Ахсынньы ый 11 күнүгэр, пандемиянан сибээстээн, нэһилиэк баһылыга Куприянов Александр Валерьевич 2020 сыллаа5ы үлэтин отчуоттуур мунньа5а ZOOM платформа нөҥүө буолан ааста. Мунньахха нэһилиэккэ үлэлээн олорор тэрилтэлэр салайааччылара ааһан иһэр сылга үлэ хаамыытын, инники соруктары билиһиннэрдилэр. Нэһилиэк баһылыга Куприянов А.В. сүрүн хайысхаларынан 2020 сыллаах үлэтин отчуотун иһитиннэрии оҥордо. Нэһилиэк олохтоохторо интэриэһиргиир боппуруостарыгар толору эппиэти ыллылар, нэһилиэккэ 2020 сылга ыытыллыбыт үлэни, тэрээһиннэри биһирииллэрин биллэрдилэр. Салгыы кэлэн иһэр 2021сыл соруктара саа сааһынан туолан, нэһилиэкпит өссө сайдан, киэркэйэн иһэригэр баҕа санааларын тириэртилэр.
