Ахсынньы 30 күнүгэр олохтоох култуура дьиэтигэр нэһилиэкпит кырачаан оҕолоругар аналлаах «Саҥа дьыллааҕы алыптаах остуоруйа дойдута» Саргылаах саҥа дьыллааҕы дьикти түгэннэрдээх бырааһынньыктааҕы утренник буолан ааста.
Дьэрэкээн саалаҕа мустубут кырачаан оҕолорбутугар саҥа дьыллааҕы бырааһынньыктааҕы утренник «Морозко» остуоруйанан саҕаланна. Кырачаан оҕолорбут остуоруйа дьоруойдарын кытта бииргэ ыллаһан, үҥкүүлэһэн, оонньоһон дуоһуйа астыннылар.
Саамай күүтүүлээх түгэнинэн Тымныы кыһын оҕонньор сиэн кыыһынаан Хаарчааналыын уонна саҥа сыл 2024 бэлиэтэ Саҥа Дьыл ыалдьыттааһына буолла. Бу дьоро алыптаах күҥҥэ кэлэн иһэр Саҥа дьылынан эҕэрдэлээтилэр, Тымныы кыһын оҕонньор хоһоон аахпыт, ырыа ыллаабыт кырачаан оҕолорго үөрэ-көтө минньигэс бэлэхтэрин туттартаата.
Ону таһынан маскарад күрэҕэр кыттыбыт кырачаан оҕолорбутугар Тымныы кыһын оҕонньор сиэн кыыһынаан Хаарчааналыын анал грамоталары, сэмэй бэлэхтэри туттардылар, ол курдук:
7 саастарыгар дылы кыргыттарга 1 миэстэни — Захарова Юлиана (Тииҥ), 2 миэстэни — Прибылых Милана (Фея) ылары ситиһэннэр грамотанан, сэмэй бэлэҕинэн наҕараадаланнылар.
7 саастарыгар дылы уолаттарга — Гаврилов Артем (Человек Паук) 1 миэстэни ылыаҕын ылла.
7 саастарыттан үөһээ кыргыттарга — Гаврилова Влада (Олененок) 1 миэстэни ылан үөрүүтэ үксээтэ.
7 саастарыттан үөһээ уолаттарга — Стручков Дима (Моҕой) 1 миэстэни ылан грамотанан, сэмэй бирииһинэн наҕараадаланна.
«Саҥа дьыллааҕы алыптаах остуоруйа дойдута» бырааһынньыктааҕы утренник уопсай хаартыскаҕа түһүүнэн түмүктэннэ. Кэлэн иһэр Саҥа дьылынан! Саҥа дьолунан!
