Бүгүн кулун тутар 8 күнүгэр олохтоох култуура дьиэтигэр Сахабыт сирин томороон тымныылаах кыһынын кэнниттэн сааскы маҥнайгы бырааһынньыгы көрсө «Ийэ – алаһа дьиэ аанньала» — ийэлэргэ анаммыт түөлбэ аайыттан саастарынан араарыллан 1-кы бөлөххө 20-тэн – 39-гар диэри, 2-с бөлөххө 40-тан – 60-гар диэри саастаахтарга күөн күрэх буолан ааста. Кыттааччылар 6 түһүмэххэ бары да олус бэлэмнээхтик, тэрээһиннээхтик, сатабыллаахтык илин-кэлин түсүһэн олус сэргэх, истиҥ биэчэри бэлэхтээтилэр.


Бүгүҥҥү күрэх тэрээһинигэр нэһилиэкпит эр дьонноро актыыбынай кыттыыны ыллылар. Тыыннаах сибэкки дьөрбөтүн бу дьоро киэһэҕэ көрөөччү быһыытынан кэлбит бары кэрэ аҥардарга урбаанньыт Мохначевскай А.Р., күрэх бары кыттыылаахтарыгар, кыайыылаахтарыгар «Эр бэртэрэ» ватсап бөлөх уоланнара, араас сирдэргэ олорор биир дойдулаахтарбыт спонсордаабыттара хайҕаллаах уонна махталлаах. Биэчэр ыытыытыгар, дьүүллүүр сүбэҕэ, музыкальнай эҕэрдэлэргэ, соһуччу түгэни – бырааһынньыктааҕы лотерея нөҥүө бэлэхтэри олохтооһуҥҥа нэһилиэкпит эр дьонноро актыыбынай кыттыыны ылбыттара бүгүҥҥү дьоро киэһэни толору ситэрэн биэрдэ.

Кэрэхсэбиллээх кэрэ киэһэбит кыайыылаахтарын түмүгэ.
Бэйэни билиһиннэрии түһүмэҕэр «Хомоҕой Куо — 2022» ааты ылла — Татьяна Стручкова

«Дьиэ кэргэн ураты дьарыгын» билиһиннэрии түһүмэҕэр «Сиэдэрэй Симэх — 2022» ааты ылары ситистэ — Яна Васильева

«Төрөөбүт төрүт аспытынан күндүлүүбүт» түһүмэххэ «Сандалы Куо — 2022» ааты ылары ситистэ Нарыйа Докторова

Талааны арыйыы түһүмэххэ «Талба талаан — 2022» ааты ылары ситистэ — Дария Андросова

Киэһээҥҥи мааны былааччыйаны көрдөрүү түһүмэҕэр «Талба Куо — 2022» — ааты ылла Нарыйа Докторова

Көрөөччүлэр биһирэбиллэрин ылан «Сайдам Куо — 2022» анал ааты ылла– Дария Андросова

Бары түһүмэхтэри ситиһиилээхтик ааһан кыайыылаах ааты ылары ситистэ уонна «Күн Күбэй Ийэ -2022» үрдүк аат иҥэрилиннэ– Татьяна Стручковаҕа

Көрөөччүлэр биһирэбиллэрин анал аатын «Сайдам Хотун — 2022» уонна «Далбар Хотун — 2022» үрдүк ааты ылары ситистэ – Мария Спиридоновна Кычкина.

Күрэх бары кыттыылаахтарыгар уонна кыайыылаахтарыгар өссө төгүл истиҥ махталбытын биллэрэбит. Мэлдьи инники күөҥҥэ сылдьыҥ.

Сааскы ыраас күөх халлаан, дойдубут мүөттээх салгына, айгыр-силик айылҕабыт эһиэхэ таптал сылаас уотун сыдьаайа турдун, дьолу-соргуну, кэрэни, кэскили түстээтин. Эһигини өрүү уйгулаах олох арыаллаатын, баҕа санааларгыт тосхойо туоллуннар.
