Муус устар 15 күнүгэр олохтоох култуура дьиэтигэр, Мэҥэ нэһилиэгин эркин курдук эрэнэр эр дьонноругар, ыччаттарыгар, үрдүкү кылаас уолаттарыгар аналлаах «НЭҺИЛИЭКПИТ — ИННИКИ КЭСКИЛЭ»төгүрүк остуол тула аһаҕас кэпсэтиибуолан ааста.
Тэрээһини «Мэҥэ нэһилиэгэ» тыа сирин түөлбэтин баһылыга Габышев Ньургун Владимирович киирии тылынан арыйда. Төгүрүк остуолга түмсүбүт нэһилиэкпит аҕам саастаах эр дьоннорун, эдэр ыччаттарын, үрдүкү кылаас уолаттарын, кэлэр кэнчээри ыччаттарбыт, «Звездочка» оҕо уһуйаанын иитиллээччилэрэ (салайааччы Стручкова Е.И.) сахалыы ырыаларынан эҕэрдэлээтилэр.
Төгүрүк остуол кыттыылаахтара, нэһилиэк инники сайдыытыгар туһааннаах боппуруостар тула санааларын үллэстэн, тус толкуйдарын тириэрдэн, дириҥ ис хоһоонноох кэпсэтии тэрилиннэ.
«Нэһилиэк – инники кэскилэ» төгүрүк остуол кыттыылаахтара, бука бары биир санаалаах буолан, сомоҕолоһон, мэлдьи бары биир киһи курдук түмсүүлээх буолуоҕуҥ, төрөөбүт нэһилиэкпит сайдарын туһугар иннибит диэки баран иһиэҕиҥ диэн бигэ санаалаах, инникигэ эрэллээх тарҕастылар.
