«Туос тойуга» — маастар-кылаас.

Тохсунньу 23 күнүгэр Доллу нэһилиэгэр Степан Сивцев-Доллу аатынан норуот айымньытын дьиэтигэр туос ыаҕыйа тигиитигэр маастар кылаас буолан ааста. Быйылгы Василий Степанов аатынан култуура уонна спорт эстафетатын быыстапкатын балаһыанньатыгар ирдэбилгэ уопсайа барыта  14 көрүҥ ыйыллыбыт хайысхалартан биирдэстэрэ туостан оҥоһуктар киирбитинэн сиэттэрэн, хоту нэһилиэктэр олохтоохторугар анаан саха төрүт дьарыктарын, төрүт үгэстэрин сайыннарыыга, тарҕатыыга бэртээхэй маастар кылаас үтүө үлэтэ тэрилиннэ.

Бу «Туой тойуга» маастар кылааһы Уус Маайа улууһун  Күп нэһилиэгин ытык – мааны далбар хотуттара, «Чээчэбил» култуура киинин иһинэн үлэлиир  «Мэккэ» түмсүү салайааччыта Ефимова Александра Николаевна, норуот маастардара Андреева Светлана Петровна, Иванова Матрена Николаевна,  Михайлова Татьяна Степановна, Барашкова Алена Николаевна, Харитонова Анна Афанасьевна иилээн – саҕалаан ыыттылар. Биһиги нэһилиэктэн 8 далбар хотун билиилэрин хаҥатан, опыт ылан, иис үөрүйэхтэригэр үөрэнэн кэллилэр. Ол курдук чугас эҥэр 5 нэһилиэктэн үгүс иистэнньэҥ кэлэн, миэстэтигэр тута иистэнэн, ситэри оҥорон түмүккэ хас биирдии кэлбит иистэнньэҥ илии тутуурдаах тарҕастылар.

Күп нэһилиэгин ытык – мааны далбар хотуттарыгар, «Чээчэбил» култуура киинин иһинэн үлэлиир  «Мэккэ» түмсүү салайааччытыгар Ефимова Александра Николаевнаҕа, норуот мастардара Андреева  Светлана Петровнаҕа, Иванова Матрена Николаевнаҕа,  Михайлова Татьяна Степановнаҕа, Барашкова Алена Николаевнаҕа, Харитонова Анна Афанасьевнаҕа «Туос тойуга» маастар кылаас тэрийэн ыыппыккытыгар улахан махталбытын тиэрдэбит! Айар үлэҕитигэр үрдүк ситиһиилэри, дьиэ кэргэттэргитигэр дьоллоох доруобай олоҕу, баҕа санаа бастыҥын аныыбыт. Бу курдук түмсүүлээх буолуоҕуҥ! Доруобай буолуҥ, инникитин үлэҕитигэр ситиһиилэри баҕарабыт!

Добавить комментарий

Ваш адрес email не будет опубликован. Обязательные поля помечены *