Ахсынньы ый 12 күнүгэр олохтоох култуура дьиэтигэр «Мэҥэ нэһилиэгэ» тыа сирин түөлбэтин аҕа баһылыгын Александр Валерьевич Куприянов 2024 сыллааҕы отчуота буолан ааста. Отчуоту уопсайа 57 киһи кэлэн иһиттэ. Мунньаҕы нэһилиэк баһылыга Александр Валерьевич Куприянов иилээн-саҕалаан ыытта.
Нэһилиэк тэрилтэлэрэ биирдиилээн 2024 сылга ыытыллыбыт үлэлэрин киэҥник сырдаттылар.
Салгыы баһылык Александр Валерьевич ааспыт сыл устата барбыт үлэ сүнньүнэн сиһилии иһитиннэрии оҥордо.
Александр Валерьевич отчуотун истэн баран, олохтоохтор долгутар сүрүн боппуруостарын ыйыталастылар. Ол курдук, халдьаайы түөлбэтэ хаһан ититиигэ холбонорун, ону сэргэ саҥа үлэҕэ киирбит котельнай мощнаһа төһөтүн, нэһилиэк благоустройствата тупсарыгар уулуссаларга сырдатыы үлэтэ салгыы барарын, аппалары көмүү, дальневосточнай гектар туһунан ыйытыктары биэрэннэр, чопчу хоруйу истэн, бэрт истиҥ-иһирэх кэпсэтии буолан ааста.
Түмүккэ, нэһилиэк олохтоохторо ааһан иһэр 2024 сыл баһылык үлэтин отчуота киэҥ ис хоһоонноохтук туруоруллубутун, элбэх үлэ-хамнас ыытыллыбытын бэлиэтээн туран, биһирииллэрин биллэрдилэр. Быйылгы сылга «Аартык», «Сайдыс» түөлбэлэргэ биирдиилээн чааһынай ыаллар киин ититэр ситимҥэ холбоммуттарын астынан туран, дьиэлэр сылаастарын бэлиэтээтилэр уонна махтал истиҥ тылларын анаатылар.
Бу курдук «Мэҥэ нэһилиэгэ» тыа сирин түөлбэтин аҕа баһылыга Куприянов Александр Валерьевич 2024 сылы түмүктүүр отчуотун мунньаҕа, нэһилиэк олохтоохторун кытта атах тэпсэн олорон, аһаҕас кэпсэтии быһыытынан олус истиҥник ааста.
