Балаҕан ыйын 17 күнүгэр нэһилиэкпитигэр ытык – мааны тыыл ветераннарыгар, анал байыаннай дьайыы кыттыылаахтарын дьиэ кэргэннэригэр, биирдиилээн олохтоохторго анаан оттук маһынан хааччыйыыга, тиэйэн киллэриигэ нэһилиэк эр дьонноро, ыччаттарбыт кыттыылаах субуотунньук тэрилиннэ.
Бу күн субуотунньук кыттыылаахтара үс тыраахтарга тэнинэн тиэйэн биэрбит оттук мастарын, тырахтарыыстар Куприянов В.Е., Макаров С.С. уонна Кычкин П.П. туһааннаах ыалларга тиэргэннэригэр тириэртилэр.
Субуотунньук кыттыылаахтарыгар нэһилиэкпит фермер уолаттара бэртээхэй эбиэт тэрийэн өйөбүл буоллулар.
Бу үтүө дьыала, сырдык санаанан салайтаран, бу саас оттук маһы бэлэмниир күргүөмнээх субуотунньуктан саҕаламмыта. Бүгүн тиһэҕэр тиэрдэн, үтүө дьыалаҕа кыттыспыт, күүс – көмө буолбут нэһилиэкпит эр дьонугар, ыччаттарбытыгар махтал сылаас тылларын аныаҕыҥ.
Инникитин да бу курдук түмсүүлээх, биир санаанан салайтаран, биир сомоҕо буолан, үтүө дьыалалары тэрийэ, кыттыһа туруоҕуҥ.
