Самаан сайын кэлбитинэн, сайыҥҥы уһун сынньалаҥнар саҕаламмыттарынан уонна аан дойдутааҕы оҕо көмүскэлин күнүнэн, бэс ыйын 1 күнүгэр олохтоох култуура дьиэтигэр «Дьоллоох оҕо саас » бырааһынньыктааҕы тэрээһин буолан ааста.
Оҕо күнүгэр аналлаах тэрээһин аанньал курдук сып-сырдык кып-кырачаан, оторой-моторой, оҕолорбутугар анаан, эһиги олоххут суола, остуоруйа кэрэ дойдутун курдук, аһаҕас, сылаас, сырдык буоллун, үтүөҕэ, кэрэҕэ, үрдүккэ дьулуһуугут хаһан да уҕараабатын, эһигини айхаллаан күөрэгэй чыычаах дьирибинии ыллаатын, күндү күн күлүмүрдүү күлүөхтүн, дьоллоох оҕо сааһы баҕарабыт диэн баҕа санаа бастыҥын анаан тураннар «Звездочка» оҕо уһуйаанын иитиллээччилэрин эҕэрдэ кэнсиэриттэн саҕаланна.
Балыктаахтааҕы Звездочка оҕо уһуйаанын иитиллээччилэрин толорууларыгар «Оҕо саас өрөгөй ырыата».
Алена Мохначевская толоруутугар «Сэрии аны буолбатын».
Илья Винокуров-Чаҕылҕан тылыгар, Андрей Костин музыкатыгар «Хайыһар» ырыаны бэлэх уунна Сарыал Харитонов.
«Звездочка» оҕо уһуйаанын иитиллээччилэрин толорууларыгар «Кыайыы күнэ».
Дамир Гурьев толоруутугар ырыа «Ытанньах герой буолбат» .
Алина Бродникова, Аделина Свинобоева толорууларыгар «Таммахтар».
Кэрэ үүммүт күнүнэн «Күн бытархайа» ылбаҕай ырыатын бэлэх уунна Айыллаана Желобцова.
Кырачааннарбыт толорууларыгар сайын туһунан хоһооннор.
Кыра кыргыттар толорууларыгар «Норуот ырыалара».
Ярик Дьяконов «Күнү кытта оонньуубун» ырыаны бэлэх уунна.
Улахан бөлөх иитиллээччилэрин толорууларыгар үҥкүү «Сайылыкка».
Балыктаахтааҕы Звездочка оҕо уһуйаанын эҕэрдэ кэнсиэрэ быйылгы выпускниктарын толорууларыгар «Оскуолаҕа барабын» ырыанан түмүктэннэ.
Салгыы оҕолорго анаан араас көрдөөх маассабай оонньуулар тэрилиннилэр.
Аан дойдутааҕы оҕо көмүскэлин күнүгэр аналлаах үөрүүлээх тэрээһиммитигэр кэлэн кыттыыны ылбыт «Звездочка» оҕо уһуйаанын иитиллээччилэригэр, музыкаҕа уһуйар Елена Ивановна Стручковаҕа уонна төрөппүттэрбитигэр истинник махтанабыт. Олус астына дуоһуйа ыллаан — туойан, бэһиэлэйдик оонньоон — көрүлээн, сэргэхсийэн барбыккыт буолуо диэн эрэнэбит. Оҕолорбутугар, эһиэхэ баҕарабыт сайын устата дуоһуйа сынньаныҥ, сөтүөлээн, күҥҥэ сыламнаан, күүстэ – уохта мунньунуҥ. Баҕарабыт чэгиэн доруобуйаны, этэҥҥэ буолууну!
