Сэтинньи 25 күнүгэр Сахабыт Сиригэр Олоҥхо национальнай күнүгэр Саха Республикатын Ил Дархана Айсен Николаев СР бырабыытылыстыбатын киэҥ куоҥ мааны саалатыгар бастыҥ олоҥхоһуттары, оһуохайдьыттары, норуот маастардарын уонна тимир уустарын ыҥыран чиэстээн-бочуоттаан анал 300000 солк стипендиялары туттарда. Мэҥэ Хаҥалас улууһуттан олоҥхоһуттартан 2-с Тыыллыма нэһилиэгиттэн олоҥхону толорооччу, СР культуратын туйгуна Гаврил Васильевич Спиридонов, норуот маастардарыгар Майа сэлиэнньэтиттэн СР норуотун маастара, косторез, художник, СР үөрэҕириитин туйгуна, ытык кырдьаҕас Николай Семенович Баишев уонна тимир уустарыттан Төҥүлү нэһилиэгиттэн СР норуотун маастара, «Мэҥэ тимир уустара» түмсүү салайааччыта Леонид Прокопьевич Говоров Ил Дархан Айсен Николаев анал стипендиятын ылар үрдүк чиэскэ тигистилэр. Бүгүҥҥү дьоро күҥҥэ чиэстэммит-бочуоттаммыт олоҥхоһут Гаврил Васильевичпытын, уран тарбахтаах уустарбытын Николай Семеновичпытын, Леонид Прокопьевичпытын дойулаахтарын, биир эйгэлээх дьоннорун ааттарыттан итиитик-истиҥник эҕэрдэлиибит!
