Ыам ыйын 13 күнүгэр олохтоох култуура дьиэтигэр Анна Охлопкова наставниктаах Майатааҕы Аркадий Новиков «Көөчөөн Көрө» көр-күлүү народнай тэттик тыйаатыра, Иван Гоголев-Кындыл «Иннэ үүтүнэн» кэмиэдьийэ испэктээкилинэн ыалдьыттаатылар.
Майатааҕы норуодунай тыйаатыр режиссера Данил Осипов туруоруутугар «Иннэ үүтүнэн» кэмиэдьийэни «Көөчөөн Көрө» тыйаатыр артыыстара Олег Петров, Катя Иванова, Анна Охлопкова, Өркөн Осипов, Маша Терентьева уонна сүрүн оруолларга Алгыс Макаров, Данил Осипов итэҕэтиилээхтик оонньуулларын көрөн, көрөөччүлэр күлэн, үөрэн, астынан, сэргэхсийэн тарҕастылар.
Бу курдук, Балыктаах бөһүөлэгэр испэктээк кэрэ киэһэтин тэрийбит Майатааҕы Аркадий Новиков аатынан «Көөчөөн Көрө» көр-күлүү народнай тэттик тыйаатырыгар нэһилиэкпит олохтоохторун аатыттан сылаас махтал тылларын аныыбыт. Тыйаатыр артыыстарыгар айар үлэҕитигэр үрдүктэн үрдүк ситиһиилэри, тус олоххутугар, чугас дьоҥҥутугар чэгиэн доруобуйаны, дьолу-соргуну баҕарабыт.
