр», «Үрүйэ» коллективтарын үҥкүүһүттэрэ кыттыылаах эҕэрдэ кэнсиэр ситэрэн-хоторон биэрдэ. Бииртэн биир кэрэ, нарын үҥкүүлэри бу күн саалаҕа мустубут көрөөччүлэр сылаас ытыстарын тыаһынан көрүстүлэр:
«Мичээр» үҥкүү коллективын толоруутагар «Арчы үҥкүүтэ», салайааччы Лилия Долгунова.
«Доруобуйа» түмсүү толоруутугар «Алаадьылаах үҥкүү», салайааччы Марфа Иннокентьевна Ноговицына, Российскай Федерация уопсай үөрэхтээһинин бочуоттаах үлэһитэ.
«Звездочка» оҕо уһуйаанын иитиллээччилэрин толорууларыгар «Кадриль», салайааччы Елена Ивановна Стручкова, Саха Республикатын үөрэҕин туйгуна.
«Талба» үҥкүү ансаамбылын толоруутугар «Колумбийскай үҥкүү», салайааччы Сардана Степановна Стручкова, Саха Республикатын култууратын үтүөлээх үлэһитэ.
«Ыллыкчаан» оҕо образцовай үҥкүү ансаамбылын толоруутугар «Таас үрэх», салайааччы Христофор Рожин, Саха Республикатын үөрэҕин туйгуна.
«Үрүйэ» үҥкүү коллективын толоруутугар «Сир симэхтэрэ», салайааччы Лилия Долгунова.
«Звездочка» оҕо уһуйаанын иитиллээччилэрин толорууларыгар «Фитнес» спортивнай үҥкүү.
Балыктаах орто оскуолатын 9-с кылааһын үөрэнээччитэ Надя Стручкова толоруутугар «Казахскай үҥкүү»
«Талба» үҥкүү ансаамбылын толоруутугар «Хомусчут кыргыттар»
Балыктаах орто оскуолатын 10-с кылааһын үөрэнээччитэ Сандаара Стручкова толоруутугар «Хотугулуу үҥкүү»
«Мичээр» үҥкүү коллективын толоруутугар «Смуглянка».
«Ыллыкчаан» оҕо образцовай үҥкүү ансаамбылын толоруутугар «Кыталыктар».
«Талба» үҥкүүһүттэрин ансаамбылын толоруутугар «Ульчанки», салайааччы Сардаана Стручкова.
«Үрүйэ» үҥкүү коллективын толоруутугар «Алаас кыргыттара».
«Ыллыкчаан» оҕо образцовай үҥкүү ансаамбылын толоруутугар «Дьиэрэҥкэй».
«Талба» үҥкүү ансаамбылын толоруутугар «Крушина».
Балыктаах орто оскуолатын 7-с кылааһын үөрэнээччитэ Айыллаана Сотникова толоруутугар «Дьол көлүччэтэ»
«Мичээр» үҥкүү коллективын толоруутугар «Эҕэрдэ үҥкүүтэ», салайааччы Лилия Долгунова.
«Талба» үҥкүү ансаамбылын толоруутугар «Вальс».
«Эрэл» түмсүү үҥкүүһүттэрин толоруутугар «Саламалаах үҥкүү», салайааччы Парасковья Гаврильевна Бродникова.
«Ыллыкчаан» оҕо образцовай үҥкүү ансаамбылын толоруутугар «Оһуохай».
Эдэр ыччат, орто, аҕам саастаах көлүөнэ үҥкүүһүттэрин толорууларыгар «Оһуор үҥкүүтэ».
Кэнсиэри иилээн-саҕалаан ыытта Любовь Кычкина.
Төрөөбүт – үөскээбит Республикабыт саргыта сайыннын, дьол – саргы туһугар дойдубут өссө чэчирээн, тупса турдун диэн тураммыт тапталлаах Республикабыт күнүнэн, Аан дойдутааҕы үҥкүү күнүн уонна күөх маай бырааһынньыктарын көрсө «Үҥкүү кэрэ ыллыгынан» үөрүүлээх тэрээһин олус сэргэхтик, бэрт тэрээһиннээхтик тэрилиннэ. Бары кыттыбыт бар дьоммутугар, истиҥ көрөөччүлэрбитигэр баҕарабыт ыстаал курдук кытаанах доруобуйаны, дьолу – саргыны, алгыс курдук амарах санааланыҥ, эҕэрдэ курдук эйэҕэс сүрэхтэниҥ! Айар дьулуурдаах, алгыс аргыстаах маннык үтүө түгэннэр Балыктаахха биһиэхэ мэлдьитин буола турдуннар, бары этэҥҥэ буолуоҕуҥ!
