Муус устар 17 күнүгэр олохтоох култуура дьиэтигэр, М.П. Габышев аатынан Балыктаах орто оскуолатын коллективын көҕүлээһинэн, тумус туттар оҕолорун уонна Мэҥэ нэһилиэгин талааннаах дьонун икки ардыларыгар «Икки сулус» талааны көрүү күрэҕэ буолан ааста.
Бу дьоро киэһэ көрөөччүлэр сылаас ытыстарын тыаһынан, сарсыҥҥы кэрэни кэрэхсээн, саҥа кэм кэлэрин айхаллаан, саргылаах олоҕу уруйдаан, сырдык мичээр сыдьаайдаах, күлүү-үөрүү аргыстаах «Икки сулус» кыттыылаахтара ырыа, үҥкүү, оригинальнай жанр көрүҥнэргэ, ол курдук 5 кылаас үөрэнээччитэ – Андросова Алена дуэтнай паарата ийэтэ Андросова Дария Николавена, 6 кылаас үөрэнээччилэрэ – Ноговицына Саяна дуэтнай паарата Дьяконова Туймаада Леонидовна, Корякин Рома дуэтнай паарата Долгунова Лилия Васильевна, 7 кылаас үөрэнээччилэрэ – Кыймин Святослав дуэтнай паарата Дьяконов Евгений Гаврильевич, Трифонова Лилиана дуэтнай паарата учуутала Говорова Алина Гаврильевна, 8 кылаас үөрэнээччитэ Ноговицын Максим дуэтнай паарата учуутала Дьяконов Гаврил Гаврильевич, 10 кылаас үөрэнээччилэрэ – Иванова Кларена дуэтнай паарата эһээтэ Шишигин Илья Егорович, Слепцова Ира дуэтнай паарата Мохначевский Вячеслав Вячеславович — уопсайа 8 пара бэйэлэрин талааннарын көрдөрдүлэр.
«Икки сулус» талааны көрүү күрэх үөрүүлээх аһыллыытын «Ыллыкчаан» оҕо образцовай үҥкүү ансаамбыла аныгылыы тэтимнээх үҥкүүнэн астылар.
«Икки сулус» талааны көрүү күрэҕэр дьүүллүүр сүбэҕэ «Мэҥэ нэһилиэгэ» тыа сирин түөлбэтин баһылыга Габышев Нь.В., култуура дьиэтин директора Кычкина Л.В., М.П.Габышев аатынан олохтоох оскуола учуутала, наставник Говорова А.Н., СР култууратын туйгуна Прибылых И.Н. үлэлээтилэр.
Саха санаалаах барыта санаата көнөр, сандал сааспыт салаллан кэлбитинэн, «Икки сулус» талааны көрүү күрэххэ кыттыыны ыллылар:
«Дьөһөгөй» норуот ырыаларынан композицияны олус сэргэхтик толордулар Алена уонна Дария Андросовалар.
Саяна Ноговицына уонна кини дуэтнай паарата Туймаада Дьяконова анагылыы тэтимнээх үҥкүүнэн көрөөччүлэри сэргэхситтилэр.
«Дьиэрэҥкэй» үҥкүүнэн кытыннылар Рома Корякин уонна Лилия Долгунова.
Святослав Кыймин, Евгений Дьяконов Павел Пинигин репертуарыттан «Напиши» сэргэх ырыаларынан дьон-сэргэ сөҕүүтүн ыллылар.
Соҕуруу дойдуттан сылаас салгыны, эдэрдии эрчими көрдөрөн ,уоттаах испанскай үҥкүүнү үөрэ-көтө толордулар Лилиана Трифонова уонна Алина Говорова.
«Һээдьэ» ырыаны көрөөччүлэр дохсун ытыстарын тыаһыгар уйдаран толордулар Максим Ноговицын, Гаврил Дьяконов.
Бэйэлэрин аптаах нүөмэрдэрин «Икки сулус» күрэххэ көрдөрдүлэр Кларена Иванова уонна Илья Шишигин.
Нуучча норуотун үҥкүүтүн бэрт сэргэхтик, солуннук толорон, Ира Слепцова уонна Вячеслав Мохначевский көрөөччүлэр сэҥээриилэрин ылыахтарын ыллылар.
Дьүүлүүр сүбэ түмүк таһаарар бириэмэтигэр бэйэлэрин эҕэрдэлэрин бэлэх ууннулар:
Алын кылаас кыргыттарын толорууларыгар үҥкүү «Уһуктуу».
Алын кылаас уолаттара тэтимнээх үҥкүүнэн киэргэтэн-ситэрэн биэрдилэр.
Ылбаҕай ырыатын бэлэх уунна Саян Кычкин.
Гаврильева Влада толоруутугар монолог «Чучело»
М.П. Габышев аатынан Балыктаах орто оскуолатын тумус туттар оҕолорун уонна Мэҥэ нэһилиэгин талааннаах дьонун икки ардыларыгар «Икки сулус» талааны көрүү күрэх түмүгэ:
Номинация кыайыылаахтарынан ааттаннылар:
«Лучшая песня» — Алена, Дария Николаевна Андросовалар.
«Самый креативный» — Максим Ноговицын, Гаврил Гаврильевич Дьяконов.
«Самый стильный» — Саяна Ноговицына, Туймаада Леонидовна Дьяконова.
«Стремление к победе» — Роман Корякин, Лилия Васильевна Долгунова.
«Лучший сценический костюм» — Лилиана Трифонова, Алина Гаврильевна Говорова.
«Лучшая постановка» — Кларена Иванова, Илья Егорович Шишигин.
«Приз зрительских симпатий» — Святослав Кыймин, Евгений Гаврильевич Дьяконов.
«Икки сулус» талааны көрүү күрэх кыайыылаахтарынан ааттаннылар — Ира Слепцова, Вячеслав Вячеславович Мохначевский.
«Икки сулус» талааны көрүү күрэҕи иилээн-саҕалаан ыыттылар Миша Ноговицын, Татьяна Артуровна Стручкова.
Бу дьоро киэһэни нэһилиэк олохтоохторугар бэлэхтээбиттэригэр махтал сылаас тылларын аныыбыт «Икки сулус» талааны көрүү күрэх бастыҥ кыттааччыларыгар, оҕолорун тустарыгар сүүрбүт-көппүт, кыһамньылаах күндү төрөппүттэргэ, кылаас салайааччыларыгар. Баҕарабыт бөҕө туругу, үрдүктэн үрдүк ситиһиилэри, этэҥҥэ буолууну!
