Ыам ыйын 20 күнүгэр, самаан сайын салаллан кэлэн иһэринэн, үтүө үгэскэ кубулуйбут, нэһилиэкпит булчут эр дьоннорун көҕүлээһиннэринэн ытык-мааны дьоммутугар — тыыл ветераннарыгар Заровняева В.Г., Черкашин Е.Н., Стручков И.Е., сэрии сылын оҕолоругар Куприянова Р.Н., Габышева М.И., Максимова Д.А., Харитонова М.П., Габышева М.Н., Протодьяконов А.Н., Винокуров Н.С., Винокурова А.Х., Ноговицына Е.В., анал байыаннай дьайыы кыттыылаахтарын дьиэ кэргэттэригэр уонна нэһилиэкпит биирдиилээн аҕам саастаахтарыгар баай байанайдарын бэлэҕиттэн сибиэһэй кус түҥэтэн күндүлээтилэр.
Бу курдук, нэһилиэкпит ытык-мааны дьоно уонна анал байыаннай дьайыы кыттыылаахтарын дьиэ кэргэттэрэ, самаан сайыны көрсө, ньукуолун күнүн сибиэһэй кус мииннээх дьиэ кэргэттэринээн көрсөллөрүгэр, кустары бэлэх ууммут нэһилиэкпит булчут эр дьонноругар сылаас махтал тылларын аныыбыт. «Үтүө үгэс» бырайыак быстыбакка, сылын аайы салҕанан, нэһилиэкпит дьонун-сэргэтин күндүлүү, үөрдэ-көтүтэ турдун.