Тохсунньу 15 күнүгэр олохтоох култуура дьиэтигэр, В.К. Степанов аатынан улуустааҕы култуура уонна спорт эстафетатын фестивалын уус-уран быыстапкатыгар бэлэмнэнии чэрчитинэн, Лебедева Парасковья Егоровна туойтан оҥоһук оҥорон таһаарыыга маастар-кылаас тэрийэн ыытта. Бу күһүн Парасковья Егоровна тэрийэн ыыппыт маастар кылааһыгар интэриэһиргээн сылдьыбыт биирдиилээн нэһилиэк олохтоохторо туойтан оҥоһуктары айан таһаарыыга билиилэрин хаҥатан, туойтан саҥа оҥоһуктары толкуйдаан, айан таһаарыыга кэлэн көхтөөх кыттыыны ыллылар.







Бу күн маастар кылааска айыллан тахсыбыт оҥоһуктар, салгыы буһарыллан-хатарыллан, ситэн-хотон эстафета быыстапкатыгар коллективнай үлэ быһыытынан көрдөрүүгэ туруохтара.





СР керамистарын союһун чилиэнэ Парасковья Егоровна туойтан оҥоһук оҥорон таһаарыыга 3 төгүлүн биһиги нэһилиэккэ кэлэн маастар кылаас ыыппытыгар сылаас махтал тылларын аныыбыт. Баҕарабыт үүммүт сылга баҕа санааҕыт барыта туолуохтун, саҥа кэлбит сыл үтүөнү, сырдыгы эрэ түстээтин, чугас дьоҥҥутугар, дьиэ кэргэҥҥитигэр баҕарабыт кытаанах доруобуйаны, үтүө туругу, самныбат саргыны уонна бары үтүөнү-кэрэни!
