Балаҕан ыйын 20 күнүгэр М.П.Габышев аатынан Балыктаах орто оскуолатын спортивнай саалатыгар олохтоох култуура дьиэтэ уонна Балыктаах орто оскуолатын коллектива холбоһуктаах тэрийиилэринэн «Күһүн, күһүн – көмүс күһүн!» күһүҥҥү дьаарбаҥка буолан ааста.
Тэрээһин үөрүүлээх аһыллыытыгар «Доруобуйа» түмсүү (сал. Ноговицына М.И.) мустубут дьону-сэргэни, оҕолору арыылаах алаадьынан күндүлээтилэр, оскуола үөрэнээччилэрэ «Күһүн, күһүн — көмүс күһүн!» театрилизованнай дьүһүйүүнү, «Сайдыына» вокальнай ансаамбыл уонна 4 кылаас кыргыттарын толорууларыгар «Көмүс күһүн» ырыаны бэлэх ууннулар.
Быйылгы тэрээһин уратылаах буолла, ол курдук бүтүн нэһилиэгинэн: оскуола үөрэнээччилэрэ, төрөппүттэр, нэһилиэк олохтоохторо биир күн түмсэн күһүҥҥү дьаарбаҥканы үөрэ-көтө көхтөөхтүк тэрийдилэр.
Нэһилиэкпит ытык-мааны олохтоохторо: Скрябина А.Д. (Тымныйыыга туттуллар эмтээх оттор), Габышева А.Н. (Экопринт на бумаге и на ткане, Варенье из ревени, Солёная мелиоротрия), Семенова М.М. (Доруобуйаҕа туһалаах утахтар), Дьяконова Е.В. (Арбуһу саҥа методынан олордуу) темаларга олус туһалаах, интэриэһинэй маастар-кылаастары көрдөрдүлэр, сиһилии кэпсээтилэр, маастар-кылааһы тэрийэн ыыппыттарын туһунан туоһу суруктар туттарылыннылар.
Кылаастар, биирдиилээн нэһилиэк олохтоохторо күһүҥҥү атыы-тутуу дьаарбаҥкатын киэн далааһыннаахтык тэрийдилэр.
Дьүүллүүр сүбэ быһаарыытынан бары кылаастар анал номинациялар кыайыылаахтарынан ааттанан грамотанан бэлиэтэннилэр:
«Лучшая реклама торговой точки» — 11 класс (к/с. Молукова С.С.)
«Креативное оформление» — 6 класс (к/с. Кычкина М.В.)
«Настроение: Золотая осень» — 7 класс (к/с. Дьяконов Г.Г.)
«Самая веселая торговая точка» — 4 класс (к/с. Стручкова Е.М.)
«Самая активная торговая точка» — 9 класс (к/с. Габышева Я.И. )
«Самая богатая торговая точка» — 2 класс (к/с. Винокурова Л.В.)
«Самая дружная торговая точка» — 5 класс (к/с. Алексеева Х.Дь.)
«Осенняя фантазия» — 1 класс — (к/с. Стручкова Т.А.)
«Осенний калейдоскоп» — 3 класс (к/с. Рожина А.Д.)
«Богатый урожай» — 8 класс (к/с. Мохначевская П.И.)
«Все краски осени» — 10 класс (к/с. Сотникова Е.С.)
Бу күн үтүө үгэскэ кубулуйбут сылын аайы ытык-мааны дьоммутугар — тыыл ветераннарыгар, сэрии сылын оҕолоругар анаан тэриллибит «Полка добра» акцияҕа оскуола үөрэнээччилэрэ, төрөппүттэр, нэһилиэк олохтоохторо, буоларын курдук, көхтөөх кыттыыны ыллылар. Бу акцияҕа үтүө санаанан түмүллүбүт оҕуруот астарын, оҕуруот аһыттан оҥоһуллубут бородууксуйалары ытык-мааны дьоммутугар тиксэриэхпит.
Дьаарбаҥка-быыстапка быыһыгар оҕолорго анаан араас көрдөөх оонньуулар тэрилиннилэр. Түмүгэр оонньуу кыайыылаахтарыгар анаан аукцион тэрилиннэ.
Быйылгы өлгөм үүнүүттэн нэһилиэк олохтоохторун икки ардыгар «Саамай саамай» диэн хаппыыста, моркуоп, тыква, сүбүөкүлэ, кабачок көрүҥнэригэр күрэх тэрилиннэ. Түмүккэ кыайыылаахтарга анал грамота, сэмэй бэлэхтэр туттарылыннылар:
«Саамай улахан кабачок — 2024» кыайыылааҕынан буолла — Степанова С.Р. (3кг838).
«Саамай улахан тыква — 2024» кыайыылааҕынан таҕыста — Габышев П.В. (14кг600).
«Саамай улахан хаппыыста — 2024» кыайыылааҕынан буолла — Дохунаева В.Х. (7кг665).
«Саамай улахан сүбүөкүлэ — 2024» кыайыылааҕынан таҕыста — Винокуров Сайдам (1кг878)
«Саамай улахан моркуоп — 2024» кыайыылааҕынан буолла — Мохначевская Х.И. (0,334гр)
Маны сэргэ кылаастар икки ардыларыгар хортуоппуй хомууругар көхтөөхтүк үлэлээбит коллективтарга сүһүөхтэринэн арааран, 1,2,3 миэстэҕэ тахсыбыттарын туоһулуур анал грамоталар, сэмэй минньигэс бириистэр туттарылыннылар.
Түмүккэ бу күн «Саамай элбэх дохуоду киллэрбит дьиэ кэргэн — 2024» анал аат туттарылынна Анисия Даниловна, Иннокентий Дмитриевич Скрябиннар дьиэ кэргэҥҥэ. «Саамай элбэх дохуоду киллэрбит кылаас — 2024» аат ананна бүгүҥҥү атыы-тутуу түмүгүнэн 12тыһ 600солк. суумманы киллэрбит 11 кылаас коллективыгар (к/с. Молукова С.С.) Кыайыылаахтарга анал грамоталар, сэмэй бириистэр туттарылыннылар.
Бу курдук бары бииргэ түмсэммит, бүтүн нэһилиэгинэн үтүө үгэһинэн, көмүс дуйдаах күһүммүтүн үөрэ-көтө атаардыбыт.
