Атырдьах ыйын 22 күнүгэр, Майа сэлиэнньэтигэр Арассыыйа судаарыстыбаннай былааҕын күнүгэр, Аан дойду, Европа чөмпүйүөнэ, Арассыыйа успуордун үтүөлээх маастара, Арассыыйа уонна СӨ физическэй култууратын уонна успуордун туйгуна Татьяна Юрьевна Жиркова аатынан Марафон күн-дьыл туран биэрэн, сылаас баҕайы күҥҥэ үһүс төгүлүн үрдүк таһымнаахтык буолан ааста.
БиҺиги нэһилиэктэн Мария Алексеевна Захарова(1км),
Татьяна (1 км), Маргарита(волонтер) Ивановтар,
Сардаана Мохначевская(1км) дистанцияҕа сүүрэн кыттыыны ылан кэллибит.
Бу күн Комсомольскай болуоссакка марафон үөрүүлээх аһыллыыта тэриллэн ыытылынна. Ону сэргэ араас маастар кылаастар, атыы -тутуу тэриллэн, араас сиртэн кэлбит кыттааччылар,»ыалдьааччылар», Майа олохтоохторо оҕолорунаан мустан, дуоһуйа сынньанан тар5астылар.
Олус бэртээхэй спорт бырааһынньыгар кыттан олус астынан кэллибит.
Олохторун успуорка анаабыт, араас таһымнаах күрэхтэргэ дойдуларын, өрөспүүбүлүкэлэрин, нэһилиэктэрин аатын ааттаппыт уонна көннөрү да доруобуйаларын көрүнэн дьарыктанар биир санаалаахтар мустубуттарыттан киһи сүргэтэ көтөҕүллэр. Кыра саастаах оҕолортон саҕалаан араас саастаах эдэр ыччат элбэҕэ эмиэ үөрдэр.
Бу марафону тэрийээччилэргэ чуолаан биир дойдулаахпытыгар Мохначевская Александра Егоровна5а махтал таптал сылаас тылларын аныыбыт. Марафон сыл аайы тупса турдун, кыттааччы ахсаана эбиллэ туруохтун!
Үлэҕэ — үөрэххэ, успуорка өссө үрдүк ситиһиилэр кэлэ турдуннар!