Олунньу 10 күнүгэр олохтоох култуура дьиэтигэр Бастыҥ туруу үлэһит дьоннордоох, чаҕылхай дьоҕурдаах ыччаттардаах, баай устуоруйалаах төрөөбүт-үөскээбит Мэҥэ — Хаҥаласпыт улууһа бу күн тэриллибитэ 94 сылыгар аналлаах «Таптыыбын төрөөбүт дойдубун!» нэһилиэк тэрилтэлэрин икки ардыларыгар «Өркөн өй» күрэҕэ буолан ааста.
Улууспут, нэһилиэкпит историятын төһө билэҕин диэн өйү мускуйар «Таптыыбын төрөөбүт дойдубун!» күрэхтэһиигэ «Звездочка» оҕо уһуйаана, олох-дьаһах коммунальнай хаһаайыстыба, олохтоох дьаһалта, М.П.Габышев аатынан Балыктаах орто оскуола коллективтара 5-тии киһилээх хамаанда тэринэннэр кыттыыны ыллылар.
Кыттааччылар бары ох курдук оҥостон 5 түһүмэҕинэн илин-кэлин түсүһэн күрэхтэстилэр:
1-кы түһүмэх: Мэҥэ Хаҥалас улууһун историятыттан ыйытыкка эппиэттээһин.
2-с түһүмэх: Нэһилиэкпит историятыттан ыйытыкка эппиэттээһин.
3-с түһүмэх: Нэһилиэкпит иһинэн тахсыбыт кинигэлэр уонна ааптардар.
4-с түһүмэх: Тылтан бириэмэҕэ тыллары таһаарыы.
5-с түһүмэх: Блиц-турнир (1 мүнүүтэҕэ ыйытыктарга эппиэттээһин).
Өй сытыы күрэҕин кэннитэн түмүк маннык буолла:
1 миэстэ — «Звездочка» оҕо уһуйаанын коллективын хамаандата (14,5 бааллаах).
2 миэстэ — М.П. Габышев аатынан Балыктаах орто оскуолатын коллективын хамаандата (12 бааллаах).
3 миэстэ — олохтоох дьаһалта коллективын хамаандата (8 бааллаах).
Бэрт кыранан хаалан көхтөөх кыттыытын иһин туоһу суругунан бэлиэтэннэ олохтоох оһох-дьаһах коммунальнай хаһаайыстыба коллективын хамаандата (7 бааллаах).
Тэрээһини музыкальнай нүөмэрдэринэн киэргэттилэр Рима Фадеева, Дария Андросова.
«Таптыыбын төрөөбүт дойдубун!» Мэҥэ Хаҥалас улууһун күнүгэр аналлаах «Өркөн өй» күрэхпитигэр кэлэн кыттыыны ылбыт хамаандаларбытыгар сылаас махтал тылларын аныыбыт.
Күндү Балыктаахпыт дьоно-сэргэтэ, биир дойдулаахтарбыт сыллата бэлиэтэнэр улууспут төрүттэммит күнүнэн итиитик-истинник эҕэрдэлиибит. Нэһилиэкпит, улууспут, Республикабыт сайдарын туһугар бары түмсүүлээх буолан, үгүс үтүө үлэлэргитинэн дьон олоҕун таһымын үрдэтиитигэр, олорорго, үлэлииргэ табыгастаах эйгэни тэрийэргэ, үлэ бары хайысхатыгар ситиһиилээх, кыайыылаах-хотуулаах буолуоҕуҥ диэн баҕа санаа бастыҥын аныыбыт!
