Ахсынньы 30 күнүгэр олохтоох култуура дьиэтигэр нэһилиэкпит кырачаан оҕолоругар аналлаах «Саҥа дьыл бэлиэтэ куобахчаан» диэн кэлэн иһэр Саргылаах саҥа дьыллааҕы дьикти түгэннэрдээх бырааһынньыктааҕы утренник буолан ааста. Бу күн сыл бэлиэлэрэ, ол курдук ааһан иһэр сыл бэлиэтэ Тигр уонна кэлэн иһэр 2023 саҥа сыл бэлиэтэ Куобахчаан дьэрэкээн саалаҕа маскарадтарын кэтэн мустубут кырачаан оҕолорбутугар кэлэн ыалдьыттаан, ыллатан, үҥкүүлэтэн, оонньотон аастылар. Саамай күүтүүлээх түгэнинэн Тымныы кыһын оҕонньор сиэн кыыһынаан Хаарчааналыын кэлэннэр бу дьоро, алыптаах күҥҥэ кэлэн иһэр Саҥа дьылынан эҕэрдэлээтилэр уонна хоһоон аахпыт, ырыа ыллаабыт кырачаан оҕолорго үөрдэ-көтүтэ минньигэс бэлэхтэрин туттардылар.
Ону таһынан маскарад күрэҕэр кыттыбыт кыраччаан оҕолорбутугар Тымныы кыһын оҕонньор сиэн кыыһынаан Хаарчааналыын анал грамоталары, сэмэй бэлэхтэри туттардылар, ол курдук:
7 саастарыгар дылы кыргыттарга 1 миэстэни — Мохначевская Алена (Симка), 2 миэстэни — Дьяконова Туйаарыма (Узбечка), 3 миэстэни — Шишигина Сандаара (Эльф) ылары ситиһэннэр грамотанан уонна сэмэй бэлэҕинэн наҕараадаланнылар.
7 саастарыгар дылы уолаттарга 1 миэстэҕэ — Андросов Дамир (Саҥа дьыл), 2 миэстэҕэ – Прибылых Максим (Нуучча), 3 бириистээх миэстэҕэ — Ноговицын Эрхан (Панда) уонна Гурьев Дамир (Снеговик) кыайыылаах тахсаннар наҕараадаланнылар.
7 саастарыттан үөһэ кыргыттарга 1 миэстэни – Тюкянова Роза (Куобах), 2 миэстэни – Тюкянова Валерия (Пингвин), 3 миэстэни Захарова Айсена (Куобах) ылары ситиһэннэр грамотанан, сэмэй бэлэҕинэн наҕараадаланнылар.
7 саастарыттан үөһэ уолаттарга 1 миэстэҕэ – Петров Арсен (Робот), 2 миэстэҕэ – Стручков Дима (Тигр), 3 миэстэҕэ – Стручков Саша (Тигр) кыайыылаах тахсаннар анал грамотанан, сэмэй бэлэҕинэн наҕараадалананнар үөрүүлэрэ үксээтэ.
Саамай кырачаан кыттааччыбытыгар Захарова Юлиянаҕа Тымныы кыһын оҕонньор анал бирииһин олохтоото.
Бырааһынньыктааҕы утренник уопсай хаартыскаҕа түһүүнэн түмүктэннэ.
