Ыам ыйын 4 күнүгэр «Хаххах» өҥөнү оҥорор потребительскай кооперативка олохтоох дьаһалта, М.П.Габышев аатынан Балыктаах орто оскуолатын, олохтоох коммунальнай хаһаайыстыбатын, култуура дьиэтин үлэһиттэрэ кыттыылаах, көхтөөх субуотунньук буолан ааста. Бу күн, субуотунньукка ынахтары ыан, ньирэйдэри аһатан, саахтарын күрдьэн, тиэйэн таһааран, от киллэрэн, уулатан, күүстээх үлэ тэрилиннэ.
Анастасия Чалкина, Евдокия Ноговицына итии миин, алаадьы, сибиэһэй салаат астааннар, күүстээх субуотунньук кыттыылаахтарыгар минньигэс эбиэт тэрийдилэр.
Күн иккис аҥарыгар, субуотунньук салҕанан, бу күн тэриллибит көхтөөх субуотунньук этэҥҥэ түмүктэннэ. Түгэнинэн туһанан, субуотунньук кыттыылаахтарыгар олохтоох дьаһалта (Габышев Нь.В., Чалкина А.И., Ноговицына Е.С., Барабанов М.Р., Говоров Л.Г.), М.П. Габышев аатынан Балыктаах орто оскуола (Кычкин П.П., Дьяконов Г.Г., Цыпандин Дь.А.), олохтоох коммунальнай хаһаайыстыба (Харитонов С.С., Мохначевскай М.В.), култуура дьиэтэ (Кычкина Л.В., Андросова Д.Н.,Иванова Т.Е., Долгунова Л.В., Фадеева Р.К., Ноговицына Т.А., Ноговицын С.А., Дохунаев П.В.) күүстээх үлэҕэ көхтөөх кыттыыгыт иһин махтал тылларын аныыбыт. Норуот күүһэ — көмүөл күүһэ!
